ಅಮೆರಿಕದಲ್ಲಿ ಮತ್ತೆ ಸಾಮೂಹಿಕ ಗುಂಡಿನ ದಾಳಿಯ ಘಟನೆ ನಡೆದಿದ್ದು, 22 ಜನರು ಸಾವನ್ನಪ್ಪಿ, 60 ಮಂದಿ ಗಾಯಗೊಂಡಿರುವ ಭೀಕರ ಘಟನೆ ನಡೆದಿದೆ.
ಮೈನೆನ ಲೆವಿಸ್ಟನ್‌ನಲ್ಲಿ ಈ ಘಟನೆ ನಡೆದಿದೆ. ದಾಳಿಗೆ 22 ಜನರು ಸಾವನ್ನಪ್ಪಿದ್ದು, 60 ಮಂದಿ ಗಾಯಗೊಂಡಿದ್ದು, ಗುಂಡಿನ ದಾಳಿ ನಡೆಸಿದ ವ್ಯಕ್ತಿ ಕೃತ್ಯ ಎಸಗಿದ ಬಳಿಕ ಸ್ಥಳದಿಂದ ಪರಾರಿಯಾಗಿದ್ದಾನೆ. ಆರೋಪಿಯನ್ನು ‘ರಾಬರ್ಟ್ ಕಾರ್ಡ್’ ಎಂದು ಗುರುತಿಸಲಾಗಿದೆ ಎಂದು ಮೈನೆ ಸ್ಟೇಟ್ ಪೊಲೀಸರು ಮಾಹಿತಿ ನೀಡಿದ್ದಾರೆ.
BREAKING: Suspect in Lewiston, Maine, mass shooting identified as Robert Card, a firearms instructor in the US Army reserve who was recently discharged from a mental health facility after reporting hallucinations. pic.twitter.com/ACmYdb0kBX
— The Spectator Index (@spectatorindex) October 26, 2023
ಈ ಘಟನೆ ಬುಧವಾರ ತಡರಾತ್ರಿ (ಅಮೆರಿಕದ ಸ್ಥಳೀಯ ಕಾಲಮಾನ) ನಡೆದಿದ್ದು, ಪರಾರಿಯಾಗಿರುವ ಶಂಕಿತ ರಾಬರ್ಟ್ ಕಾರ್ಡ್‌ನ ಎರಡು ಫೋಟೋಗಳನ್ನು ಹಂಚಿಕೊಂಡಿದ್ದು, ಸ್ಥಳೀಯ ಜನರು ಎಚ್ಚರಿಕೆಯಿಂದ ಇರುವಂತೆ ಸೂಚನೆ ನೀಡಿದ್ದಾರೆ.
ಪೊಲೀಸರು ಬಿಡುಗಡೆಗೊಳಿಸಿರುವ ಚಿತ್ರದಲ್ಲಿ ಈತ ಗುಂಡಿನ ದಾಳಿ ಸ್ಥಳದಲ್ಲಿ ರೈಫಲ್ ಹಿಡಿದಿದ್ದು ಕಂಡು ಬಂದಿದೆ. ಈತ ಸದ್ಯ ತಲೆಮರೆಸಿಕೊಂಡಿದ್ದಾನೆ. ಚಿತ್ರದಲ್ಲಿರುವ ಶಂಕಿತನನ್ನು ಗುರುತಿಸಿದರೆ ಕೂಡಲೇ ಪೊಲೀಸರ ಗಮನಕ್ಕೆ ತನ್ನಿ ಎಂದು ಅಧಿಕಾರಿಗಳು ಸಾರ್ವಜನಿಕರಿಂದ ನೆರವನ್ನು ಕೇಳಿದ್ದಾರೆ ಎಂದು ಸುದ್ದಿ ಸಂಸ್ಥೆ ರಾಯಿಟರ್ಸ್ ವರದಿ ಮಾಡಿದೆ.
These are pictures of the mass shooting suspect in Lewiston, Maine put out by local law enforcement. Over a dozen are feared dead and many more injured. Police stress this man is still at large. pic.twitter.com/KzjoW2XFil
— Omar Jimenez (@OmarJimenez) October 26, 2023
ಆರೋಪಿ ರಾಬರ್ಟ್ ಕಾರ್ಡ್ ಹಿನ್ನೆಲೆಯ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕಿದ್ದು, ಆತ ಇತ್ತೀಚೆಗೆಷ್ಟೇ ಮಾನಸಿಕ ಆರೋಗ್ಯ ಕೇಂದ್ರವೊಂದರಿಂದ ಇತ್ತೀಚೆಗಷ್ಟೇ ಬಿಡುಗಡೆ ಹೊಂದಿದ್ದ ಎಂದು ತಿಳಿದುಬಂದಿದೆ. ಅಲ್ಲದೇ, ಸಾಕೋದಲ್ಲಿರುವ ಸೇನಾ ಮೀಸಲು ಪ್ರದೇಶದಲ್ಲಿ ಬಂದೂಕು ಬಳಸುವ ಬಗ್ಗೆ ತರಬೇತಿ ಪಡೆದಿದ್ದ ಎಂದು ಮೈನೆಯ ಮಾಹಿತಿ ಮತ್ತು ವಿಶ್ಲೇಷಣಾ ಕೇಂದ್ರ ಪತ್ತೆ ಹಚ್ಚಿದೆ.
#WATCH | Maine, US: Department Of Public Safety Commissioner Michael J Sauschuck says, “At approximately 6.56 this evening, a couple of shooting incidents occurred here with multiple casualties in Lewiston. Police are currently searching for a Robert R Card… He is considered… pic.twitter.com/DbrMx1E5jB
— ANI (@ANI) October 26, 2023
ಕೆಲವು ತಿಂಗಳುಗಳ ಹಿಂದೆ ಸ್ಯಾಕೋದಲ್ಲಿರುವ ನ್ಯಾಷನಲ್ ಗಾರ್ಡ್ ಸೇನಾ ನೆಲೆಯ ಮೇಲೆಯೇ ಗುಂಡಿನ ದಾಳಿ ನಡೆಸುವ ಬಗ್ಗೆಯೂ ಆಡಿಯೋ ಬಿಟ್ಟಿರುವುದು ಕೂಡ ಪತ್ತೆ ಹಚ್ಚಿದೆ.
