ರಾಜ್ಯ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯ ನಿಯಮಗಳನ್ನು ಉಲ್ಲಂಘಿಸಿದ ಕಾರಣಕ್ಕಾಗಿ ಕೊಪ್ಪಳ ತಾಲ್ಲೂಕಿನ ಎಂಟು ಮಾಲಿನ್ಯಕಾರಕ ಕಾರ್ಖಾನೆಗಳನ್ನು ಬಂದ್ ಮಾಡುವಂತೆ ಮಂಡಳಿಯು ಬುಧವಾರ ಆದೇಶಿಸಿದೆ.
ತಾಲ್ಲೂಕಿನ ಚಿಕ್ಕಬಗನಾಳ ಗ್ರಾಮ ವ್ಯಾಪ್ತಿಯಲ್ಲಿನ ಬಾಬಾ ಅಖಿಲಾ ಸಾಯಿಜ್ಯೋತಿ ಇಂಡಸ್ಟ್ರೀಸ್, ಕುಣಿಕೇರಿ ಗ್ರಾಮದ ವ್ಯಾಪ್ತಿಯ ಭದ್ರಶ್ರೀ ಸ್ಟೀಲ್ ಅಂಡ್ ಪವರ್ ಲಿಮಿಟೆಡ್, ಹಿರೇಬಗನಾಳ ಗ್ರಾಮ ವ್ಯಾಪ್ತಿಯ ಧ್ರುವದೇಶ ಮೆಟಾ ಸ್ಟೀಲ್ ಲಿಮಿಟೆಡ್, ಹಾಲವರ್ತಿ ವ್ಯಾಪ್ತಿಯಲ್ಲಿರುವ ಪಿಬಿಎಸ್ ಸ್ಟೀಲ್ ಎ ಘಟಕ (ಬಾಲಸುಬ್ಬಶೆಟ್ಟಿ ಅಂಡ್ ಸನ್ಸ್), ಎಸ್ಕೆ ಸ್ಟೀಲ್ಸ್ ಟೆಕ್ ಲಿಮಿಟೆಡ್, ಹಿರೇಬಗನಾಳದ ಕಾಸಕಖಂಡಿ ರಸ್ತೆಯಲ್ಲಿರುವ ತನುಷ್ ಇಸ್ಸಾತ್ ಲಿಮಿಟೆಡ್ ಘಟಕ-1 ಹಾಗೂ 2, ಐಎಲ್ಸಿ ಐರನ್ ಅಂಡ್ ಅಂಡ್ ಸ್ಟೀಲ್ ಪ್ರವೈಟ್ ಲಿಮಿಟೆಡ್ ಕಾರ್ಖಾನೆಗಳನ್ನು ಬಂದ್ ಮಾಡುವಂತೆ ಆದೇಶಿಸಲಾಗಿದೆ.
ಇವುಗಳಿಗೆ ಮುಂದಿನ ಆದೇಶದ ತನಕ ವಿದ್ಯುತ್ ಸೌಲಭ್ಯವನ್ನೂ ಬಂದ್ ಮಾಡುವಂತೆ ಸೂಚಿಸಲಾಗಿದೆ.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ಪೋತ್ನಾಳ ಗ್ರಂಥಾಲಯಕ್ಕೆ ಮೂಲಸೌಕರ್ಯ ಒದಗಿಸುವಂತೆ ಆಗ್ರಹಿಸಿ ಸ್ಪರ್ಧಾರ್ಥಿಗಳ ಪ್ರತಿಭಟನೆ
ಅಕ್ಟೋಬರ್ 29ರಂದು ನಡೆದಿದ್ದ ಮಂಡಳಿಯ ಸಭೆಯಲ್ಲಿ ಈ ಎಂಟು ಕಾರ್ಖಾನೆಗಳನ್ನು ಬಂದ್ ಮಾಡಲು ತೀರ್ಮಾನ ಕೈಗೊಳ್ಳಲಾಗಿತ್ತು. ಈಗ ಮಂಡಳಿಯಿಂದ ಅಧಿಕೃತ ಆದೇಶ ಹೊರಬಿದ್ದಿದ್ದು ಆದೇಶದ ಪ್ರತಿಗಳನ್ನು ಜಿಲ್ಲಾಧಿಕಾರಿಗೆ ಕಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.



