ತೆಲಂಗಾಣದಲ್ಲಿ ಇತ್ತೀಚೆಗೆ ನಡೆದ ಸ್ಥಳೀಯ ಸಂಸ್ಥೆಗಳ (ಪುರಸಭೆ ಮತ್ತು ನಗರಸಭೆ) ಚುನಾವಣೆಯ ಫಲಿತಾಂಶವು ಶುಕ್ರವಾರ(ಫೆಬ್ರವರಿ 13) ಹೊರಬಿದ್ದಿದ್ದು, ಆಡಳಿತಾರೂಢ ಕಾಂಗ್ರೆಸ್ ಭರ್ಜರಿ ಜಯ ದಾಖಲಿಸಿದೆ. ಬಿಆರ್ಎಸ್ ಮತ್ತು ಬಿಜೆಪಿಗೆ ಮುಖಭಂಗವಾಗಿದೆ.
ತೆಲಂಗಾಣದಲ್ಲಿ ಒಟ್ಟು 2,996 ವಾರ್ಡ್‌ಗಳಿಗೆ ಚುನಾವಣೆ ನಿಗದಿಯಾಗಿತ್ತು. 116 ಪುರಸಭೆಗಳಲ್ಲಿ ಒಟ್ಟು 2,582 ವಾರ್ಡ್‌ಗಳು ಮತ್ತು 7 ಮಹಾನಗರ ಪಾಲಿಕೆಗಳಲ್ಲಿ (ಕಾರ್ಪೊರೇಷನ್‌) ಒಟ್ಟು 414 ವಾರ್ಡ್‌ಗಳಲ್ಲಿ ಚುನಾವಣೆ ನಡೆದಿದೆ.
ಇದನ್ನು ಓದಿದ್ದೀರಾ? ತೆಲಂಗಾಣ | ಲೋಕಸಭೆ ಚುನಾವಣೆ: ಸ್ಪರ್ಧೆಯಿಂದ ಹಿಂದೆ ಸರಿದ ಟಿಡಿಪಿ
ಈ ಪೈಕಿ ಕಾಂಗ್ರೆಸ್ 1,526 ವಾರ್ಡ್‌ಗಳಲ್ಲಿ ಗೆಲುವು ಸಾಧಿಸಿ ಅಗ್ರಸ್ಥಾನದಲ್ಲಿದೆ. ಬಿಆರ್ಎಸ್ 772 ವಾರ್ಡ್‌ಗಳನ್ನು ಗೆದ್ದರೆ, ಬಿಜೆಪಿ 326 ವಾರ್ಡ್‌ಗಳಲ್ಲಿ ಜಯ ಕಂಡಿದೆ. ಎಐಎಂಐಎಂ (AIMIM) 66 ವಾರ್ಡ್‌ಗಳಲ್ಲಿ, ಸಿಪಿಐಎಂ 13 ವಾರ್ಡ್‌ಗಳಲ್ಲಿ ಗೆಲುವು ಸಾಧಿಸಿದೆ.
ಒಟ್ಟು 116 ಪುರಸಭೆಗಳ ಪೈಕಿ 64 ಪುರಸಭೆಗಳಲ್ಲಿ ಕಾಂಗ್ರೆಸ್ ಸ್ಪಷ್ಟ ಬಹುಮತ ಪಡೆದಿದೆ. ಸುಮಾರು 38 ಪುರಸಭೆಗಳಲ್ಲಿ ಯಾವುದೇ ಪಕ್ಷಕ್ಕೆ ಸ್ಪಷ್ಟ ಬಹುಮತ ಸಿಕ್ಕಿಲ್ಲ.
ಹಾಗೆಯೇ ನಲ್ಗೊಂಡ ಜಿಲ್ಲೆಯ ಚಿಟ್ಯಾಲ ಪುರಸಭೆಯ 1ನೇ ವಾರ್ಡ್‌ನಿಂದ ನಾಗಿಲ್ಲ ಸುಧಾಕರ್ (ಕಾವೇರಿ) ಎಂಬ ತೃತೀಯ ಲಿಂಗಿ ಅಭ್ಯರ್ಥಿ ಗೆಲುವು ಸಾಧಿಸುವ ಮೂಲಕ ಹೊಸ ಇತಿಹಾಸ ಬರೆದಿದ್ದಾರೆ.
