- ಜೂ. 11ರಂದು 5,71,023 ಮಹಿಳೆಯರ ಪ್ರಯಾಣ
- ಶಕ್ತಿ ಯೋಜನೆಗೆ ಚಾಲನೆ ನೀಡಿದ ಮುಖ್ಯಮಂತ್ರಿ ಸಿದ್ಧರಾಮಯ್ಯ
2023ರ ಸಾರ್ವತ್ರಿಕ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್‌ ಬಹುಮತದೊಂದಿಗೆ ಅಧಿಕಾರದ ಚುಕ್ಕಾಣಿ ಹಿಡಿದಿದ್ದು, ತನ್ನ 5 ಗ್ಯಾರಂಟಿಗಳಲ್ಲಿ ಒಂದಾದ ಬಸ್‌ನಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣದ ಶಕ್ತಿ ಯೋಜನೆಯನ್ನು ಜಾರಿಗೆ ತಂದಿದೆ. ಮೂರನೇ ದಿನ ಒಟ್ಟು 51,52,769 ಮಹಿಳೆಯರು ಈ ಯೋಜನೆಯ ಲಾಭ ಪಡೆದುಕೊಂಡಿದ್ದಾರೆ.
ಮೊದಲ ದಿನ 5,71,023 ಮಹಿಳೆಯರು ಉಚಿತ ಪ್ರಯಾಣಿಸಿದ್ದು, ಒಟ್ಟು ₹1,40,22,878 ಕೋಟಿ ಟಿಕೆಟ್ ಮೊತ್ತವಾಗಿತ್ತು. ಎರಡನೇಯ ದಿನ ಅಂದರೆ, ಜೂನ್ 12ರಂದು ಒಟ್ಟು 1,03,67,039 ಪ್ರಯಾಣಿಕರು ಸಂಚರಿಸಿದ್ದು, ಈ ಪೈಕಿ 41,34,726 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹8,83,53,434 ಕೋಟಿ ಮಹಿಳಾ ಪ್ರಯಾಣಿಕರ ಟಿಕೆಟ್ ಮೊತ್ತವಾಗಿದೆ.
ಜೂ. 11ರಂದು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ಶಕ್ತಿ ಯೋಜನೆಗೆ ಚಾಲನೆ ನೀಡಿದರು. ರಾಜ್ಯ ಸಾರಿಗೆ ನಾಲ್ಕು ನಿಗಮಗಳ ಲಕ್ಸುರಿ ಬಸ್‌ಗಳನ್ನು ಹೊರತುಪಡಿಸಿ ಸಾಮಾನ್ಯ ಬಸ್‌ಗಳಲ್ಲಿ ಮಹಿಳೆಯರು ಉಚಿತವಾಗಿ ಪ್ರಯಾಣಿಸಬಹುದು.
ಮೊದಲ ದಿನದ ಅಂಕಿ-ಅಂಶ
ಮಧ್ಯಾಹ್ನ 1 ಗಂಟೆಯಿಂದ ಮಧ್ಯರಾತ್ರಿ 12 ಗಂಟೆಯವರೆಗೂ ಮಹಿಳೆಯರು ಪ್ರಯಾಣಿಸಿದ ವಿವರಗಳನ್ನು ನಿಗಮ ನೀಡಿದೆ.
ಜೂನ್ 11ರಂದು ನಾಲ್ಕು ಸಾರಿಗೆ ನಿಗಮಗಳ ವಾಹನದಲ್ಲಿ ಒಟ್ಟಾರೆಯಾಗಿ 5,71,023 ಮಹಿಳೆಯರು ಪ್ರಯಾಣಿಸಿದ್ದು, ಒಟ್ಟು ₹1,40,22,878 ಪ್ರಯಾಣಿಸಿದ ಮೊತ್ತವಾಗಿದೆ ಎಂದು ಸಾರಿಗೆ ನಿಗಮ ಮಾಹಿತಿ ನೀಡಿದೆ.
ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (ಕೆಎಸ್‌ಆರ್‌ಟಿಸಿ)ದ ಬಸ್‌ಗಳಲ್ಲಿ 1,93,831 ಮಹಿಳೆಯರು ಪ್ರಯಾಣಿಸಿದ್ದು, ₹58,16,178 ಪ್ರಯಾಣದ ಮೌಲ್ಯವಾಗಿದೆ.
ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ)ಯ ಬಸ್‌ಗಳಲ್ಲಿ 2,01,215 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದು, ₹26,19,604 ಮೊತ್ತವಾಗಿದೆ.
ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮ (ಎನ್‌ಡಬ್ಲೂಕೆಎಸ್‌ಆರ್‌ಟಿಸಿ) ಬಸ್‌ಗಳಲ್ಲಿ 1,22,354 ಮಹಿಳೆಯರು ಯೋಜನೆಯ ಲಾಭವನ್ನು ಪಡೆದುಕೊಂಡಿದ್ದು, ₹36,17,096 ಪ್ರಯಾಣದ ಮೊತ್ತವಾಗಿದೆ.
