ಕೊಲ್ಕತ್ತಾ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರಿದ್ದ ಎರಡು ವಿಮಾನ ಗಳ ರೆಕ್ಕೆಗಳು ಡಿಕ್ಕಿ ಹೊಡೆದುಕೊಂಡಿದ್ದು, ಸ್ವಲ್ಪದರಲ್ಲಿಯೇ ಭಾರಿ ಅನಾಹುತವೊಂದು ತಪ್ಪಿದೆ.
ಒಂದು ವಿಮಾನ ಚೆನ್ನೈಗೆ ಹೊರಡಲು ಮೇಲಕ್ಕೆ ಹಾರುತ್ತಿದ್ದರೆ, ಬಿಹಾರದ ದಾರಬಾಂಗ್ ಮೂಲದ ವಿಮಾನ ಹೊರಡಲು ಸಿದ್ಧವಾಗಿತ್ತು. ಅಪಘಾತದಲ್ಲಿ ಎರಡು ವಿಮಾನಗಳ ರೆಕ್ಕೆಗಳು ಪರಸ್ಪರ ಬಡಿದುಕೊಂಡಿವೆ.
ಈ ಘಟನೆಯು ಇಂದು ಬೆಳಿಗ್ಗೆ 11.10ಕ್ಕೆ ಸಂಭವಿಸಿದ್ದು, ಅದೃಷ್ಟವಶಾತ್, ಅಪಘಾತದಲ್ಲಿ ಯಾವುದೇ ಸಾವು ನೋವು ಸಂಭವಿಸಿಲ್ಲ.
ವಿಮಾನಗಳ ಘರ್ಷಣೆಯಲ್ಲಿ ಚೆನ್ನೈ ಮೂಲದ ವಿಮಾನದ ರೆಕ್ಕೆ ಮುರಿದು ಬಿದ್ದರೆ, ದಾರಬಾಂಗ್ ವಿಮಾನವು ಅಸ್ತವ್ತಸ್ಥಗೊಂಡಿತು.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ‘ಭ್ರಷ್ಟರು ಬೇಕಾಗಿದ್ದಾರೆ’ ಇದು ಬಿಜೆಪಿಯ ಹೊಸ ಜಾಹೀರಾತು
ಘಟನೆಯ ಬಗ್ಗೆ ನಾಗರಿಕ ವಿಮಾನಯಾನದ ಮಹಾ ನಿರ್ದೇಶಕರು ಮಾಹಿತಿ ಪಡೆದುಕೊಂಡಿದ್ದಾರೆ. ಅಪಘಾತದ ಬಗ್ಗೆ ನಾಗರಿಕ ವಿಮಾನಯಾನ ನಿರ್ದೇಶನಾಲಯ ಉನ್ನತಮಟ್ಟದ ತನಿಖೆಗೆ ಆದೇಶಿಸಿರುವುದಾಗಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಮೂಲಗಳ ಪ್ರಕಾರ, ಇಂದು ಬೆಳಿಗ್ಗೆ 10.40ಕ್ಕೆ ಚೆನ್ನೈಗೆ ಹೊರಡಲು ತಯಾರಾಗಿದ್ದ ಏರ್‌ ಇಂಡಿಯಾ ವಿಮಾನದಲ್ಲಿ ಈ ಘಟನೆ ಸಂಭವಿಸಿದೆ. ಈ ಸಮಯದಲ್ಲಿ 6 ವಿಮಾನದ ಸಿಬ್ಬಂದಿ ಒಳಗೊಂಡು 163 ಪ್ರಯಾಣಿಕರು ಏರ್‌ ಇಂಡಿಯಾ ವಿಮಾನದಲ್ಲಿದ್ದರು. ಈ ನಡುವೆ ಕೋಲ್ಕತ್ತಾದಿಂದ ಬಿಹಾರದ ದಾರ್‌ಗಂಗಾಗೆ ಹೊರಟಿದ್ದ 6 ಸಿಬ್ಬಂದಿಯೊಂದಿಗೆ 149 ಪ್ರಯಾಣಿಕರಿದ್ದ ಇಂಡಿಗೋ ವಿಮಾನ ಹೊರಡಲು ಸಿದ್ದವಾಗುತ್ತಿತ್ತು. ಇವೆರೆಡು ವಿಮಾನಗಳ ನಡುವೆ ಅಪಘಾತ ಸಂಭಿಸಿದೆ.
