ಚುನಾವಣಾ ಮತ ಎಣಿಕೆ ಆರಂಭಗೊಂಡು ಬಿಜೆಪಿ ನೇತೃತ್ವದ ಎನ್‌ಡಿಎ ಮತ್ತು ಕಾಂಗ್ರೆಸ್ ನೇತೃತ್ವದ ‘ಇಂಡಿಯಾ’ ಮೈತ್ರಿಕೂಟದ ನಡುವೆ ಭಾರೀ ಜಿದ್ದಾಜಿದ್ದಿ ಕಂಡುಬರುತ್ತಿದೆ. ಈ ನಡುವೆ, ಷೇರು ಮಾರುಕಟ್ಟೆ ಕೂಡ ಕುಸಿತ ಕಂಡಿದೆ.
ಆರು ವಾರ ಚುನಾವಣಾ ಹೋರಾಟ ಮುಗಿದು, ಚುನಾವಣೋತ್ತರ ಸಮೀಕ್ಷೆ ಹೊರಬೀಳುತ್ತಿದ್ದಂತೆ ಬಿಜೆಪಿಯೇ ಮತ್ತೆ ಅಧಿಕಾರಕ್ಕೆ ಬರುತ್ತದೆ ಎಂಬ ದೇಶಾದ್ಯಂತ ಹೇಳಲಾಗಿತ್ತು. ಇದೇ ವಿಶ್ವಾಸದಲ್ಲಿ ಷೇರು ಮಾರುಕಟ್ಟೆ ಕೂಡ ಭಾರೀ ಏರಿಕೆ ಕಂಡಿತ್ತು. ಆದರೆ, ಇದೀಗ, ಭಾರತದ ಷೇರು ಭವಿಷ್ಯ ಅತಂತ್ರ ಸ್ಥಿತಿಯಲ್ಲಿದೆ.
ಚುನಾವಣಾ ಮತ ಎಣಿಕೆಯ ಪ್ರಸ್ತುತ ಅಂಕಿಅಂಶಗಳಂತೆ ‘ಇಂಡಿಯಾ’ ಮೈತ್ರಿಕೂಟವು 295 ಗೆಲ್ಲುತ್ತದೆ ಎಂಬುದು ಬಹುತೇಕ ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಈ ಬೆನ್ನಲ್ಲೇ, ಷೇರು ಮಾರುಕಟ್ಟೆ ಕುಸಿತ ಕಾಣುತ್ತಿದೆ.
11 ಬೇಸಿಸ್ ಪಾಯಿಂಟ್‌ಗಳೊಂದಿಗೆ 4.39% ಕುಸಿತ ಕಂಡಿದೆ. ಉತ್ಪಾದನಾ ವಲಯದ ಷೇರುಗಳು ಕೂಡ ಕುಸಿತಕೊಂಡಿದ್ದು, ಮಂಗಳವಾರದ ಆರಂಭಿಕ ವಹಿವಾಟಿನಲ್ಲಿ ಆಸ್ಟ್ರೇಲಿಯಾದಲ್ಲಿ ಆರು ಬೇಸಿಸ್ ಪಾಯಿಂಟ್‌ಗಳು ಕುಸಿದರೆ, ನ್ಯೂಜಿಲೆಂಡ್‌ನಲ್ಲಿ ಏಳು ಬೇಸಿಸ್ ಪಾಯಿಂಟ್‌ಗಳು ಕುಸಿದಿವೆ.
ದಕ್ಷಿಣ ಕೊರಿಯಾ ಮತ್ತು ಜಪಾನ್‌ನಲ್ಲಿನ ಷೇರುಗಳ ಮೌಲ್ಯ ಕಡಿಮೆಯಾಗಿದೆ. ಫ್ಯೂಚರ್ಸ್ ಹಾಂಗ್ ಕಾಂಗ್ ಕೂಡ ಕುಸಿತವನ್ನು ಎದುರಿಸುತ್ತಿದೆ. ಅಮೆರಿಕಾದಲ್ಲಿ ಗ್ರೂಪ್-ಆಫ್-10 ಕೌಂಟರ್‌ಪಾರ್ಟ್ಸ್ ವಿರುದ್ಧ ಡಾಲರ್ ಮೌಲ್ಯದಲ್ಲಿ ದುರ್ಬಲವಾಗಿದೆ. ಏಷ್ಯಾದ ಕರೆನ್ಸಿಗಳಾದ ಮಲೇಷಿಯಾದ ರಿಂಗಿಟ್ ಮತ್ತು ದಕ್ಷಿಣ ಕೊರಿಯನ್ ವನ್ ಮೌಲ್ಯ ಹೆಚ್ಚಿದೆ.
“ಆರ್ಥಿಕತೆಯಲ್ಲಿ ಮುಗ್ಗರಿಸುವ ಸೂಚನೆಗಳು ಕಂಡುಬಂದಿವೆ. ಇದರಿಂದಾಗಿ, ಹೂಡಿಕೆದಾರರು ದುಷ್ಪರಿಣಾಮಗಳನ್ನು ನಿರ್ವಹಿಸಲು ಷೇರು ಮಾರುಕಟ್ಟೆಯಲ್ಲಿನ ಏರಿಕೆಯ ಸೂಚನೆಗಳಿಗಾಗಿ ಎದುರು ನೋಡುತ್ತಿದ್ದಾರೆ” ಎಂದು BMO ಕ್ಯಾಪಿಟಲ್ ಮಾರ್ಕೆಟ್ಸ್‌ನಲ್ಲಿ ಇಯಾನ್ ಲಿಂಗೆನ್ ಮತ್ತು ವೈಲ್ ಹಾರ್ಟ್‌ಮ್ಯಾನ್ ಹೇಳಿದ್ದಾರೆ.
