ರಾಜಸ್ಥಾನ ಹೈಕೋರ್ಟ್‌ ಲಿಂಗತ್ವ ಅಲ್ಪಸಂಖ್ಯಾತರ ರಕ್ಷಣಾ ಕಾಯ್ದೆಯ 2026ರ ತಿದ್ದುಪಡಿಯನ್ನು ತೀವ್ರವಾಗಿ ಟೀಕಿಸಿದೆ. ಪ್ರಸ್ತುತ ತಿದ್ದುಪಡಿಯು 2019ರ ತಿದ್ದುಪಡಿಯ ಲಿಂಗತ್ವದ ಸ್ವಯಂ ಗುರುತಿಸಿಕೊಳ್ಳುವಿಕೆ ಹಾಗೂ ಸ್ವಯಂ ಘೋಷಣೆಯ ಹಕ್ಕನ್ನು ಕಸಿದುಕೊಂಡಿದೆ.
ನ್ಯಾಯಮೂರ್ತಿ ಅರುಣ್‌ ಮೊಂಗ ಲಿಂಗತ್ವ ಅಲ್ಪಸಂಖ್ಯಾತರ ಹಕ್ಕುಗಳ ಕುರಿತು ಉಲ್ಲೇಖಿಸುವಾಗ ಲಿಂಗ ಅಲ್ಪಸಂಖ್ಯಾತರು ತಮ್ಮ ಲಿಂಗವನ್ನು ತಾವೇ ಗುರುತಿಸುವುದು ಸರ್ಕಾರ ಅಥವಾ ಯಾವುದೇ ಮಸೂದೆ ನೀಡುವ ವಿಶೇಷ ಸವಲತ್ತಲ್ಲ. ಬದಲಾಗಿ ಅದು ಅವರಿಗೆ ಸಲ್ಲಬೇಕಾದ ಹಕ್ಕು ಎಂದಿದ್ದಾರೆ. ಲಿಂಗತ್ವ ಗುರುತುಪಡಿಸುವುದನ್ನು ದಾಖಲೀಕೃತಗೊಳಿಸಿ. ಇವರು ಲಿಂಗತ್ವ ಅಲ್ಪಸಂಖ್ಯಾತರು ಎಂಬ ಪ್ರಮಾಣಪತ್ರ ನೀಡಿ ಧೃಡೀಕರಿಸಿಕೊಳ್ಳುವ ಈ ತಿದ್ದುಪಡಿಯು ಈ ಸಮುದಾಯಕ್ಕೆ ಸೇರಿದವರ ವೈಯಕ್ತಿಕ ಬದುಕಿನಲ್ಲಿ ಅವರ ಹಕ್ಕುಗಳನ್ನು ಪಡೆದುಕೊಳ್ಳಲು ಸರ್ಕಾರ ಮಧ್ಯವರ್ತಿಯ ಕೆಲಸ ಮಾಡಲು ಮುಂದಾಗಿದೆ ಎಂದು ಟೀಕಿಸಿದರು.
2023ರ ರಾಜಸ್ಥಾನ ಹೈ ಕೋರ್ಟಿನ ಲಿಂಗತ್ವ ಅಲ್ಪಸಂಖ್ಯಾತರು ಹಿಂದುಳಿದ ವರ್ಗಗಳ ಪಟ್ಟಿಗೆ ಸೇರುತ್ತಾರೆ ಎಂಬ ತೀರ್ಪಿನ ವಿರುದ್ಧ ಬಂದಿದ್ದ ಲಿಂಗತ್ವ ಅಲ್ಪಸಂಖ್ಯಾತರ ಅರ್ಜಿಯೊಂದರ ವಿಚಾರಣೆಯ ವೇಳೆ ನ್ಯಾಯಮೂರ್ತಿ ಮೊಂಗ ಈ ವಿಷಯವನ್ನು ಪ್ರಸ್ತಾಪಿಸಿದರು.
