ಶಿವಂ ದುಬೆ ಅವರ ಭರ್ಜರಿ ಅರ್ಧ ಶತಕ (60), ಜಿತೇಶ್ ಶರ್ಮಾ(31), ತಿಲಕ್ ವರ್ಮ (26) ಹಾಗೂ ಶುಭಮನ್ ಗಿಲ್ (23) ಆಟದ ನೆರವಿನಿಂದ ಭಾರತ ಅಫ್ಘಾನ್ ವಿರುದ್ಧ ಮೊದಲ ಟಿ2೦ ಪಂದ್ಯದಲ್ಲಿ 6 ವಿಕೆಟ್ ಜಯ ಸಾಧಿಸಿತು. ಈ ಮೂಲಕ 3 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಪಡೆಯಿತು.
ಮೊಹಾಲಿಯ ಐಎಸ್ ಬಿಂದ್ರಾ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಅಫ್ಘಾನಿಸ್ತಾನ ನೀಡಿದ 158 ರನ್ನುಗಳ ಸವಾಲನ್ನು ಬೆನ್ನಟ್ಟಿದ ಭಾರತ 4 ವಿಕೆಟ್ ನಷ್ಟಕ್ಕೆ 17.3 ಓವರ್ಗಳಲ್ಲಿ ಗುರಿ ಮುಟ್ಟಿತು.
ಇದಕ್ಕೂ ಮೊದಲು ಟಾಸ್ ಸೋತ ಅಫ್ಘಾನ್, 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 158 ರನ್ ಕಲೆ ಹಾಕಿತು. ಅಫ್ಘಾನ್ ಪರ ಮೊಹಮದ್ ನಬಿ (42), ಅಜ್ಮತುಲ್ಲಾ ಒಮರ್ಜಾಯ್(29), ನಾಯಕ ಇಬ್ರಾಹಿಂ ಜದ್ರಾನ್(25) ಹಾಗೂ ರಹಮಾನುಲ್ಲಾ ಗುರ್ಬಾಜ್ (23) ರನ್ ಗಳಿಸಿ ತಂಡದ ಮೊತ್ತ 150 ಗಡಿ ದಾಟಲು ಕಾರಣರಾದರು.
ಟೀಂ ಇಂಡಿಯಾ ಪರ ಅಕ್ಸರ್ ಪಟೇಲ್ 23/2, ಮುಕೇಶ್ ಕುಮಾರ್ 33/2, ಶಿವಂ ದುಬೆ 9/1 ವಿಕೆಟ್ ಕಬಳಿಸಿದರು.