ಭಾಲ್ಕಿ ಹಿರೇಮಠ ಸಂಸ್ಥಾನದ ವತಿಯಿಂದ ಬಡ ಮಕ್ಕಳಿಗೆ ಹಾಲು ಕುಡಿಸಿ ಬಸವ ಪಂಚಮಿ ಮತ್ತು ಅಕ್ಕನಾಗಮ್ಮ ಜಯಂತಿ ಅರ್ಥಪೂರ್ಣವಾಗಿ ಆಚರಿಸಲಾಯಿತು.
ನಗರದ ಹಿರೇಮಠ ಸಂಸ್ಥಾನದಲ್ಲಿ ಬಸವಲಿಂಗ ಪಟ್ಟದ್ದೇವರು ಅವರು ಹಾನಗಲ್ ಕುಮಾರೇಶ್ವರ ಪ್ರಸಾದ ನಿಲಯದ ನೂರಾರು ಬಡ ಮಕ್ಕಳಿಗೆ ಹಾಲು ಕುಡಿಸಿ ಆಶೀರ್ವದಿಸಿ, ಕಲ್ಲು ನಾಗ ಎಂದಿಗೂ ಹಾಲು ಕುಡಿಯುವುದಿಲ್ಲ ನಾಗ ಪಂಚಮಿ ಆರಚರಣೆ ಹೆಸರಿನಲ್ಲಿ ಭಕ್ತರು ಕಲ್ಲು ನಾಗ, ಹುತ್ತಕ್ಕೆ ಹಾಲೇರಿಯುವ ಬದಲು ಬಡ ಮಕ್ಕಳು, ನಿರ್ಗತಿಕರು, ನಿರಾಶ್ರಿತರಿಗೆ ಹಾಲು ವಿತರಿಸಿ ಅವರ ಹಸಿವು ನೀಗಿಸುವ ಪ್ರಯತ್ನ ಮಾಡಬೇಕು ಎಂದರು.
“ನಾಗಪಂಚಮಿ ಹೆಸರಿನಲ್ಲಿ ಕಲ್ಲು ನಾಗ, ಹುತ್ತಕ್ಕೆ ಹಾಲಯೇರಿದು ವ್ಯರ್ಥ ಮಾಡಬಾರದು. ಪ್ರಾಣಿ ದಯೆಯೇ ಧರ್ಮದ ಮೂಲ ಎಂದು ಸಾರಿದ ಬಸವಣ್ಣನವರ ತತ್ವಗಳಿಗೆ ಇದು ವಿರುದ್ಧವಾಗಿದೆ. ಅಮೂಲ್ಯವಾದ ಹಾಲನ್ನು ವ್ಯರ್ಥ ಮಾಡುವ ಬದಲು ಅದನ್ನು ನಿರ್ಗತಿಕರು, ಹಸಿದ ಮಕ್ಕಳಿಗೆ ನೀಡಿ ನಿಜವಾದ ಭಕ್ತಿ ಸರ್ಮಿಸಬೇಕು” ಎಂದರು.
ಹಿರೇಮಠ ಸಂಸ್ಥಾನದ ಪೀಠಾಧಿಪತಿ ಗುರುಬಸವ ಪಟ್ಟದ್ದೇವರ ನೇತೃತ್ವದಲ್ಲಿ ನಗರದ ಹೊರವಲಯದ ಬುರ್ ಬುರ್ ಪೋಚಮ್ಮ ಬಡಾವಣೆಗೆ ಭೇಟಿ ಅಲ್ಲಿರುವ ನೂರಾರು ಬಡ ಮಕ್ಕಳಿಗೆ ಪ್ರಸಾದ ಬಡಿಸಿ, ಹಾಲುಣಿಸಿದರು.
ಗುರುಬಸವ ಪಟ್ಟದ್ದೇವರು ಮಾತನಾಡಿ, “ನಾಗ ಪಂಚಮಿ, ವಿಶೇಷ ದಿನ ಆಚರಣೆ ಹೆಸರಿನಲ್ಲಿ ಕಲ್ಲುನಾಗ, ಹುತ್ತಕ್ಕೆ ಹಾಲನ್ನೇರಿಯುವುದು ಮೌಢ್ಯದ ಸಂಕೇತ. ಇಂತಹ ಮೌಢ್ಯತೆ ಆಚರಣೆಯಿಂದ ಭಕ್ತರು ಹೊರ ಬಂದು ನಿರಾಶ್ರಿತರಿಗೆ ಅನ್ನ, ಹಾಲು, ಹಣ್ಣು ನೀಡಿದರೆ ಪುಣ್ಯ ಲಭಿಸುತ್ತದೆ” ಎಂದು ತಿಳಿಸಿದರು.
ಶ್ರಾವಣ ಮಾಸದ ಪ್ರವಚನ ಸೇವಾ ಸಮಿತಿ ಅಧ್ಯಕ್ಷೆ ಸ್ವರೂಪ ಬಳತೆ, ಶಾರದಾಬಾಯಿ ಕರಕಾಳೆ, ರೇಖಾಬಾಯಿ ಅಷ್ಟೂರೆ, ಕರುಣಾ ಕಮಠಾಣೆ, ಮನಿಷಾ ವಾಲೆ, ಪುರಸಭೆ ಮಾಜಿ ಸದಸ್ಯ ವಿಜಯಕುಮಾರ ರಾಜಭವನ, ತಾಲೂಕು ಪತ್ರಕರ್ತರ ಸಂಘದ ಅಧ್ಯಕ್ಷ ಜೈರಾಜ ಪಾತ್ರೆ, ಬಸವರಾಜ ಹೊಸಪೆಟ್ಟಿ, ನಿವೃತ್ತ ಪ್ರಾಚಾರ್ಯ ಮಲಮ್ಮ ಆರ್.ಪಾಟೀಲ್, ತಾಲೂಕು ಕದಳಿ ವೇದಿಕೆ ಅಧ್ಯಕ್ಷೆ ಮಲಮ್ಮ ನಾಗನಕೇರೆ, ಸಿದ್ದಯ್ಯ ಕಾವಡಿಮಠ, ಸಂಗಮೇಶ ವಾಲೆ, ಸುಮತಿ, ಬಸವರಾಜ ಮರೆ , ರಾಜಕುಮಾರ ಸಿರ್ಸೆ, ಮಲ್ಲಿಕಾರ್ಜುನ ಪಂಚಾಕ್ಷರೆ, ಶಾಂತಯ್ಯ ಸ್ವಾಮಿ , ಮನೋಹರ, ಸಂಜುಕುಮಾರ, ನಾಗಶೆಟ್ಟಿ ಚೋಳಾ ಸೇರಿದಂತೆಅನೇಕರಿದ್ದರು. ಶಿವಪುತ್ರ ದಾಬಶಟ್ಟೆ ಸ್ವಾಗತಿಸಿದರು, ದೀಪಕ ಠಮಕೆ ನಿರೂಪಿಸಿ ವಂದಿಸಿದರು.
ಇದನ್ನೂ ಓದಿ : ವಚನ ಕಲ್ಯಾಣ | ಆಸೆಯೆಂಬುದು ಅರಸಿಂಗಲ್ಲದೆ, ಶಿವಭಕ್ತರಿಗುಂಟೆ ಅಯ್ಯಾ?