ಇದನ್ನೂ ಓದಿ ಮಸೂದೆ ಅಂಗೀಕಾರ: ರಾಷ್ಟ್ರೀಯ ಲಿಂಗತ್ವ ಅಲ್ಪಸಂಖ್ಯಾತರ ಮಂಡಳಿ ಸದಸ್ಯರು ರಾಜೀನಾಮೆ
ಮುಂದುವರಿದು ನ್ಯಾಯಮೂರ್ತಿ ಯೋಗೇಂದ್ರ ಕುಮಾರ್ ಪುರೋಹಿತ್‌ ನಿರ್ದೇಶಿಸಿದ್ದ ಹಿಂದುಳಿದ ಲಿಂಗತ್ವ ಅಲ್ಪಸಂಖ್ಯಾತರ ಕಲ್ಯಾಣಕ್ಕಾಗಿ ಸಾರ್ವಜನಿಕ ಉದ್ಯೋಗ ವಲಯಗಳಲ್ಲಿ ಹಾಗೂ ಶೈಕ್ಷಣಿಕ ವಲಯದ ದಾಖಲಾತಿಯ ವೇಳೆ 3% ಗ್ರೇಡ್‌ ಅಂಕ ನೀಡಬೇಕು ಎಂಬ ಆದೇಶವನ್ನು ಎತ್ತಿ ಹಿಡಿದರು.
ಸಂವಿಧಾನದ 14,15,16 ಮತ್ತು 21ನೇ ವಿಧಿಯು ನಿರ್ದೇಶಿಸುವ ಪ್ರಕಾರ ವ್ಯಕ್ತಿಯು ತನ್ನ ಲಿಂಗತ್ವ ಗುರುತಿಸುವುದು, ನಿರ್ಧರಿಸುವುದು ಆತನ ಸ್ವ ಇಚ್ಛೆಯನ್ನು ಆಧರಿಸಿದೆ. ಇದು ವ್ಯಕ್ತಿಯ ವೈಯಕ್ತಿಕ ಬದುಕಿನ ಘನತೆ, ಸ್ವಾಯತ್ತತೆ ಮತ್ತು ವೈಯಕ್ತಿಕ ಸ್ವಾತಂತ್ರ್ಯವನ್ನು ಎತ್ತಿ ಹಿಡಿಯುತ್ತದೆ. NALSA ತೀರ್ಪಿನಲ್ಲಿ ಲಿಂಗತ್ವ ಅಲ್ಪಸಂಖ್ಯಾತರ ಕನಿಷ್ಠ ಹಕ್ಕುಗಳ ಕುರಿತು ಬಹುದೊಡ್ಡ ಮೈಲಿಗಲ್ಲನ್ನು ಸುಪ್ರೀಂ ಈ ಮಸೂದೆಯ ಮೂಲಕ ಸಾಧಿಸಿತ್ತು.
ಈಗ ಸಂಸತ್ತಿನಲ್ಲಿ ಮಂಡನೆಯಾಗಿರುವ ಲಿಂಗತ್ವ ಅಲ್ಪಸಂಖ್ಯಾತರ ಹಕ್ಕುಗಳ ರಕ್ಷಣೆಯ ತಿದ್ದುಪಡಿ ಮಸೂದೆಯು ಈ ಸಮುದಾಯದ ಹಿಜ್ರ, ಜೋಗತಿ, ಅರವಣಿ, ಕಿನ್ನರ್‌ ಸಮುದಾಯದವರನ್ನು ಬಿಟ್ಟು ಉಳಿದ ಕ್ವೀರ್‌, ಲಿಂಗತ್ವ ಅಲ್ಪಸಂಖ್ಯಾತ ಮಹಿಳೆ, ಲಿಂಗತ್ವ ಅಲ್ಪಸಂಖ್ಯಾತ ಪುರುಷ ಮೊದಲಾದ ವರ್ಗದವರನ್ನು ಲಿಂಗತ್ವ ಅಲ್ಪಸಂಖ್ಯಾತರ ಪಟ್ಟಿಯಿಂದ ಹೊರತಾಗಿಸಿದೆ. ಈ ಕುರಿತು ಅಸಮಧಾನ ವ್ಯಕ್ತಪಡಿಸಿರುವ ಅರುಣ್‌ ಮೊಂಗೆ ಒಳಗೊಂಡ ರಾಜಸ್ಥಾನದ ವಿಭಾಗೀಯ ಪೀಠವು ಲಿಂಗತ್ವ ಅಲ್ಪಸಂಖ್ಯಾತರ ಘನತೆಯ ಬದುಕಿಗೆ ಸರ್ಕಾರದ ಮಧ್ಯಸ್ತಿಕೆಯು ಅಡ್ಡಿಪಡಿಸುತ್ತದೆ ಎಂದಿದ್ದಾರೆ.
