ಟಿ20 ಕ್ರಿಕೆಟ್ ಇತಿಹಾಸದಲ್ಲೇ ಅಫ್ಘಾನಿಸ್ಥಾನ ತಂಡ, ಬಲಿಷ್ಠ ಪಾಕಿಸ್ತಾನದ ವಿರುದ್ಧ ಚೊಚ್ಚಲ ಗೆಲುವು ಸಾಧಿಸಿದೆ. ಶಾರ್ಜಾ ಕ್ರಿಕೆಟ್ ಮೈದಾನದಲ್ಲಿ ನಡೆದ ಮೂರು ಟಿ20 ಪಂದ್ಯಗಳ ಸರಣಿಯ ಮೊದಲ ಪಂದ್ಯದಲ್ಲಿ ಅಪ್ಘಾನ್‌ ಪಡೆ 6 ವಿಕೆಟ್‌ಗಳ ಅಂತರದಲ್ಲಿ ಪಾಕಿಸ್ತಾನವನ್ನು ಮಣಿಸಿತು.
ಟಾಸ್‌ ಗೆದ್ದ ಪಾಕಿಸ್ತಾನ ಮೊದಲು ಬ್ಯಾಟ್‌ ಮಾಡಲು ನಿರ್ಧರಿಸಿತ್ತು. ಆದರೆ ಅಫ್ಘಾನಿಸ್ತಾನದ ಬಿಗು ಬೌಲಿಂಗ್‌ ದಾಳಿ ಎದುರು ರನ್‌ ಗಳಿಸಲು ಪರದಾಡದ ಶಾದಾಬ್‌ ಖಾನ್‌ ಪಡೆ. ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್‌ ನಷ್ಟದಲ್ಲಿ ಕೇವಲ 92 ರನ್‌ಗಳಿಸಲಷ್ಟೇ ಶಕ್ತವಾಯಿತು. ಸುಲಭ ಗುರಿಯನ್ನು 17.5 ಓವರ್‌ಗಳಲ್ಲಿ 4 ವಿಕೆಟ್‌ ನಷ್ಟದಲ್ಲಿ ಬೆನ್ನತ್ತಿದ ಅಫ್ಘಾನಿಸ್ತಾನ, ಪಾಕ್‌ ವಿರುದ್ಧ ಮೊದಲ ಗೆಲುವಿನ ಸಂಭ್ರವನ್ನಾಚರಿಸಿತು. ಲಾಂಗ್‌ ಆಫ್‌ ಕಡೆಗೆ ಭರ್ಜರಿ ಸಿಕ್ಸರ್‌ ಬಾರಿಸುವ ಮೂಲಕ ಮುಹಮ್ಮದ್‌ ನಬಿ ಗೆಲುವಿನ ಗಡಿ ದಾಟಿಸಿದರು.
AfghanAtalan, led by an epic knock by @MohammadNabi007, chased down Pakistan's 93-run target to win the first game by 6 wickets in Sharjah. Watch Afghanistan's batting highlights in this video. #AfghanAtalan | #AFGvPAK | #LobaBaRangRawri pic.twitter.com/yo5TVu39Mk
— Afghanistan Cricket Board (@ACBofficials) March 24, 2023
ನಾಯಕ ಬಾಬರ್‌ ಅಝಂ ಸೇರಿದಂತೆ ಐವರು ಪ್ರಮುಖ ಆಟಗಾರರಿಗೆ ಸರಣಿಯ ಮೊದಲ ಪಂದ್ಯದಲ್ಲಿ ವಿಶ್ರಾಂತಿ ನೀಡಲಾಗಿತ್ತು. ಇದರ ಭರಪೂರ ಲಾಭ ಪಡೆದ ರಶೀದ್‌ ಖಾನ್‌ ಬಳಗ ಹೊಸ ಇತಿಹಾಸ ರಚಿಸಿತು.
ಪಾಕ್‌ ಪರ 18 ರನ್‌ಗಳಿಸಿದ ಇಮಾದ್‌ ವಾಸಿಂ ಟಾಪ್‌ ಸ್ಕೋರರ್‌ ಎನಿಸಿಕೊಂಡರು. ಉಳಿದಂತೆ ಆರಂಭಿಕ ಸಾಯಿಮ್‌ ಅಯ್ಯೂಬ್‌ 17, ತಯ್ಯಬ್‌ ತಾಹಿರ್‌ 16 ಹಾಗೂ ನಾಯಕ ಶಾದಾಬ್‌ ಖಾನ್‌ 12 ರನ್‌ಗಳಿಸಿದರು. ಅಪ್ಘಾನ್‌ ಪರ 6 ಬೌಲರ್‌ಗಳು 9 ವಿಕೆಟ್‌ಗಳನ್ನು ಹಂಚಿಕೊಂಡರು
