ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಮುಂಬೈ ವಿರುದ್ಧ ಇಂದು ನಡೆದ ಐಪಿಎಲ್‌ನ 8ನೇ ಪಂದ್ಯದಲ್ಲಿ ಸನ್‌ರೈಸರ್ಸ್‌ ಹೈದರಾಬಾದ್ ತಂಡ ಇತಿಹಾಸ ಸೃಷ್ಟಿಸಿದೆ.
ಟಾಸ್ ಗೆದ್ದ ಮುಂಬೈ ನಾಯಕ ಹಾರ್ದಿಕ್ ಪಾಂಡ್ಯ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದರು. ಆದರೆ, ಹೈದರಾಬಾದ್ ಅನ್ನು ಕಡಿಮೆ ಮೊತ್ತಕ್ಕೆ ಕಟ್ಟಿಹಾಕುವ ಲೆಕ್ಕಾಚಾರ ಉಲ್ಟಾ ಹೊಡೆಯಿತು.
ಪ್ಯಾಟ್ ಕಮ್ಮಿನ್ಸ್‌ ನೇತೃತ್ವದ ತಂಡದ ಬ್ಯಾಟರ್‌ಗಳ ಅಬ್ಬರದಿಂದಾಗಿ ನಿಗದಿತ 20 ಓವರ್‌ಗಳಲ್ಲಿ ಕೇವಲ 3 ವಿಕೆಟ್ ಕಳೆದುಕೊಂಡು 277 ರನ್‌ಗಳನ್ನು ದಾಖಲಿಸಿದೆ. ಇದು 17 ವರ್ಷದ ಐಪಿಎಲ್‌ನ ಇತಿಹಾಸದಲ್ಲೇ ತಂಡ ಬೃಹತ್ ಮೊತ್ತವಾಗಿದೆ.
Fastest 5️⃣0️⃣ by an SRH batter
T̶r̶a̶v̶i̶s̶ H̶e̶a̶d̶ (̶1̶7̶ d̶e̶l̶i̶v̶e̶r̶i̶e̶s̶)̶
Abhishek Sharma (16 deliveries) 😎#SRHvMI #TATAIPL #IPLonJioCinema pic.twitter.com/4UDGOyQqGr— JioCinema (@JioCinema) March 27, 2024
ಈ ಮೊದಲು ಈ ದಾಖಲೆ ಆರ್‌ಸಿಬಿ ಹೆಸರಲ್ಲಿತ್ತು. 2013ರಲ್ಲಿ ಬೆಂಗಳೂರಿನಲ್ಲಿ ಪುಣೆ ವಾರಿಯರ್ಸ್‌ ವಿರುದ್ಧ ನಡೆದಿದ್ದ ಪಂದ್ಯದಲ್ಲಿ ಆರ್‌ಸಿಬಿಯು 5 ವಿಕೆಟ್ ಕಳೆದುಕೊಂಡು 263 ರನ್‌ಗಳನ್ನು ದಾಖಲಿಸಿತ್ತು.
11 YEAR OLD RECORD HAS SHATTERED…!!!
– The most painful day for a RCB fan. 💔 pic.twitter.com/d0DYJLLkbi
— Mufaddal Vohra (@mufaddal_vohra) March 27, 2024
ಮುಂಬೈ ಇಂಡಿಯನ್ಸ್ ವಿರುದ್ಧದ ಇಂದಿನ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡಕ್ಕೆ ‘ವಿಶ್ವಕಪ್‌ನ ಹೀರೋ’ ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಬಲಿಷ್ಠ ಆರಂಭ ನೀಡಿದರು.
4.1 ಓವರ್‌ಗಳಲ್ಲಿ ತಂಡದ ಮೊತ್ತವು 45 ರನ್‌ಗಳಿರುವಾಗ ಮಯಾಂಕ್ ಅಗರ್ವಾಲ್ ಅವರು ಹಾರ್ದಿಕ್ ಪಾಂಡ್ಯಾಗೆ ವಿಕೆಟ್ ಒಪ್ಪಿಸಿದರು. ಆ ಬಳಿಕ ಕ್ರೀಸ್‌ಗೆ ಆಗಮಿಸಿದ ಯುವ ಬ್ಯಾಟರ್ ಅಭಿಷೇಕ್ ಶರ್ಮಾ, ಟ್ರಾವಿಸ್ ಹೆಡ್‌ಗೆ ಸಾಥ್ ನೀಡಿದರು.
ಮುಂಬೈನ ಬೌಲಿಂಗ್ ದಾಳಿಯ ವಿರುದ್ಧ ಟ್ರಾವಿಸ್ ಹೆಡ್ ಆಕ್ರಮಣಕಾರಿ ಬ್ಯಾಟಿಂಗ್ ಮಾಡಿ, ಕೇವಲ 18 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಹೆಡ್ 24 ಎಸೆತಗಳಲ್ಲಿ ಒಂಭತ್ತು ಬೌಂಡರಿ ಹಾಗೂ ಮೂರು ಭರ್ಜರಿ ಸಿಕ್ಸರ್‌ಗಳ ನೆರವಿನಿಂದ 62 ರನ್ ಗಳಿಸಿದ್ದಾಗ, ಕೊಯೆಟ್‌ಝೀ ಎಸೆತದಲ್ಲಿ ನಮನ್ ಧೀರ್‌ಗೆ ಕ್ಯಾಚ್ ನೀಡಿ, ಔಟಾದರು.
