ಭಾರತೀಯ ರಿಸರ್ವ್ ಬ್ಯಾಂಕ್ ಅಕ್ರಮ ಹಣ ವರ್ಗಾವಣೆ ಸೇರಿದಂತೆ ಹಲವು ನಿಬಂಧನೆಗಳನ್ನು ನಿಯಮಗಳನ್ನು ಉಲ್ಲಂಘಿಸಿದ ನಂತರ ಆನ್‌ಲೈನ್‌ ಪಾವತಿ ತಾಣ ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ಗೆ ನಿಷೇಧವೇರಿದೆ. ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್ ಮಾರ್ಚ್‌ 15ರ ನಂತರ ಸಂಪೂರ್ಣವಾಗಿ ಸ್ತಬ್ಧಗೊಳ್ಳಲಿದೆ.
ಆರ್‌ಬಿಐನಿಂದ ನಿಷೇಧಗೊಂಡ ಪೇಟಿಎಂ ಸಂಸ್ಥೆ ಆರ್ಥಿಕ ವ್ಯವಹಾರ ಮಾತ್ರವಲ್ಲ ಗ್ರಾಹಕರ ಚಂದಾದಾರಿಕೆಯಿಂದಲೂ ನಷ್ಟ ಉಂಟಾಗಿದೆ. ಭಾರತದ ಪ್ರಮುಖ ಆನ್‌ಲೈನ್‌ ತಾಣಗಳಾದ ಗೂಗಲ್ ಪೇ ಹಾಗೂ ಫೋನ್ ಪೇ ಸಂಸ್ಥೆಗಳು ತ್ವರಿತವಾಗಿ ಗ್ರಾಹಕರ ಹಣಕಾಸು ವಹಿವಾಟಿನಲ್ಲಿ ಹೆಚ್ಚಳ ಕಂಡಿವೆ.
ಕಳೆದ ಜನವರಿಯಿಂದ ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್ ಹಣಕಾಸಿನ ವಹಿವಾಟು ಶೇ.14 ರಷ್ಟು ಕುಸಿತ ಕಂಡಿದ್ದು, 13 ಸಾವಿರ ಕೋಟಿ ರೂ.ಗೂ ಹೆಚ್ಚು ನಷ್ಟವುಂಟಾಗಿದೆ. ಭಾರತದ ರಾಷ್ಟ್ರೀಯ ಪಾವತಿಗಳ ಮಂಡಳಿ (ಎನ್‌ಸಿಪಿಐ) ವೆಬ್‌ಸೈಟ್‌ನಿಂದ ಈ ಮಾಹಿತಿ ಹೊರ ಬಿದ್ದಿದೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ವಿದೇಶಿ ಪ್ರವಾಸಿ ಮೇಲೆ ಅತ್ಯಾಚಾರ; ʼಅತಿಥಿ ದೇವೋಭವʼ ಎಂದ ದೇಶದಲ್ಲಿ ಇದೆಂಥಾ ಕ್ರೌರ್ಯ!
ವಾಲ್‌ಮಾರ್ಟ್‌ ಮಾಲೀಕತ್ವದ ಫೋನ್‌ಪೇ ಹಾಗೂ ಗೂಗಲ್ ಮಾಲಿಕತ್ವದ ಜಿಪೇ ಎರಡು ಕಂಪನಿಗಳು ತಮ್ಮ ಪಾವತಿ ಮೌಲ್ಯಗಳಲ್ಲಿ ಹೆಚ್ಚಳ ಕಂಡಿದ್ದು, ಪೇಟಿಎಂ ಮೂರನೇ ಸ್ಥಾನಕ್ಕೆ ಜಿಗಿದಿದೆ.
ಆರ್‌ಬಿಐ ವಿಧಿಸಿದ ನಿರ್ಬಂಧದಿಂದಾಗಿ ಆನ್‌ಲೈನ್‌ ಪಾವತಿಗಾಗಿ ಪೇಟಿಎಂ ಬಳಸಲು ಗ್ರಾಹಕರು ನಿರಾಕರಿಸುತ್ತಿದ್ದಾರೆ.
ಎನ್‌ಸಿಪಿಐ ಅಂಕಿಅಂಶಗಳ ಪ್ರಕಾರ ಫೋನ್‌ಪೇ ಶೇ.7ರಷ್ಟು ಹಾಗೂ ಜಿಪೇ ಶೇ.6ರಷ್ಟು ವಹಿವಾಟುಗಳು ಏರಿಕೆಯಾಗಿವೆ. ಆದರೆ ಈಗಲೂ ಸಹ ತನ್ನ ಪಾವತಿಗಳ ಕುಸಿತದ ಬಗ್ಗೆ ಪೇಟಿಎಂ ಸಂಸ್ಥೆ ನಿರಾಕರಿಸುತ್ತಿದೆ.
ಆರ್‌ಬಿಐ ಜನವರಿ 31ರಂದು ಪೇಟಿಎಂ ಪೇಮೆಂಟ್‌ ಬ್ಯಾಂಕ್ ಮೇಲೆ ಕ್ರಮ ಕೈಗೊಂಡ ನಂತರ ಶೇರುಗಳು ಸಹ ಶೇ.50 ರಷ್ಟು ಕುಸಿದಿವೆ. ಘಟನೆಯ ಹೊಣೆ ಹೊತ್ತು ಪೇಟಿಂಎಂನ ಮಾತೃ ಸಂಸ್ಥೆ ಒನ್‌ ಇಂಡಿಯಾ97 ಕಮ್ಯೂನಿಕೇಷನ್ಸ್‌ ಲಿಮಿಟೆಡ್‌ನ ಸಂಸ್ಥಾಪಕ ಸಿಇಒ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.