ಎರಡನೇ ದಿನದ ಅಂಕಿ-ಅಂಶ
ಜೂನ್ 12ರಂದು ಒಟ್ಟು 1,03,67,039 ಪ್ರಯಾಣಿಕರು ಪ್ರಯಾಣಿಸಿದ್ದು, ಇದರಲ್ಲಿ 41,34,726 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ಕರಾರಸಾಸಂಸ್ಥೆಯಲ್ಲಿ ಒಟ್ಟು 36,31,075 ಪ್ರಯಾಣಿಕರ ಪೈಕಿ ಮಹಿಳೆಯರು 11,40,057 ಪ್ರಯಾಣಿಸಿದ್ದಾರೆ. ಮಹಿಳೆಯರ ಟಿಕೆಟ್ ಮೌಲ್ಯ ₹3,57,84,677 ಆಗಿದೆ.
ಬೆಂಮಸಾಸಂಸ್ಥೆಯಲ್ಲಿ 34,94,714 ಒಟ್ಟು ಪ್ರಯಾಣಿಕರಲ್ಲಿ 17,57,887 ಮಹಿಳಾ ಪ್ರಯಾಣಿಕರಿದ್ದು, ₹1,75,33,234 ಕೋಟಿ ಟಿಕೆಟ್ ಮೌಲ್ಯವಾಗಿದೆ.
ವಾಕರಸಾಸಂಸ್ಥೆಯಲ್ಲಿ 18,31,832 ಒಟ್ಟು ಪ್ರಯಾಣಿಕರಲ್ಲಿ 8,31,840 ಮಹಿಳೆಯರು ಪ್ರಯಾಣಿಸಿದ್ದಾರೆ. ಟಿಕೆಟ್ ಮೊತ್ತ ₹2,10,66,638 ಮೊತ್ತವಾಗಿದೆ.
ಕರಾರಸಾಸಂಸ್ಥೆಯಲ್ಲಿ 14,09,418 ಒಟ್ಟು ಪ್ರಯಾಣಿಕರಲ್ಲಿ 4,04,942 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹1,39,68,885 ಟಿಕೆಟ್ ಮೊತ್ತವಾಗಿದೆ.
ಈ ಸುದ್ದಿ ಓದಿದ್ದೀರಾ? ಶಕ್ತಿ ಯೋಜನೆ | ಮೊದಲ ದಿನ: 5 ಲಕ್ಷ ಮಹಿಳೆಯರ ಪ್ರಯಾಣ
ಮೂರನೇ ದಿನದ ಅಂಕಿ-ಅಂಶ
ಜೂನ್ 13 ರಂದು ಒಟ್ಟು 1,16,66,621 ಪ್ರಯಾಣಿಕರು ಪ್ರಯಾಣಿಸಿದ್ದು, ಈ ಪೈಕಿ 51,52,769 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹10,82,02,191 ಮಹಿಳಾ ಪ್ರಯಾಣಿಕರ ಟಿಕೆಟ್ ಮೌಲ್ಯವಾಗಿದೆ.
ಕರಾರಸಾಸಂಸ್ಥೆಯಲ್ಲಿ 38,27,640 ಒಟ್ಟು ಪ್ರಯಾಣಿಕರಲ್ಲಿ 13,97,665 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹4,12,26,780 ಕೋಟಿ ಟಿಕೆಟ್ ಮೊತ್ತವಾಗಿದೆ.
ಬೆಂಮಸಾಸಂಸ್ಥೆಯಲ್ಲಿ 40,17,974 ಒಟ್ಟು ಪ್ರಯಾಣಿಕರು ಪ್ರಯಾಣಿಸಿದ್ದು, ಈ ಪೈಕಿ 20,56,856 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹2,02,14,395 ಟಿಕೆಟ್ ಮೊತ್ತವಾಗಿದೆ.
ವಾಕರಸಾಸಂಸ್ಥೆಯಲ್ಲಿ 22,53,930 ಒಟ್ಟು ಪ್ರಯಾಣಿಕರಲ್ಲಿ 11,08,930 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹2,72,19,029 ಕೋಟಿ ಮಹಿಳಾ ಟಿಕೆಟ್ ಮೊತ್ತವಾಗಿದೆ.
ಕರಾರಸಾಸಂಸ್ಥೆಯಲ್ಲಿ 15,67,077 ಒಟ್ಟು ಪ್ರಯಾಣಿಕರ ಪೈಕಿ 5,89,318 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಿದ್ದಾರೆ. ₹1,95,41,987 ಕೋಟಿ ಮಹಿಳಾ ಟಿಕೆಟ್ ಮೊತ್ತವಾಗಿದೆ.