ಹೆಡ್ ಔಟಾದ ಬಳಿಕ ಎಡಗೈ ಬ್ಯಾಟರ್ ಅಭಿಷೇಕ್ ಶರ್ಮಾ ಕೂಡ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸುವ ಮೂಲಕ ಮುಂಬೈ ಬೌಲಿಂಗ್ ಅನ್ನು ಪುಡಿಗಟ್ಟಿದರು. ಅಭಿಷೇಕ್ ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಪೂರೈಸುವ ಮೂಲಕ ಸಾಧನೆ ಮಾಡಿದರು. ಪಿಯೂಷ್ ಚಾವ್ಲಾ ಎಸೆತದಲ್ಲಿ ದೊಡ್ಡ ಹೊಡೆತಕ್ಕೆ ಯತ್ನಿಸಿ, ಔಟಾದರು. ಅಭಿಷೇಕ್ ಶರ್ಮಾ 23 ಎಸೆತಗಳಲ್ಲಿ 63 ರನ್ ಗಳಿಸಿದರು.
ಬಳಿಕ ಜೊತೆಯಾದ ಹೆನ್ರಿ ಕ್ಲಾಸೆನ್ ಹಾಗೂ ಮಾರ್ಕರಮ್ ಜೋಡಿ ಮುರಿಯದ ನಾಲ್ಕನೇ ವಿಕೆಟ್‌ಗೆ ರನ್‌ಗಳ ಜೊತೆಯಾಟ ನಡೆಸಿದರು.
ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಹೆನ್ರಿ ಕ್ಲಾಸೆನ್ 34 ಎಸೆತಗಳಲ್ಲಿ 80 ರನ್(7 ಸಿಕ್ಸರ್, 4 ಬೌಂಡರಿ) ಹಾಗೂ ಮಾರ್ಕರಮ್ 28 ಎಸೆತಗಳಲ್ಲಿ 42 ರನ್(1 ಸಿಕ್ಸರ್, 2 ಬೌಂಡರಿ) ಗಳಿಸಿ ಮಿಂಚಿದರು.
THE HISTORIC MOMENT IN THE IPL…!!! 💥
– SRH SURPASSED RCB TO SCORE THE HIGHEST TEAM TOTAL. 🤯pic.twitter.com/dfjGjItj5Z
— Mufaddal Vohra (@mufaddal_vohra) March 27, 2024
ಮುಂಬೈ ಇಂಡಿಯನ್ಸ್ ಬೌಲಿಂಗ್‌ನಲ್ಲಿ ಜಸ್ಪ್ರೀತ್ ಬುಮ್ರಾ ಹೊರತುಪಡಿಸಿ, ಬೌಲಿಂಗ್ ಮಾಡಿದ ಉಳಿದೆಲ್ಲರೂ ದುಬಾರಿಯಾದರು. ಜಸ್ಪ್ರೀತ್ ಬುಮ್ರಾ 4 ಓವರ್‌ಗಳಲ್ಲಿ ಕೇವಲ 36 ರನ್ ನೀಡಿದರೂ, ವಿಕೆಟ್ ಪಡೆಯುವಲ್ಲಿ ವಿಫಲರಾದರು. ತಂಡದ ನಾಯಕ ಹಾರ್ದಿಕ್ ಪಾಂಡ್ಯಾ, ಪೀಯೂಷ್ ಚಾವ್ಲಾ ಹಾಗೂ ಕೊಯೆಟ್‌ಝೀ ತಲಾ ಒಂದೊಂದು ವಿಕೆಟ್ ಪಡೆದರು.
ಕ್ವೇನಾ ಮಪಾಕಾ 4 ಓವರ್‌ಗಳಲ್ಲಿ 66 ರನ್ ನೀಡಿದರೆ, ಕೊಯೆಟ್‌ಝೀ 57 ರನ್ ನೀಡಿದರು. ಹಾರ್ದಿಕ್ ಪಾಂಡ್ಯಾ 46 ರನ್, ಪೀಯೂಷ್ ಚಾವ್ಲಾ 2 ಓವರ್‌ಗಳಲ್ಲಿ 34 ರನ್ ಹಾಗೂ ಮುಲಾನಿ 33 ರನ್ ನೀಡಿ ದುಬಾರಿಯಾದರು.
A special moment to mark a landmark occasion 😃
Rohit Sharma is presented with a special commemorative jersey by none other than the legendary Sachin Tendulkar on the occasion of his 200th IPL Match for @mipaltan 👏👏#TATAIPL | #SRHvMI | @ImRo45 | @sachin_rt pic.twitter.com/iFEH8Puvr7
— IndianPremierLeague (@IPL) March 27, 2024
ರೋಹಿತ್ ಶರ್ಮಾಗೆ 200ನೇ ಐಪಿಎಲ್ ಪಂದ್ಯ
ಮುಂಬೈ ತಂಡದ ಮಾಜಿ ನಾಯಕ ರೋಹಿತ್ ಶರ್ಮಾ ಇಂದು 200ನೇ ಐಪಿಎಲ್ ಪಂದ್ಯವನ್ನಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ 200 ಎಂದು ಬರೆದ ವಿಶೇಷ ಜೆರ್ಸಿಯನ್ನು ಸಚಿನ್ ತೆಂಡೂಲ್ಕರ್ ಕೊಡುಗೆಯಾಗಿ ನೀಡಿದರು.
