ಸೇವಾ ಶುಲ್ಕ ಪಾವತಿ ವಿವಾದಗಳ ಹಿನ್ನೆಲೆಯಲ್ಲಿ ಜನಪ್ರಿಯ ಆನ್‌ಲೈನ್‌ ವೈವಾಹಿಕ ಆಪ್ ಭಾರತ್ ಮ್ಯಾಟ್ರಿಮೋನಿ ಸೇರಿದಂತೆ 10 ಆಪ್‌ಗಳನ್ನು ಪ್ಲೇಸ್ಟೋರ್‌ನಿಂದ ಗೂಗಲ್ ತೆಗೆದುಹಾಕಿದೆ.
ಈ ವೈವಾಹಿಕ ಆಪ್‌ಗಳು ಸೇರಿದಂತೆ 10 ಆಪ್‌ಗಳು ಗೂಗಲ್ ಗೆ ಸಲ್ಲಿಸಬೇಕಾದ ಪಾವತಿಗಳನ್ನು ನಿಗದಿತ ಅವಧಿಯಲ್ಲಿ ಸಲ್ಲಿಸದ ಕಾರಣ ರದ್ದುಪಡಿಸಲಾಗಿದೆ. ಕಂಪನಿಗಳು ತಮ್ಮ ಆಪ್‌ಅನ್ನು ಪ್ಲೇಸ್ಟೋರ್‌ನಲ್ಲಿ ಅಳವಡಿಸಬೇಕಾದರೆ ಕಂಪನಿಯ ನಿಯಮಗಳಂತೆ ಶೇ.11 ರಿಂದ 26ರವರೆಗೂ ಸೇವಾ ಶುಲ್ಕ ಪಾವತಿಸಬೇಕು.
ವೈವಾಹಿಕ ಆಪ್‌ಗಳಾದ ಭಾರತ್ ಮ್ಯಾಟ್ರಿಮೋನಿ, ಶಾದಿ ಡಾಟ್‌ ಕಾಂ, ಕ್ರಿಶ್ಚಿಯನ್ ಮ್ಯಾಟ್ರಮೋನಿ, ಮುಸ್ಲಿಂ ಮ್ಯಾಟ್ರಿಮೋನಿ, ಜೋಡಿ ಆಪ್‌ಗಳಲ್ಲದೆ ಅನ್‌ಅಕಾಡೆಮಿ, ಕುಕು ಎಫ್‌ಎಂ, ಆಲ್ಟ್‌ ಡಿಜಿಟಲ್ ಮೀಡಿಯಾ, ಇನ್ಫೋ ಎಡ್ಜ್‌ ಹಾಗೂ ಉದ್ಯೋಗ ಹುಡುಕುವ ನೌಕರಿ ಡಾಟ್‌ ಕಾಂ ಆಪ್‌ಗಳನ್ನು ಕೂಡ ಗೂಗಲ್ ಪ್ಲೇಸ್ಟೋರ್‌ನಿಂದ ರದ್ದುಪಡಿಸಲಾಗಿದೆ.
ರದ್ದುಗೊಂಡ ಆಪ್‌ಗಳಲ್ಲದೆ ಹಲವು ಆಪ್‌ಗಳ ಮಾಲೀಕರು ಗೂಗಲ್ ಪ್ಲೇಸ್ಟೋರ್ ವಿಧಿಸುತ್ತಿರುವ ಹೆಚ್ಚುವರಿ ಪಾವತಿಗಳ ವಿರುದ್ಧ ಕೋರ್ಟ್‌ನಲ್ಲಿ ಪ್ರಶ್ನಿಸಲು ಮುಂದಾಗಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಪ್ರಭುತ್ವ ಪೋಷಿತ ಮೈತೇಯಿ ಮಿಲಿಟೆಂಟ್‌ ಅಟ್ಟಹಾಸ ಮತ್ತು ಮಣಿಪುರ ಪೊಲೀಸರ ಅಸಹಾಯಕತೆ
ಗೂಗಲ್ ನಿರ್ಧಾರದ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿರುವ ಮ್ಯಾಟ್ರಿಮೋನಿಯಲ್‌ ಡಾಟ್‌ ಕಾಂ ಮುಖ್ಯಸ್ಥ ಮುರಗವೇಲ್ ಜಾನಕಿರಾಮನ್‌” ಭಾರತೀಯ ಇಂಟರ್‌ನೆಟ್‌ನಲ್ಲಿ ಕಾರಳ ದಿನ” ಎಂದು ಹೇಳಿದ್ದಾರೆ.
ರದ್ದುಗೊಳಿಸಲಾದ ನೌಕರಿ ಡಾಟ್‌ ಕಾಂನ ಮಾತೃ ಸಂಸ್ಥೆ ಇನ್ಫೊ ಎಡ್ಜ್‌ ಇಂಡಿಯಾದ ಸಂಸ್ಥಾಪಕ ಸಂಜೀವ್‌ ಬಿಖ್ಚಂದನಿ ಗೂಗಲ್ ಪ್ಲೇಸ್ಟೋರ್ ನಿಯಮಗಳ ಬಗ್ಗೆ ಕೋರ್ಟ್‌ನಲ್ಲಿ ಪ್ರಶ್ನಿಸಲು ಮುಂದಾಗಿದ್ದಾರೆ.
“ಫೆ.09 ರಂದು ಸುಪ್ರೀಂ ಕೋರ್ಟ್ ಆದೇಶ ಹೊರಬಿದ್ದ ದಿನದಿಂದ ತಮ್ಮ ಆದೇಶಕ್ಕೆ ಬದ್ಧರಾಗಿದ್ದೇವೆ. ನಾವು ಗೂಗಲ್‌ನ ಯಾವುದೇ ಬಾಕಿಗಳನ್ನು ಉಳಿಸಿಕೊಂಡಿಲ್ಲ. ಎಲ್ಲವನ್ನು ಸಮಯಕ್ಕೆ ಸರಿಯಾಗಿ ಸೇವಾ ಶುಲ್ಕಗಳನ್ನು ಪಾವತಿಸುತ್ತಿದ್ದೇವೆ” ಎಂದು ಸಂಜೀವ್‌ ಬಿಖ್ಚಂದನಿ ತಿಳಿಸಿದ್ದಾರೆ.
ವೈವಾಹಿಕ ಆಪ್‌ಗಳನ್ನು ರದ್ದುಗೊಳಿಸಿದ ನಂತರ ಅವಗಳ ಷೇರುಗಳು ಶೇ.2.7 ರಷ್ಟು ಕುಸಿತ ಕಂಡರೆ, ನೌಕರಿ ಡಾಟ್‌ ಕಾಂನ ಆಪ್‌ಗಳು ಶೇ. 1.5 ಕುಸಿತಕಂಡಿವೆ.
