ಕೇವಲ ಶ್ರೀಮಂತರ ಮತ್ತು ಸಾಧಕ ವಿದ್ಯಾರ್ಥಿಗಳ ಕ್ಷೇತ್ರವಾಗಿದ್ದ ವೈದ್ಯಕೀಯ ಶಿಕ್ಷಣಕ್ಕೆ ತರೀಕೆರೆ ಪಟ್ಟಣದ ಸಾಮಾನ್ಯ ಕುಟುಂಬಗಳ ಯುವತಿಯರು ಲಗ್ಗೆ ಇಡುತ್ತಿದ್ದು ಸಮುದಾಯದಲ್ಲಿ ಹೊಸ ಗಾಳಿಯೊಂದು ಬೀಸುತ್ತಿದೆ.
ಕಳೆದ 20ವಷ೯ಗಳ ಹಿಂದೆ ಏಳನೇ ತರಗತಿ ಪಾಸಾದ ಮುಸ್ಲಿಂ ಹುಡ್ಗಿಯರಿಗೆ ನಂತರದ ಓದು ಸಾಧ್ಯವಿರಲಿಲ್ಲ. ಆ ಕಾಲವು ಹಂಗೇ ಇತ್ತು ಬಿಡಿ. ಪೋಷಕರಲ್ಲಿ ದುಡ್ಡಿನ ಕೊರತೆ, ಊರಿಂದೂರಿಗೆ ಹೋಗಿ ಓದಲು ಇದ್ದ ಅಡ್ಡಿ ಆತಂಕಗಳು ಒಂದೇರಡಲ್ಲ. ಸುರಕ್ಷತೆಯ ಗಂಭೀರ ಸಮಸ್ಯೆ . ಹೆಚ್ಚು ಓದಿದ ಹುಡ್ಗಿಗೆ ತಕ್ಕ ವರ ಸಿಗದು ಕಷ್ಟ ಎಂಬ ಮೈನಸ್ ಪಾಯಿಂಟ್ ಗಳೆ ಅಡ್ಡಿಯಾಗಿದ್ದವು
ಹೀಗಿರುವಾಗ ಸಕಾ೯ರದ ಸೌಲಭ್ಯಗಳು, ಜಾಗೃತಿ, ಬದುಕು ಕಟ್ಟಿಕೊಳ್ಳುವ ಛಲ ಮೂಡಿದ ಕಾರಣ ಈ ಸಮುದಾಯದ ಹುಡ್ಗಿಯರು ಉನ್ನತ ಶಿಕ್ಷಣ ಪಡೆದು ಯಶಸ್ಸಿಯಾಗುತ್ತಿರುವುದು ಪ್ರಗತಿ ಶೀಲ ರಾಷ್ಟ್ರಗಳ ಅಭಿವೃದ್ಧಿಗೆ ಹಿಡಿದ ಕನ್ನಡಿ.
ಐದರಿಂದ ಆರು ಸಾವಿರ ಮುಸ್ಲಿಂ ಜನಸಂಖ್ಯೆ ಹೊಂದಿರುವ ತರೀಕೆರೆ ಪಟ್ಟಣದಲ್ಲಿ ಈಗಾಗಲೇ ವೈದ್ಯಕೀಯ ಶಿಕ್ಷಣ ತರಬೇತಿ ಪಡೆದು ಸೇವೆಗೆ ರೆಡಿಯಾಗಿರುವ ಯುವತಿಯರ ಮದ್ಯೆ ದೂರದ ಉಜ್ಬೇಕಿಸ್ತಾನ್ ನಲ್ಲಿ ತರಬೇತಿ ಪಡೆಯಲು ಹೋಗುತ್ತಿರುವ ಸನ್ನಿವೇಶಗಳ ನೋಡಿದರೆ ಸಮುದಾಯದಲ್ಲಿ ಸ್ತ್ರೀ ಸ್ವಾತಂತ್ರ್ಯಕ್ಕೆ ಉತ್ತೇಜನ ಸಿಕ್ಕಿರುವುದಂತು ದಿಟ.
