ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡಮಿಯು ನವೆಂಬರ್ 18ರಂದು ಮಂಗಳೂರಿನ ಪುರಭವನದಲ್ಲಿ ದ.ಕ ಜಿಲ್ಲಾ ಬ್ಯಾರಿ ಮಹಿಳಾ ಸಾಹಿತ್ಯ ಸಮ್ಮೇಳನ ಹಮ್ಮಿಕೊಂಡಿದ್ದು, ಇದರ ಸ್ವಾಗತ ಸಮಿತಿ ರಚನೆಯ ಪೂರ್ವಭಾವಿ ಸಭೆಯು ಇತ್ತೀಚೆಗೆ ಮಂಗಳೂರು ತಾಲೂಕು ಪಂಚಾಯತ್‌ ಕಟ್ಟಡದ ಸಭಾಂಗಣದಲ್ಲಿ ನಡೆಯಿತು.
ಜಿಲ್ಲೆಯ ವಿವಿಧ ಮಹಿಳಾ ಸಂಘಟನೆಗಳ ಪ್ರತಿನಿಧಿಗಳು ಭಾಗವಹಿಸಿದ್ದ ಸಭೆಯಲ್ಲಿ ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡಮಿ ಸದಸ್ಯೆ ಶಮೀರಾ ಜಹಾನ್‌ ಸ್ವಾಗತಿಸಿದರು. ಸಾರಾ ಅಲಿ ಪರ್ಲಡ್ಕ ಧನ್ಯವಾದವಿತ್ತರು. ಸಭೆಯಲ್ಲಿ ನಡೆದ ಚರ್ಚೆಯಲ್ಲಿ ಸಮ್ಮೇಳನ ಸ್ವಾಗತ ಸಮಿತಿಗೆ ಆಯಿಶಾ ಪೆರ್ನೆ ಅಧ್ಯಕ್ಷೆಯಾಗಿ, ಅಸ್ಮತ್‌ ವಗ್ಗ ಉಪಾಧ್ಯಕ್ಷೆಯಾಗಿ, ಸಾರಾ ಅಲಿ ಪರ್ಲಡ್ಕ ಪ್ರಧಾನ ಕಾರ್ಯದರ್ಶಿಯಾಗಿ, ಶಮೀರಾ ಜಹಾನ್‌ ಸಂಚಾಲಕಿಯಾಗಿ ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.
ವಿವಿಧ ಉಪಸಮಿತಿಗಳ ಸಂಚಾಲಕರಾಗಿ ಶಮೀಮಾ ತುಂಬೆ (ಪ್ರಚಾರ), ಬಾಸ್ಮಾ (ವೇದಿಕೆ ನಿರ್ವಹಣೆ) ಸೆಮೀರಾ ಕೆ.ಎ. (ಸಭಾಂಗಣ ಸಿದ್ಧತೆ), ಆಯಿಶಾ ಮಮ್ತಾಝ್ (ಊಟೋಪಚಾರ) ರಮೀಝಾ (ಅತಿಥಿ ಸತ್ಕಾರ) ಸಲ್ಮಾ ಉಮರ್ (ಸ್ವಯಂ ಸೇವಕಿಯರು) ಆಯ್ಕೆಯಾಗಿದ್ದಾರೆ ಎಂದು ಅಕಾಡಮಿಯ ಪ್ರಕಟಣೆ ತಿಳಿಸಿದೆ.
