ಪುಸ್ತಕ ಪ್ರಾಧಿಕಾರದ ಮಹತ್ವಾಕಾಂಕ್ಷಿ ಯೋಜನೆಯಲ್ಲಿ ಮನೆಗೊಂದು ಗ್ರಂಥಾಲಯ ಅಡಿಯಲ್ಲಿ ವಿನೂತಾ ಟೇಲರಿಂದ ಶಾಪ್ ನಲ್ಲಿ ಗ್ರಂಥಾಲಯ ಅನುಷ್ಠಾನಗೊಂಡಿತು.
ಹಾವೇರಿ ಪಟ್ಟಣದ ಬಸವೇಶ್ವರ ನಗರದ 11ನೇ ಕ್ರಾಸ್ ಬಳಿ ವಿನೂತಾ ಟೇಲರಿಂಗ್ ಶಾಪ್ ನಲ್ಲಿ ಗ್ರಂಥಾಲಯವನ್ನು ಸರಸ್ವತಿ ಬಸವರಾಜ ಶಿವಣ್ಣನವರ ಉದ್ಘಾಟಿಸಿದರು.
ಪ್ರಾಧಿಕಾರದ ಅಧ್ಯಕ್ಷರು ಡಾ.ಮಾನಸ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, “ನಮ್ಮ ನಿತ್ಯ ಜೀವನವನ್ನು ಸುಂದರಗೊಳಿಸುವ ಸಮಾಜದಲ್ಲಿನ ಕೆಳಸ್ತರದ ದುಡಿಮೆಗಾರರ ಕೈಯಲ್ಲಿ ಪುಸ್ತಕ ಬರುವುದು, ಅವರ ಮನೆಗಳಲ್ಲಿ ಗ್ರಂಥಾಲಯ ಅನುಷ್ಠಾನಗೊಳ್ಳುವುದು ಪ್ರಾಧಿಕಾರಕ್ಕೆ ಸಿಕ್ಕ ದೊಡ್ಡ ಗೌರವ ಎಂದರು. ೮ – ೧೦ ಅಡಿಯ ಈ ಚಿಕ್ಕ ಗ್ರಂಥಾಲಯ ನಕ್ಷತ್ರದಂತೆ ಸದಾಕಾಲ ಬೆಳಗಲಿ” ಎಂದು ಹಾರೈಸಿದರು.
ಪುಟ್ಟ ಆಪ್ತ ಸಮಾರಂಭದಲ್ಲಿ ಅನಿತ ಮಂಜುನಾಥ ಮಾತನಾಡಿ, “ಮನೆಗೊಂದು ಗ್ರಂಥಾಲಯ ಯೋಜನೆಯಲ್ಲಿಯೇ ಟೇಲರೊಬ್ಬರ ಅಂಗಡಿಯಲ್ಲಿ ಗ್ರಂಥಾಲಯ ಸ್ಥಾಪನೆಯಾಗುವುದು ಅಪರೂಪದ ಸಂಗತಿ” ಎಂದರು.
ಮನೆಗೊಂದು ಗ್ರಂಥಾಲಯ ಜಿಲ್ಲಾ ಜಾಗೃತಿ ಸಮಿತಿ ಸಂಚಾಲಕರಾದ ಎಸ್. ಆರ್. ಹಿರೇಮಠ ಮಾತನಾಡಿ “ಜಿಲ್ಲೆಯಲ್ಲಿ ಒಟ್ಟು ೪೯ ಗ್ರಂಥಾಲಯಗಳು ಅನುಷ್ಠಾನಗೊಂಡಿದ್ದು, 50ನೇ ಗ್ರಂಥಾಲಯ ಇದೇ 22ರಂದು ಬಸವೇಶ್ವರ ನಗರದ ಸಿ ಬ್ಲಾಕಿನ ಪಾರ್ಕಿನಲ್ಲಿ ಉದ್ಗಾಟನೆಯಾಗಲಿದೆ” ಎಂದರು.
ಈ ಸಂದರ್ಭದಲ್ಲಿ ಶ್ರೀಮತಿ ನೇತ್ರಾ ಅಂಗಡಿ ಮತ್ತು ಅವರ ಪತಿ ಕಾಂತೇಶ ಅಂಗಡಿ ಅವರುಗಳನ್ನು ಕನ್ನಡ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಅಧ್ಯಕ್ಷರು ಲಿಂಗಯ್ಯ ಹಿರೇಮಠ ಸನ್ಮಾನಿಸಿದರು. ಜೊತೆಗೆ ಜಿಲ್ಲಾ ಆಡಳಿತದಿಂದ ಬಾಲ ವಿಜ್ಞಾನ ಸಾಧಕ ಧೃವ ಸುರೇಶ ಮಲ್ಲಾಡದ ಅವರನ್ನು ಕೂಡ ಸನ್ಮಾನಿಸಲಾಯಿತು.
ಅಧ್ಯಕ್ಷತೆಯನ್ನು ಕಾಂತೇಶ ಅಂಗಡಿ ವಹಿಸಿದ್ದರು. ಸರ್ವಶ್ರೀ ಡಿ. ಸೋಮನಾಥ, ವಿಭೂತಿಶೆಟ್ಟಿ, ಸಿ.ಎಸ್. ಮರಳಿಹಳ್ಳಿ, ಗೀತಾ ಮಲ್ಲಾಡದ, ಮನೋಜ, ಸಾವಿತ್ರಿ ರಜಪೂತ, ಉದಯ ಅಂಗಡಿ, ಶ್ರೀಮತಿ ಜಯಶೀಲಾ ಮುಂತಾದವರು ಉಪಸ್ಥಿತರಿದ್ದರು. ಕುಮಾರಿ ವಿನೂತಾ ಅಂಗಡಿ ಪ್ರಾರ್ಥಿಸಿದರು. ಕಾರ್ಯಕ್ರಮವನ್ನು ಸಿದ್ದೇಶ್ವರ ಹುಣಸಿಕಟ್ಟೀಮಠ ನಡೆಸಿಕೊಟ್ಟರು. ಕೊನೆಯಲ್ಲಿ ಎಸ್.ಆರ್. ಹಿರೇಮಠ ಎಲ್ಲರನ್ನು ವಂದಿಸಿದರು.
