ಕೇರಳ ಚುನಾವಣೆಯ ಮತ ಎಣಿಕೆ ಪ್ರಕ್ರಿಯೆ ಮುಂದುವರೆದಿದ್ದು, ಕನಿಷ್ಠ ಏಳು ಸಚಿವರುಗಳು ಆರಂಭಿಕ ಹಿನ್ನಡೆಯನ್ನು ಕಂಡಿದ್ದಾರೆ. ಈಗಾಗಲೇ ಇವಿಎಂಗಳಲ್ಲಿನ ಮತಗಳ ಎಣಿಕೆ ಪ್ರಾರಂಭವಾಗಿದೆ.
ಸಚಿವರಾದ ವೀಣಾ ಜಾರ್ಜ್, ಎಂ ಬಿ ರಾಜೇಶ್, ಒ ಆರ್ ಕೇಲು, ಆರ್ ಬಿಂದು, ಜೆ ಚಿಂಚುರಾಣಿ, ಪಿ ರಾಜೀವ್, ಕೆ ಬಿ ಗಣೇಶ್ ಕುಮಾರ್ ಮತ್ತು ರೋಶಿ ಅಗಸ್ಟೀನ್ ತಮ್ಮ ಕ್ಷೇತ್ರಗಳಲ್ಲಿ ಹಿನ್ನಡೆ ಕಂಡಿದ್ದಾರೆ.
ಇದನ್ನು ಓದಿದ್ದೀರಾ? ಕೇರಳ ಚುನಾವಣೆ | ಸಿಪಿಐಎಂನಲ್ಲಿ ಬಿಕ್ಕಟ್ಟು; ಮಾಜಿ ಶಾಸಕ ಪಿಕೆ ಸಸಿ ಉಚ್ಚಾಟನೆ
ವೀಣಾ ಜಾರ್ಜ್ (ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವೆ) – ಅರನ್ಮುಲ ಕ್ಷೇತ್ರ
ಎಂ.ಬಿ. ರಾಜೇಶ್ (ಸ್ಥಳೀಯ ಸ್ವಯಂ ಆಡಳಿತ ಮತ್ತು ಅಬಕಾರಿ ಸಚಿವ) – ತೃತ್ತಾಲ ಕ್ಷೇತ್ರ
ಒ.ಆರ್. ಕೇಳು (ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡಗಳ ಕಲ್ಯಾಣ ಸಚಿವ) – ಮಾನಂತವಾಡಿ ಕ್ಷೇತ್ರ
ಆರ್. ಬಿಂದು (ಉನ್ನತ ಶಿಕ್ಷಣ ಮತ್ತು ಸಾಮಾಜಿಕ ನ್ಯಾಯ ಸಚಿವೆ) – ಇರಿಂಜಾಲಕುಡ ಕ್ಷೇತ್ರ
ಜೆ. ಚಿಂಚುರಾಣಿ (ಪಶುಸಂಗೋಪನೆ ಸಚಿವೆ) – ಚದಯಮಂಗಲಂ ಕ್ಷೇತ್ರ
ಪಿ. ರಾಜೀವ್ (ಕೈಗಾರಿಕಾ ಸಚಿವ) – ಕಲಮಸ್ಸೇರಿ ಕ್ಷೇತ್ರ
ಕೆ.ಬಿ. ಗಣೇಶ್ ಕುಮಾರ್ (ಸಾರಿಗೆ ಸಚಿವ) – ಪತ್ತನಾಪುರಂ ಕ್ಷೇತ್ರ
ರೋಷಿ ಆಗಸ್ಟೀನ್ (ಜಲಸಂಪನ್ಮೂಲ ಸಚಿವ) – ಇಡುಕ್ಕಿ ಕ್ಷೇತ್ರ
ಆರಂಭಿಕ ಟ್ರೆಂಡ್ಗಳ ಪ್ರಕಾರ, ಕಾಂಗ್ರೆಸ್ ನೇತೃತ್ವದ ಯುಡಿಎಫ್ ಸುಮಾರು 80 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸುತ್ತಿದೆ. ಸಿಪಿಐ(ಎಂ) ನೇತೃತ್ವದ ಎಲ್ಡಿಎಫ್ ಸುಮಾರು 50ಕ್ಕೂ ಹೆಚ್ಚು ಸ್ಥಾನಗಳಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ. ಬಿಜೆಪಿ ನೇತೃತ್ವದ ಎನ್ಡಿಎ ಸುಮಾರು 5 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸುತ್ತಿದೆ.
