ಉಪನ್ಯಾಸ ವೃತ್ತಿ ಮತ್ತು ಸಾಮಾಜಿಕ ಪ್ರವೃತ್ತಿ ಹೊಣೆಯನ್ನು ಮಂಜುನಾಥ ಐಲಿ ಅವರು ಪ್ರಾಮಾಣಿಕವಾಗಿ ನಿರ್ವಹಿಸಿದ್ದಾರೆ ಎಂದು ಕೋಟೆ ಅಧ್ಯಯನ ಸಮಿತಿ ಗೌರವಾಧ್ಯಕ್ಷರಾದ ಜಯಣ್ಣ ಅವರು ಹೇಳಿದರು.
ಅವರಿಂದು ನಗರದ ಸ್ಕೌಟ್ ಅಂಡ್ ಗೈಡ್ಸ್ ಭವನದಲ್ಲಿ ಕೋಟೆ ಅಧ್ಯಯನ ಸಮಿತಿ ಆಯೋಜಿಸಿದ ಮಂಜುನಾಥ ಐಲಿ ಅವರ ಸೇವಾ ನಿವೃತ್ತಿ ಹಿನ್ನೆಲೆಯಲ್ಲಿ ಬೀಳ್ಕೊಡುಗೆ ಹಾಗೂ ಅಭಿನಂದನಾ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು.
ಮಂಜುನಾಥ ಐಲಿ ಅವರು ಉಪನ್ಯಾಸಕರಾಗಿ ಸೇವೆ ಸಲ್ಲಿಸುವುದರೊಂದಿಗೆ ಸಾಮಾಜಿಕ ಸೇವೆಯಲ್ಲಿ ಸಕ್ರೀಯವಾಗಿ ತೊಡಗಿಸಿಕೊಂಡವರು. ಕೋಟೆ ಅಧ್ಯಯನ ಸಮಿತಿ ಜೊತೆ ಅವರ ಸೇವೆ ಮಹತ್ವದ್ದಾಗಿದೆ. ಈ ರೀತಿ ಸೇವೆಯಿಂದ ಮಂಜುನಾಥ ನಮ್ಮೆಲ್ಲರ ಪ್ರೀತಿಗೆ ಪಾತ್ರರಾಗಿದ್ದಾರೆ. ಮಕ್ಕಳಿಗೆ ಇತಿಹಾಸ ಕಲಿಸುವುದರೊಂದಿಗೆ ಜಿಲ್ಲೆಯಲ್ಲಿ ಐತಿಹಾಸಿ ಸ್ಮಾರಕ ಗಳನ್ನು ರಕ್ಷಿಸುವ ಕಾರ್ಯದಲ್ಲಿ ತೊಡಗಿಸಿಕೊಂಡ ಅಪರೂಪ ಅವರದಾಗಿತ್ತು. ವೃತ್ತಿ ಜೀವನ ಕೇವಲ ನಾಲ್ಕುಗೋಡೆಗಳಿಗೆ ಸೀಮಿತವಾಗದೆ. ಸಾಮಾಜಿಕ ಹೊಣೆ ನಿರ್ವಹಿಸುವುದಕ್ಕೆ ಮಂಜುನಾಥ ಅವರು ಮಾದರಿಯಾಗಿದ್ದಾರೆ ಎಂದರು.
ನಂತರ ಮಾತನಾಡಿದ ಕಸಾಪ ಜಿಲ್ಲಾ ಮಾಜಿ ಅಧ್ಯಕ್ಷರಾದ ಮಹಾಂತೇಶ ಮಸ್ಕಿ, ಮಂಜಿನಾಥ ಐಲಿ ಅವರು ಇತಿಹಾಸದ ಉನ್ಯಾಸಕರಾಗಿ ತಮ್ಮ ಕರ್ತವ್ಯವನ್ನು ಪ್ರಮಾಣಿಕವಾಗಿ ನಿರ್ವಹಿಸಿದ್ದಾರೆ. ಈ ರೀತಿಯ ಸೇವಾ‌ಮನೋಭಾವ ಇಂದಿ ಅಗತ್ಯವಾಗಿದೆ ಎಂದರು.
ಹಿರಿಯ ಸಾಹಿತಿಗಳಾದ ವೀರಹನುಮಾನ ಅವರು ಮಾತನಾಡುತ್ತಾ, ಮಂಜುನಾಥ ಐಲಿ ತಮ್ಮ ಸೇವೆ ನಿರ್ವಹಣೆಯೊಂದಿಗೆ ಸಾಮಾಜಿಕ ಸೇವೆ ಮಾಡಿದರು, ಇತಿಹಾಸದ ವಿದ್ಯಾರ್ಥಿಗಳು ಪರೀಕ್ಷೆಯಲ್ಲಿ ಶೇ 100 ಅಂಕ ಪಡೆದವಂತೆ ಶ್ರಮಿಸಿದ್ದನ್ನು ಸ್ಮರಿಸಿದರು ಎಂದರು. ಈ ಕಾರ್ಯಕ್ರಮದಲ್ಲಿ ಬಿ.ಜಿ ಹುಲಿ ಸೇರಿದಂತೆ ಅನೇಕರು ಮಾತನಾಡಿದರು.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ಕೆಎಸ್‌ಆರ್‌ಟಿಸಿ ಬಸ್‌, ಬೈಕ್ ಮುಖಾಮುಖಿ ಡಿಕ್ಕಿ; ಬೈಕ್ ಸವಾರ ಸಾವು
ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕೋಟೆ ಅಧ್ಯಯನ ಸಮಿತಿ ಅಧ್ಯಕ್ಷರಾದ ಕೆ.ಸತ್ಯನಾರಾಯಣ ವಹಿಸಿದ್ದರು.
ನಂತರ ಮಂಜುನಾಥ ಐಲಿ ಮತ್ತು ಅವರ ಧರ್ಮ ಪತ್ನಿ ಅವರನ್ನು ಗೌರವ ಪೂರ್ವಕವಾಗಿ ಸನ್ಮಾನ ಮಾಡಲಾಯಿತು. ವೇದಿಕೆಯಲ್ಲಿ ಸೋಮಶೇಖರ ಹೊಕ್ರಾಣಿ,ನರಸಪ್ಪ ಬಂಡಾರಿ,ಕುಮಾರ ಐಲಿ,ನಾಗೇಂದ್ರಪ್ಪ ಅವರು ಸೇರಿ ಅನೇಕರು ಉಪಸ್ಥಿತಿತರಿದ್ದರು.
