ವಿಜಯನಗರ ಜಿಲ್ಲೆಯ ಕೂಡ್ಲಿಗಿ ತಾಲೂಕಿನ ವಿರುಪಾಪುರ ಗ್ರಾಮದಲ್ಲಿ ಮಳೆಗಾಗಿ ವಿಶಿಷ್ಟ ಆಚರಣೆ ಮಾಡಲಾಗಿದ್ದು, ಗುಲ್ಕವ್ವ ಎಂಬ ಹೆಸರಿನ ಜಾನಪದೀಯ ದೇವರನ್ನು ಹೊತ್ತು ಆರಾಧಿಸಲಾಯಿತು.
ಗುಲ್ಕವ್ವಳನ್ನು ಹೊತ್ತ ಕೋರಿಹುಡುಗನಿಗೆ ನೀರೆರೆಯುವ ಮೂಲಕ ಗಂಗೆ ಪೂಜೆ ನೆರವೇರಿಸಲಾಗುತ್ತದೆ. ಗುಲ್ಕವ್ವನ ಹೊತ್ತ ಬಾಲಕ ಗ್ರಾಮದ ಪ್ರತಿ ಮನೆ ಮನೆಗೂ ತೆರಳಿದಾಗ, ಗ್ರಾಮಸ್ಥರು ನೀರು ಹಾಕಿ ಪೂಜಿಸಿದರು.
ಈ ಸುದ್ದಿ ಓದಿದ್ದೀರಾ? ಮಂಗಳೂರು | ಹವಾಮಾನ ವೈಪರೀತ್ಯ: ಸಮುದ್ರದಲ್ಲಿ ಸಿಲುಕಿದ್ದ ಆರು ಮಂದಿ ಮೀನುಗಾರರ ರಕ್ಷಣೆಯಲ್ಲಿ ಐಸಿಜಿ ಯಶಸ್ವಿ
“ಜಾನಪದ ಹಾಡುಗಳು ಮತ್ತು ನೃತ್ಯ, ಸೋಬಾನ ಪದಗಳ ಮೂಲಕ, ಗೊರ್ಜೆವ್ವಳ ಆರಾಧಿಸಲಾಗುತ್ತದೆ. ಮಹಿಳೆಯರು ವಿಶಿಷ್ಟ ರೀತಿಯ ಜಾನಪದ ಹಾಡುಗಳನ್ನು ಹಾಗೂ ಭಕ್ತಿ ಗೀತೆಗಳನ್ನು ಹಾಡಿ, ಭಜನೆ ಮಾಡುವ ಮೂಲಕ ಅರಾಧಿಸಿ ಮಳೆರಾಯನಿಗೆ ಪ್ರಾರ್ಥಿಸುತ್ತೇವೆ. ಊರು ತುಂಬೆಲ್ಲ ಪ್ರದಕ್ಷಿಣೆ ಹಾಕಿದ ಮೇಲೆ ಸಜ್ಜೆ, ಕಡಬು ಮಾಡಿಕೊಂಡು ಊರ ಹೊರಗೆ ಹೋಗಿ ಪೂಜೆ ಸಲ್ಲಿಸಿ ಊಟ ಸೇವಿಸಿ ಬರುತ್ತೇವೆ. ಈ ಹಿಂದೆ ಮಳೆ ಬರದೇ ಇದ್ದಾಗೆಲ್ಲ ಹೀಗೆ ಮಾಡಿದಾಗ ಮಳೆ ಬಂದಿದೆ” ಎಂದು ಗ್ರಾಮದ ಮಹಿಳೆಯೊಬ್ಬರು ಹೇಳಿದ್ದಾರೆ.
