“ಖಾಸಗಿ ಮೈಕ್ರೋ ಪೈನಾನ್ಸಗಳನ್ನು ವಿರೋಧಿಸಿ ಸಾಕಷ್ಟು ಹೋರಾಟಗಳನ್ನು ಮಾಡಿದ ನಂತರ ಸರಕಾರ ಎಚ್ಚೆತ್ತು ಸುಗ್ರಿವಾಜ್ಞೆಯನ್ನು ಜಾರೆಗೆ ತಂದಿದ್ದರೂ ಕೂಡ ಇನ್ನೂ ಕೆಲವು ಮೈಕ್ರೋ ಪೈನಾನ್ಸಗಳು ಜನರಿಗೆ ಕಿರುಕುಳ ತಪ್ಪಿಲ್ಲ” ಎಂದು ರೈತ ಸಂಘದ ಜಿಲ್ಲಾಧ್ಯಕ್ಷ ಹನಮಂತಪ್ಪ ಕಬ್ಬಾರ ಆಕ್ರೋಶ ವ್ಯಕ್ತಪಡಿಸಿದರು.
ಹಾವೇರಿ ಜಿಲ್ಲೆಯ ರಾಣಿಬೆನ್ನೂರು ಪಟ್ಟಣದ ತಹಶೀಲ್ದಾರರ ಕಚೇರಿ ಎದುರು ಇಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಕನ್ನಡಪರ ಸಂಘಟನೆಯ ಮುಖಂಡರ ನೇತೃತ್ವದಲ್ಲಿ ಮೈಕ್ರೋ ಪೈನಾನ್ಸ್ ಗಳಿಂದ ಜನರಿಗೆ, ಮಹಿಳೆಯರಿಗೆ ಕಿರುಕುಳ ನೀಡುತ್ತಿದ್ದು, ನೊಂದ ಮಹಿಳೆಯರಿಗೆ ನ್ಯಾಯ ಕೊಡಿಸುವಂತೆ ಪ್ರತಿಭಟನೆ ನಡೆಸಿ ತಹಶೀಲ್ದಾರರಿಗೆ ಮನವಿ ಸಲ್ಲಿಸಿ ಮಾತನಾಡಿದರು.
ಈ ಬರಗಾಲ ಇರುವುದರಿಂದ ಎಲ್ಲ ಸಾರ್ವಜನಿಕರಿಗೆ ಕೆಲಸ ಇಲ್ಲದೆ, ಬಡ ಕುಟುಂಬಗಳು ಜೀವನ ನಡೆಸುವುದು ಕಷ್ಟಕರ ಆಗುತ್ತಿದೆ. ಆದ್ದರಿಂದ ಸರಕಾರ ಎಚ್ಚೆತ್ತುಕೊಂಡು ಬಡವರ ಕಷ್ಟಕ್ಕೆ ಧಾವಿಸಬೇಕು. ಮೈಕ್ರೋ ಪೈನಾನ್ಸ್ ಗಳಲ್ಲಿ ಮಾಡಿದ ಸಾಲವನ್ನು ಸಂಪೂರ್ಣ ಮನ್ನಾ ಮಾಡಬೇಕು. ಬಡವರ ಕಷ್ಟಗಳಿಗೆ ಸ್ಪಂದನೆ ಮಾಡಬೇಕು” ಎಂದು ಸರಕಾರಕ್ಕೆ ಒತ್ತಾಯಿಸಿದರು.
ಮೈಕ್ರೋ ಪೈನಾನ್ಸ್ ಗಳಿಂದ ನೊಂದ ಮಹಿಳೆಯರ ಪರವಾಗಿ ನಾವಿಂದು ತಹಶೀಲ್ದಾರರ ಮೂಲಕ ಮನವಿ ಮಾಡುತ್ತಿದ್ದೇವೆ. ಈಗಾಗಲೇ ಬೆಂಗಳೂರಿನಲ್ಲಿ ಸದನ ಆರಂಭವಾಗಿದೆ. ಈ ಕುರಿತು ಚರ್ಚೆ ನಡೆಸಿ, ನೊಂದ ಮಹಿಳೆಯರ ಸಾಲ ಮನ್ನ ಮಾಡಬೇಕು” ಎಂದು ಒತ್ತಾಯಿಸಿದರು.
ಪ್ರತಿಭಟನೆಯಲ್ಲಿ ಅಮೀದಾಬಾನು ಶಿಡೆನೂರು, ಶೈಲಮ್ಮ ಹರನಗಿರಿ, ನೀಲಮ್ಮ ಮೆಗಳಗೇರಿ, ಬಸವರಾಜ ಮೆಗಳಗೇರಿ, ಕೀರಣ ಗುಳೇದ, ನಾಗಮ್ಮ ತಳವಾರ, ಶಂಕರ ಬಾರ್ಕಿ ಸೇರಿದಂತೆ ಕನ್ನಡಪರ ಸಂಘಟನೆಯ ಮುಖಂಡರು, ರೈತ ಮುಖಂಡರು ಉಪಸ್ಥಿತರಿದ್ದರು.
