ಇನ್ನು ಮುಂದೆ ಆಧಾರ್ ಕಾರ್ಡ್ ಅನ್ನು ಜನ್ಮ ದಿನಾಂಕದ ಪುರಾವೆಯಾಗಿ ಸ್ವೀಕರಿಸುವುದಿಲ್ಲ ಎಂದು ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ಹೇಳಿದೆ. ಈ ನಿರ್ಧಾರವನ್ನು ಕೇಂದ್ರ ಭವಿಷ್ಯ ನಿಧಿ ಆಯುಕ್ತರು (ಸಿಪಿಎಫ್‌ಸಿ) ಅನುಮೋದಿಸಿದ್ದಾರೆ.
ಆಧಾರ್‌ಅನ್ನು ಜನ್ಮ ದಿನಾಂಕದ ಪುರಾವೆಯಾಗಿ ಸ್ವೀಕರಿಸುವುದಿಲ್ಲ. ಪ್ರಾಥಮಿಕವಾಗಿ, ಆಧಾರ್ ಕಾರ್ಡ್ ಗುರುತಿನ ಪರಿಶೀಲನೆಯ ಪತ್ರವಾಗಿದೆ. ಅದು ಜನ್ಮ ಪುರಾವೆ ಅಲ್ಲ ಎಂದು ಇಪಿಎಫ್‌ಒ ಸುತ್ತೋಲೆಯಲ್ಲಿ ತಿಳಿಸಿದೆ.
“ಆಧಾರ್ ಗುರುತಿನ ಪುರಾವೆ ಮಾತ್ರವೆಂದು ಯುಐಡಿಎಐನಿಂದ ಪತ್ರವನ್ನು ಸ್ವೀಕರಿಸಲಾಗಿದೆ. ಅದರಲ್ಲಿ ಆಧಾರ್‌ಅನ್ನು ಜನ್ಮ ದಿನಾಂಕದ ಪುರಾವೆಯಾಗಿ ಸ್ವೀಕಾರಾರ್ಹ ದಾಖಲೆಗಳ ಪಟ್ಟಿಯಿಂದ ತೆಗೆಯಲು ಹೇಳಲಾಗಿದೆ. ಅದರಂತೆ, ಜೆಡಿ ಎಸ್‌ಒಪಿಯ ಅನುಬಂಧ-1ರ ಟೇಬಲ್-ಬಿಯಲ್ಲಿ ಉಲ್ಲೇಖಿಸಿದಂತೆ ಜನ್ಮ ದಿನಾಂಕದ ತಿದ್ದುಪಡಿಗಾಗಿ ಸ್ವೀಕಾರಾರ್ಹ ದಾಖಲೆಗಳ ಪಟ್ಟಿಯಿಂದ ಆಧಾರ್‌ಅನ್ನು ತೆಗೆದುಹಾಕಲಾಗುತ್ತಿದೆ” ಎಂದು ಇಪಿಎಫ್‌ಒ ಹೇಳಿದೆ.
ಕೆಳಗೆ ನೀಲಾಗಿರುವ ದಾಖಲೆಗಳನ್ನು ಮಾತ್ರ ಇಪಿಎಫ್‌ಒ ಪರಿಗಣಿಸುತ್ತದೆ
- ಯಾವುದೇ ಮಾನ್ಯತೆ ಪಡೆದ ಸರ್ಕಾರಿ ಮಂಡಳಿ ಅಥವಾ ವಿಶ್ವವಿದ್ಯಾಲಯದಿಂದ ನೀಡಿದ ಅಂಕಪಟ್ಟಿ,
- ಶಾಲೆ ಬಿಡುವ ಪ್ರಮಾಣಪತ್ರ (ಎಸ್‌ಎಲ್‌ಸಿ)/ಶಾಲಾ ವರ್ಗಾವಣೆ ಪ್ರಮಾಣಪತ್ರ (ಟಿಸಿ)
- ಸೇವಾ ದಾಖಲೆಗಳ ಆಧಾರದ ಮೇಲಿನ ಪ್ರಮಾಣಪತ್ರ
- ಪಾನ್‌ ಕಾರ್ಡ್
- ಕೇಂದ್ರ/ರಾಜ್ಯ ಪಿಂಚಣಿ ಪಾವತಿ ಆದೇಶ ಪತ್ರ
- ಸರ್ಕಾರ ನೀಡಿದ ನಿವಾಸ ಪ್ರಮಾಣಪತ್ರ
- ಪಾಸ್‌ಪೋರ್ಟ್‌
- ಸರ್ಕಾರಿ ಪಿಂಚಣಿ ಪತ್ರ
- ಸಿವಿಲ್ ಸರ್ಜನ್ ನೀಡಿದ ವೈದ್ಯಕೀಯ ಪ್ರಮಾಣಪತ್ರ
