ಭಾರತೀಯ ನಗರಗಳಲ್ಲಿ ಸುಮಾರು 44% ನಗರಗಳು ದೀರ್ಘಕಾಲದ ವಾಯು ಮಾಲಿನ್ಯವನ್ನು ಎದುರಿಸುತ್ತಿವೆ. ಈ ನಗರಗಳು ಅಲ್ಪಾವಧಿಯ ಮಾಲಿನ್ಯ ಏರಿಕೆಗೆ ಬದಲಾಗಿ, ನಿರಂತರ ಹೊರಸೂಸುವಿಕೆಯಿಂದ ಬಳಲುತ್ತಿವೆ ಎಂದು ಇಂಧನ ಮತ್ತು ಶುದ್ಧ ಗಾಳಿ ಸಂಶೋಧನಾ ಕೇಂದ್ರ (CREA) ಹೇಳಿದೆ.
2019 ಮತ್ತು 2024ರ ನಡುವಿನ ಈ ಐದು ವರ್ಷಗಳಲ್ಲಿ ಭಾರತದ 4,041 ನಗರಗಳಲ್ಲಿ PM2.5 ಮಟ್ಟವನ್ನು ವಿಶ್ಲೇಷಿಸಲಾಗಿದೆ. ವಾಯು ಮಾಲಿನ್ಯವನ್ನು ಅಳೆಯುವ ಉಪಗ್ರಹ ದತ್ತಾಂಶಗಳ ವರದಿ ಆಧರಿಸಿ ಈ ಸಂಶೋಧನೆಗಳು ನಡೆದಿವೆ ಎಂದು ಸಿಅರ್ಇಎ ವಿವರಿಸಿದೆ.
ಈ ಐದು ವರ್ಷಗಳ ಅವಧಿಯಲ್ಲಿ ಕನಿಷ್ಠ 1,787 ನಗರಗಳು ‘ವಾರ್ಷಿಕ PM2.5’ ರಾಷ್ಟ್ರೀಯ ಮಾನದಂಡವನ್ನು ನಿರಂತರವಾಗಿ ಮೀರಿವೆ. ಪ್ರಸ್ತುತ 130 ನಗರಗಳು ಮಾತ್ರ ರಾಷ್ಟ್ರೀಯ ಶುದ್ಧ ಗಾಳಿ ಕಾರ್ಯಕ್ರಮ (NCAP) ವ್ಯಾಪ್ತಿಯಲ್ಲಿವೆ. ಅವುಗಳಲ್ಲಿ ಕೇವಲ 67 ನಗರಗಳು ಮಾತ್ರ ಮಾನಗಳನ್ನು ಸಾಧಿಸಿದ, ಶುದ್ಧಗಳಿಯನ್ನು ಪಡೆಯುತ್ತಿವೆ ಎಂದು ವರದಿ ತಿಳಿಸಿದೆ.
2025ರಲ್ಲಿ, ಅಸ್ಸಾಂನ ಬೈರ್ನಿಹತ್ ನಗರವನ್ನು ಅತ್ಯಂತ ಕಲುಷಿತ ನಗರವೆಂದು ಗುರುತಿಸಲಾಗಿದೆ. ನಂತರದ ಸ್ಥಾನದಲ್ಲಿ, ದೆಹಲಿ ಮತ್ತು ಗಾಜಿಯಾಬಾದ್ ನಗರಗಳಿವೆ.
ಉತ್ತರ ಪ್ರದೇಶದ 416 ನಗರಗಳಲ್ಲಿ ನೋಯ್ಡಾ, ಗುರುಗ್ರಾಮ್, ಗ್ರೇಟರ್ ನೋಯ್ಡಾ, ಭಿವಾಡಿ, ಹಾಜಿಪುರ್, ಮುಜಫರ್ನಗರ ಮತ್ತು ಹಾಪುರ್ ಅತೀ ಹೆಚ್ಚು ಮಾಲಿನ್ಯಗೊಂಡ ನಗರಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ. ಕರ್ನಾಟಕ ಬೆಂಗಳೂರು ವಾಯು ಮಾಲಿನ್ಯ ಪೀಡಿತ ನಗರವಾಗಿ ಗುರುತಿಸಿಕೊಂಡಿದೆ.
