ಕೊಪ್ಪಳದ ಕಾರಟಗಿ ತಾಲೂಕಿನ ಉಳೆನೂರು ಗ್ರಾಮದಲ್ಲಿ ಮುಳ್ಳಿನ ಪೊದೆಯಲ್ಲಿ ನವಜಾತ ಹೆಣ್ಣು ಶಿಶುವಿನ ಶವ ಪತ್ತೆಯಾಗಿದೆ. ಪ್ಲಾಸ್ಟಿಕ್ ಚೀಲದಲ್ಲಿಟ್ಟು ಬಿಸಾಡಲಾಗಿದೆ.
- Advertisement -
ಗ್ರಾಮದ ಹೊರಹೊಲಯಲ್ಲಿ ಕಂಟಿ ಸ್ವಚ್ಚಗೊಳಿಸಲೆಂದು ತೆರಳಿದ್ದ ಜಾಗದ ಮಾಲಿಕ ಕೆಟ್ಟ ವಾಸನೆ ಹಿನ್ನೆಲೆ ಗಮನಿಸಿ ನೋಡಿದಾಗ ಘಟನೆ ಬೆಳಕಿಗೆ ಬಂದಿದೆ.ಶಿಶುವನ್ನು ಜನಿಸಿದ ತಕ್ಷಣವೇ ದುಷ್ಕರ್ಮಿಗಳು ಚೀಲಕ್ಕೆ ಹಾಕಿ ಮುಳ್ಳಿನ ಪೊದೆಯಲ್ಲಿ ಎಸೆದಿರುವ ಆತಂಕ ವ್ಯಕ್ತವಾಗಿದೆ. ವಿಷಯ ತಿಳಿದ ಗ್ರಾಮಸ್ಥರು ತಕ್ಷಣವೇ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.ಸ್ಥಳಕ್ಕೆ ಕಾರಟಗಿ ಪಿಎಸ್ಐ ಕಾಮಣ್ಣ, ಎಎಸ್ಐ ವೆಂಕಟರಡ್ಡಿ ಹಾಗೂ ತಂಡ ವೈದ್ಯಾಧಿಕಾರಿ ಡಾ. ಸತೀಶ್ ಕುಮಾರ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಗ್ರಾಮದ ಕೆಲವರ ಡಿಎನ್ಎ ಟೆಸ್ಟ್ ಪಡೆದು ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.
