ಹಾರ್ಮುಜ್ ಜಲಸಂಧಿಯಲ್ಲಿ ಮೂಲಕ ಸಂಚಾರಕ್ಕೆ ಇರಾನ್ ಅವಕಾಶ ಮಾಡಿಕೊಟ್ಟಿದ್ದರೂ, ಜಿಪಿಎಸ್ ಸಮಸ್ಯೆ, ಜಲಾಂತರ್ಗಾಮಿ ಬಾಂಬ್ ಗಳ ಬೆದರಿಕೆ ಮತ್ತು ಸ್ಪಷ್ಟವಾದ ಪಥದರ್ಶಕ ನಿರ್ವಹಣಾ ವ್ಯವಸ್ಥೆ ಇಲ್ಲದಿರುವುದನ್ನು ಒಳಗೊಂಡು ಅನೇಕ ಸಮಸ್ಯೆಗಳಿಂದಾಗಿ ಭಾರತಕ್ಕೆ ಕಚ್ಚಾ ತೈಲಗಳನ್ನು ಹೊತ್ತು ತರುವುದಕ್ಕೆ ಸವಾಲು ಎದುರಿಸುವಂತಾಗಿದೆ.
“ಸೆಪಹ್ ನೌಕಾಪಡೆಯ ಮಾಹಿತಿಯನ್ನು ಎಲ್ಲಾ ಹಡಗುಗಳ ನಾವಿಕರು ಗಮನಿಸಿ. ಹಾರ್ಮುಜ್ ಜಲಸಂಧಿಯ ಮೂಲಕ ಹಡಗುಗಳ ಸಂಚಾರ ನಿಷೇಧಿಸಿದೆ. ಮುಂದಿನ ನೋಟಿಸ್ ನೀಡುವವರೆಗೆ ಜಲಸಂಧಿಯ ಮೂಲಕ ಯಾವುದೇ ಹಡಗುಗಳನ್ನು ಹೋಗಲು ಅವಕಾಶ ನೀಡಲಾಗುವುದಿಲ್ಲ” ಎಂದು ಸಾಗರ ವಾಹಿನಿಗಳ ಮೂಲಕ ಮತ್ತು ರೇಡಿಯೊ ಮೂಲಕ ಜಲಸಂಧಿ ಮೂಲಕ ಹಾದುಹೋಗದಂತೆ ಪದೇ ಪದೇ ಎಚ್ಚರಿಕೆ ನೀಡಲಾಗುತ್ತಿದೆ. ಇರಾನ್ ನ ಇಸ್ಲಾಮಿಕ್ ರೆವಲ್ಯೂಶನರಿ ಗಾರ್ಡ್ ಕಾರ್ಪ್ಸ್ (IRGC) ನೌಕಾಪಡೆಯಿಂದ ಈ ಸಂದೇಶಗಳು ಬರುತ್ತಿವೆ ಎಂದು ಹಡಗುಗಳ ಸಿಬ್ಬಂದಿ ತಿಳಿಸಿದ್ದಾರೆ.
ಮಾತ್ರವಲ್ಲದೆ, ಈ ಕಾರಣದಿಂದಾಗಿ ಗೊಂದಲ ಸೃಷ್ಟಿಯಾಗಿದೆ ಎಂದು ಕ್ಯಾಪ್ಟನ್ ಗಳು ಹೇಳುತ್ತಾರೆ, ಉಪಗ್ರಹ ಆಧರಿತ ವ್ಯವಸ್ಥೆಯನ್ನು ಅವಲಂಬಿಸಲು ಸಾಧ್ಯವಾಗದೇ ಇರುವುದರಿಂದ ವ್ಯಕ್ತಿಗತ ಪಥದರ್ಶನ ವ್ಯವಸ್ಥೆಯನ್ನು ಅವಲಂಬಿಸುವುದು ಅನಿವಾರ್ಯವಾಗಿದೆ ಎಂದು ವಿವರಿಸಿದ್ದಾರೆ.
ಇದನ್ನೂ ಓದಿ : ‘ವಿಶ್ವಗುರು’ವಿನ ನಿಜ ಬಣ್ಣ ಬಯಲು ಮಾಡಿದ ಮಧು ಕಿಶ್ವರ್: ಸುದ್ದಿ ಮಾಡದ ಮಡಿಲ ಮಾಧ್ಯಮಗಳು
ಕೆಮಿಕಲ್ ಟ್ಯಾಂಕರ್ ಕಮಾಂಡಿಂಗ್ ನಲ್ಲಿ 28 ವರ್ಷದ ಅನುಭವ ಹೊಂದಿರುವ ಕ್ಯಾಪ್ಟನ್ ಮನೀಶ್ ಕುಮಾರ್ ಅವರು ನಿರ್ದೇಶಿಸುವ ಹಡಗು ಪ್ರಸ್ತುತ ಹಾರ್ಮುಝ್ ಜಲಸಂಧಿಯನ್ನು ದಾಟಲು ಕಾಯುತ್ತಿದ್ದು “ಜಿಪಿಎಸ್ ಸಮಸ್ಯೆಯಿಂದಾಗಿ ಪಥದರ್ಶನ ವ್ಯವಸ್ಥೆಗೆ ತೀರಾ ಧಕ್ಕೆಯಾಗಿದೆ. ಹಡಗಿನ ಸ್ಥಳದ ಗುರುತು ನಿರ್ಧರಿಸುವುದು ಕಷ್ಟನಿಸಿದೆ. ಇಂತಹ ಕಿರಿದಾದ ಜಲಸಂಧಿಯಲ್ಲಿ ಸ್ಥಳದ ಗುರುತು ಪತ್ತೆ ಮಾಡಲು ಸಾಧ್ಯವಾಗದಿದ್ದಲ್ಲಿ ಹಡಗುಗಳು ಅಪಘಾತಕ್ಕೀಡಾಗುವ ಸಾಧ್ಯತೆ ಇದೆ” ಎಂದು ಕೂಡ ಅವರು ಆತಂಕವನ್ನು ವ್ಯಕ್ತಪಡಿಸುತ್ತಾರೆ.
ಹಡಗುಗಳು ಜಿಪಿಎಸ್ ವ್ಯವಸ್ಥೆಯನ್ನು ಅವಲಂಬಿಸಿದ್ದು, ಇಂತಹ ಸನ್ನಿವೇಶಗಳಲ್ಲಿ ಜಿಪಿಎಸ್ ವ್ಯತ್ಯಯ ಅಪಾಯಕಾರಿ ಸ್ಥಿತಿಯನ್ನು ಸೃಷ್ಟಿಸುತ್ತದೆ ಎಂದು ವಿಶ್ಲೇಷಿಸಿದ್ದಾರೆ.
