ಐಪಿಎಲ್ 16ನೇ ಆವೃತ್ತಿಯಲ್ಲಿ ಹಾರ್ದಿಕ್ ಪಾಂಡ್ಯ ನೇತೃತ್ವದ ಗುಜರಾತ್ ಟೈಟಾನ್ಸ್ 4ನೇ ಗೆಲುವು ದಾಖಲಿಸಿದೆ.
ಲಕ್ನೋದ ಏಕಾನಾ ಸ್ಪೋರ್ಟ್ಸ್ ಸಿಟಿ ಸ್ಟೇಡಿಯಂನಲ್ಲಿ ಕೆ.ಎಲ್ ರಾಹುಲ್ ನೇತೃತ್ವದ ಲಕ್ನೋ ಸೂಪರ್ ಜೈಂಟ್ಸ್ ಮತ್ತು ಗುಜರಾತ್ ಟೈಟಾನ್ಸ್ ನಡುವೆ ಹಣಹಣಿ ನಡೆದಿತ್ತು. ಕಡಿಮೆ ರನ್ ಗಳಿಸಿದ್ದರೂ, ಲಕ್ನೋ ತಂಡಕ್ಕೆ ಆ ಮೊತ್ತವನ್ನು ಮೀರಲು ಅವಕಾಶ ನೀಡಿದ ಗುಜರಾತ್ ತಂಡ ಗೆಲವು ಸಾಧಿಸಿದೆ.
ಮೊದಲಿಗೆ ಬ್ಯಾಂಟಿಂಗ್ ಮಾಡಿದ ಗುಜರಾತ್ ತಂಡ 6 ವಿಕೆಟ್ ನಷ್ಟದೊಂದಿಗೆ 135 ರನ್ ಗಳಿಸಿತ್ತು. ಆ ಮೊತ್ತದ ಬೆನ್ನತ್ತಿದ ಲಕ್ನೊ ತಂಡ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟದೊಂದಿಗೆ 126 ರನ್ ಗಳಿಸಿ ಸೋಲುಂಡಿತು.
ಗುಜರಾತ್ ತಂಡದ ಹಾರ್ದಿಕ್ ಪಾಂಡ್ಯ 66 ರನ್ಗಳಿಸಿ ಅರ್ಧ ಶತಕ ಸಿಡಿಸಿದರೆ, ವ್ರಿಡ್ಡಿಮನ್ ಸಹ 47 ರನ್ಗಳಿಸಿ, ಅರ್ಧ ಶತಕ ಬಾರಿಸುವುದಕ್ಕೂ ಮುನ್ನವೇ ವಿಕೆಟ್ ನೀಡಿದರು.
ಲಕ್ನೊ ತಂಡದ ನಾಯಕ ಕೆ.ಎಲ್ ರಾಹುಲ್ 68 ರನ್ ಗಳಿಸಿ ಅರ್ಧ ಶತಕ ಬಾರಿಸಿದರು. ಅವರೊಬ್ಬರನ್ನು ಬಿಟ್ಟರೆ ಉಳಿದ ಯಾವ ಬ್ಯಾಟ್ಸ್ಮನ್ ಕೂಡ ಅರ್ಧ ಶತಕದ ಸಮೀಪಕ್ಕೂ ರನ್ ಗಳಿಸಲಿಲ್ಲ.