20 ವರ್ಷಗಳ ಹಿಂದೆ ಮಹಿಳೆಯೊಬ್ಬರು ನೆಟ್ಟು ಬೆಳೆಸಿದ್ದ ಮರವೊಂದನ್ನು ಭೂ ವ್ಯಾಪಾರಿಗಳು ಕಡಿದು ಉರುಳಿಸಿದ್ದಾರೆ. ನೆಲಕ್ಕುರುಳಿ ಬಿದ್ದಿದ್ದ ಮರವನ್ನು ಕಂಡು ಆ ಮಹಿಳೆ ಬಿಕ್ಕಿ-ಬಿಕ್ಕಿ ಅತ್ತಿರುವ ಘಟನೆ ಛತ್ತೀಸ್‌ಗಢದ ಸರ್ರೋಗೊಂಡಿ ಗ್ರಾಮದಲ್ಲಿ ನಡೆದಿದೆ. ಘಟನೆಯ ಭಾವನಾತ್ಮಕ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ; ಕತ್ತರಿಸಲಾಗಿದ್ದ ಮರದ ಬಡುಕ್ಕೆ ಓರ್ವ ಮಹಿಳೆ ನಮಸ್ಕರಿಸುತ್ತಿರುವುದು ಮತ್ತು ಅಳುತ್ತಿರುವುದು ಕಂಡುಬಂದಿದೆ. ಆಕೆ ತನ್ನ ಪ್ರೀತಿಪಾತ್ರರನ್ನು ಕಳೆದುಕೊಂಡಂತೆ ದುಃಖಿಸಿದ್ದಾರೆ.
20 साल पहले जिसे अपने हाथों से लगाया था उस पेड़ के कटने के बाद फूट-फूट कर रोई माता जी,
— Manish Yadav (@itsmanish80) October 10, 2025
सोशल मीडिया पर यह वीडियो वायरल है लोग इसे प्रकृति के प्रति प्यार और भावनाओं से जोड़कर देख रहे हैं,
मामला छत्तीसगढ़ के सर्रागोंदी गांव का है, ग्रामीणों का आरोप है कि एक जमीन व्यापारी के इशारे… pic.twitter.com/Gsma2MVz9e
ಸ್ಥಳೀಯ ವರದಿಗಳ ಪ್ರಕಾರ, ಗ್ರಾಮದ ಕೆಲವು ಹಳೆಯ ಮರಗಳನ್ನು ಭೂ ವ್ಯಾಪಾರಿಯ ಆದೇಶದ ಮೇರೆಗೆ ಕತ್ತರಿಸಲಾಗಿದೆ. ಗ್ರಾಮದ ಬೃಹತ್ ಮರಗಳನ್ನು ಕತ್ತರಿಸಲಾಗಿದೆ ಎಂಬುದನ್ನು ತಿಳಿದು, ಗ್ರಾಮಸ್ಥರು ದಿಗ್ಭ್ರಮೆಗೊಂಡಿದ್ದಾರೆ. ಆತಂಕಕ್ಕೊಳಗಾಗಿದ್ದಾರೆ. ಕಡಿದು ಹಾಕಲಾದ ಹಲವು ಮರಗಳು ದಶಕಗಳಷ್ಟು ಹಳೆಯವು. ಗ್ರಾಮಸ್ಥರು ಅವುಗಳ ಜೊತೆಗೆ ಭಾವನಾತ್ಮಕವಾಗಿ ಬೆಸೆದುಕೊಂಡಿದ್ದರು.
ಈ ಲೇಖನ ಓದಿದ್ದೀರಾ?: ಎಸ್‌ಟಿ ಒಳಮೀಸಲಾತಿ ಮುನ್ನಲೆಗೆ; ‘ನಾಯಕ- ಕುರುಬ’ರ ನಡುವೆ ಬಿಕ್ಕಟ್ಟು ಮೂಡುವುದೇ?
ಕಡಿದು ಹಾಕಲಾದ ಮರದ ಎದುರು ಮಹಿಳೆಯು ಅಳುತ್ತಿರುವ ವಿಡಿಯೋ ಮಾನವರು ಮತ್ತು ಪ್ರಕೃತಿಯ ನಡುವಿನ ಬೇರೂರಿದ ಸಂಬಂಧದ ರೂಪಕವಾಗಿದೆ ಎಂದು ಹಲವಾರು ನೆಟ್ಟಿಗರು ಹೇಳಿದ್ದಾರೆ. ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
“ಇವು ಕೇವಲ ಮರಗಳಲ್ಲ, ಅವು ನಮ್ಮ ಬಾಲ್ಯದ ನೆನಪುಗಳು. ಪ್ರಕೃತಿ ಇಲ್ಲದಿದ್ದರೆ ಜೀವನ ಹೇಗಿರುತ್ತದೆ. ಆಧುನಿಕತೆಯ ಹೆಸರಿನಲ್ಲಿ ನಾವು ಅಮೂಲ್ಯವಾದದ್ದನ್ನು ಕಳೆದುಕೊಳ್ಳುತ್ತಿದ್ದೇವೆ” ಎಂದು ಹಲವರು ಬೇಸರ ವ್ಯಕ್ತಪಡಿಸಿದ್ದಾರೆ.