ಹಿಜಾಬ್ , ಬುಕಾ೯ ಮಹಿಳಾ ಸ್ವಾತಂತ್ರ್ಯಕ್ಕೆ ಮಾರಕ ಎಂಬ ಹುಸಿ ಸತ್ಯ ಮಿಥ್ಯಗಳ ನಡುವೆ ಪಟ್ಟಣದ ಈ ಯುವತಿಯರು ಇಸ್ಲಾಂ ಶಿಷ್ಟಾಚಾರಗಳ ಅಳವಡಿಸಿಕೊಂಡೆ ನಿರಾಯಾಸವಾಗಿ ಎಂ.ಬಿ.ಬಿ.ಎಸ್.ಹಾಗೂ ಬಿ.ಡಿ.ಎಸ್ ಗಳ ಮುಗಿಸಿರುವ ಸಾಧನೆ ಬಾಯಿಗೆ ಬೆರಳಿಡುವಂತೆ ಮಾಡಿದೆ. ಹತ್ತನೇ ತರಗತಿ, ಪಿಯೂ ಓದಿದ್ದೆ ಮುಸ್ಲಿಂ ಹುಡ್ಗಿಯರ ಸಾಧನೆ ಅಂತಿದ್ದಾಗ ಇದೀಗ ಏರಿಯಾ ಮೊಹಲ್ಲ ಗಳಲ್ಲಿ ಸ್ಟೆತೋಸ್ಕೋಪ್ ಹಿಡಿದು ಕೊಂಡು ಓಡಾಡುವುದನ್ನು ನೋಡಬಹುದಾಗಿದೆ.
ಪಟ್ಟಣದ ಕಾಪೆ೯ಂಟರ್ ವೃತ್ತಿಯ ಜಾವೀದ್ ಎಂಬುವವರ ಇಬ್ಬರು ಮಕ್ಕಳಲ್ಲಿ ತಲಹ ಫರ್ಜೀನ್ ಎಂ.ಬಿ.ಬಿ.ಎಸ್. ಇನ್ನೊಬ್ಬಳು ನೇಹಾ ಫಿದೋಸ್ ದಂತ ವೈದ್ಯೆ, ಖ್ವಾಜಾ ಮೋಹಿದ್ದೀನ್ ರವರ ಮಗಳು ತಾಮೀನ ಫಾತೀಮಾ ಎಂ.ಬಿ.ಬಿ.ಎಸ್ ಮುಗಿಸಿದ್ದಾರೆ . ಸಮೀಉಲ್ಲಾ ಹಸನ್ ರ ಮಗಳು ಸೈಯದ ಫಿಜಾ ನೂರಾನಿ ದಂತವೈದ್ಯೆ, ಟಿ.ಎನ್. ರಫೀಕ್ ಇವರ ಮಗಳು ಸಾದೀಯ ಉಜ್ಬೇಕಿಸ್ತಾನ್ ನಲ್ಲಿ ವೈದ್ಯಕೀಯ ವಿದ್ಯಾರ್ಥಿನಿ.
ಇದನ್ನೂ ಓದಿದ್ದೀರಾ?ತರೀಕೆರೆ |ವೈದ್ಯಾಧಿಕಾರಿಯನ್ನು ಬದಲಾಯಿಸಲು ಡಿ.ಸಿ.ಗೆ ಮನವಿ; ಟಿ. ದಾದಾ ಪೀರ್
ಈ ಕುರಿತು ಸಂತಸದ ವಿಚಾರವನ್ನು ತರೀಕೆರೆ ತಾಲೂಕಿನ ಸಾಮಾಜಿಕ ಹೋರಾಟಗಾರ ಟಿ. ದಾದಾ ಪೀರ್ ಈದಿನ.ಕಾಂ ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಮುಂದಿನ ದಿನಗಳಲ್ಲಿ ಎಲ್ಲ ಅಪವಾದಗಳ ಕಳಚಿ ಸಮುದಾಯದ ಯುವ ಜನತೆ ದೇಶಕ್ಕೆ ಸೇವೆಯ ಕೊಡುಗೆ ನೀಡಲಿ ಎಂದು ನಾವೆಲ್ಲ ಹಾರೈಸುತ್ತ ಬಡ ವಿದ್ಯಾರ್ಥಿಗಳಿಗೆ ನೆರವಾಗಬೇಕಿದೆ.
