ಸ್ಥಿರಾಸ್ತಿಗಳ ಮೇಲಿನ ವ್ಯವಹಾರಗಳ ದಸ್ತಾವೇಜುಗಳ ನೋಂದಣಿ ಶುಲ್ಕ ಏರಿಕೆಯು ಇಂದಿನಿಂದಲೇ(ಆಗಸ್ಟ್ 31) ಜಾರಿಯಾಗಲಿದೆ. ರಾಜ್ಯ ಸರ್ಕಾರವು ನೋಂದಣಿ ಶುಲ್ಕವನ್ನು ಶೇಕಡ 1ರಿಂದ ಶೇಕಡಕ್ಕೆ 2ಕ್ಕೆ ಏರಿಸಿ ಆದೇಶ ಹೊರಡಿಸಿದೆ.
ಪ್ರಸ್ತುತ ನೋಂದಣಿ ಶುಲ್ಕ ಏರಿಕೆ ಕಾರಣ ನೋಂದಣಿ ವೇಳೆ ಆಸ್ತಿಯ ಮಾರ್ಗಸೂಚಿ ಮೌಲ್ಯದ ಶೇ.5 ಮುದ್ರಾಂಕ ಶುಲ್ಕ, ಸೆಸ್ ಶೇ.0.5 ಮತ್ತು ಸರ್ಚಾರ್ಜ್ ಶೇ.0.1 ಸೇರಿ ಆಸ್ತಿಯ ಮಾರ್ಗಸೂಚಿ ಮೌಲ್ಯದ ಶೇಕಡ 7.5ರಷ್ಟನ್ನು ನೋಂದಣಿ ವೇಳೆ ಪಾವತಿಸಬೇಕಾಗುತ್ತದೆ.
ಇದನ್ನು ಓದಿದ್ದೀರಾ? ಅ.1ರಿಂದ ಸ್ಥಿರಾಸ್ತಿಗಳ ಪರಿಷ್ಕೃತ ಮಾರ್ಗಸೂಚಿ ದರ ಜಾರಿ: ಕೃಷ್ಣಭೈರೇಗೌಡ
ಆದರೆ ಈ ಹಿಂದೆ ಮುದ್ರಾಂಕ ಶುಲ್ಕ ಶೇ.5, ಸೆಸ್ ಶೇ.0.5, ಸರ್ಚಾರ್ಜ್ ಶೇ.0.1 ಮತ್ತು ಶೇಕಡ ಒಂದರಷ್ಟು ನೋಂದಣಿ ಶುಲ್ಕ ಸೇರಿ ಒಟ್ಟು ಶೇಕಡ 6.6ರಷ್ಟು ವೆಚ್ಚವಾಗುತ್ತಿತ್ತು.
ಈ ಬಗ್ಗೆ ಮಾಹಿತಿ ನೀಡಿರುವ ನೋಂದಣಿ ಮತ್ತು ಮುದ್ರಾಂಕ ಆಯುಕ್ತ ಮುಲೈ ಮುಗಿಲನ್, “ಈಗಾಗಲೇ ಹಿಂದಿನ ನೋಂದಣಿ ಶುಲ್ಕವನ್ನು ಪಾವತಿಸಿ ದಸ್ತಾವೇಜುಗಳ ನೋಂದಣಿ ದಿನಾಂಕ ಪಡೆದಿರುವವರು ಮತ್ತು ಶುಲ್ಕ ಪಾವತಿಸಿ ಇನ್ನಷ್ಟೇ ದಿನಾಂಕ ಪಡೆಯಬೇಕಾದರೂ ಪರಿಷ್ಕೃತ ಶುಲ್ಕದ ಮೊತ್ತವನ್ನು ಪಾವತಿಸಬೇಕು. ಈ ಹಿಂದಿನ ಲಾಗಿನ್ ಬಳಸಿಯೇ ವ್ಯತ್ಯಾಸ ಮೊತ್ತವನ್ನು ಪಾವತಿಸಬಹುದು ಎಂದು ತಿಳಿಸಿದ್ದಾರೆ.
