ಅಫ್ಘಾನಿಸ್ತಾನ ವಿರುದ್ಧದ 2ನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ, ನಾಯಕ ಶುಭಮನ್‌ ಗಿಲ್ ಹಾಗೂ ಇಶಾನ್ ಕಿಶನ್‌ ಅವರ ಭರ್ಜರಿ ಶತಕಗಳ ನೆರವಿನಿಂದ 49.5 ಓವರ್‌ಗಳಲ್ಲಿ 402 ರನ್‌ಗಳ ಭರ್ಜರಿ ಮೊತ್ತ ಪೇರಿಸಿದೆ.
ಲಖನೌದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್‌ ಗೆದ್ದ ಅಫ್ಘಾನಿಸ್ತಾನದ ತಂಡದ ನಾಯಕ ಹಷ್ಮತುಲ್ಲಾ ಶಾಹಿದಿ ಟೀಂ ಇಂಡಿಯಾವನ್ನು ಬ್ಯಾಟಿಂಗ್‌ಗೆ ಆಹ್ವಾನಿಸಿದರು. ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್‌ (4) ಬೇಗನೆ ವಿಕೆಟ್ ಕಳೆದುಕೊಂಡರು ನಾಯಕ ಶುಭಮನ್‌ ಗಿಲ್ ಸ್ಫೋಟಕ ಆಟಗಾರ ರೋಹಿತ್ ಶರ್ಮಾ ಜೊತೆ ಆಟ ಆರಂಭಿಸಿದರು. 13ನೇ ಓವರ್‌ನಲ್ಲಿ ರೋಹಿತ್ ಶರ್ಮಾ 48 ರನ್‌ ಗಳಿಸಿ ರಶೀದ್‌ ಬೌಲಿಂಗ್‌ನಲ್ಲಿ ಪೆವಿಲಿಯನ್‌ಗೆ ತೆರಳಿದರು.
ನಂತರ ಮಧ್ಯಮ ಕ್ರಮಾಂಕದ ಆಟಗಾರ ಇಶಾನ್ ಕಿಶನ್‌ ಜೊತೆಗೂಡಿದ ಶುಭ್‌ಮನ್‌ ಸಿಕ್ಸರ್‌, ಬೌಂಡರಿಗಳ ಮೂಲಕ ರನ್‌ಗಳ ಸುರಿಮಳೆ ಹರಿಸಿದರು. ಇವರಿಬ್ಬರು 4 ವಿಕೆಟ್ ಜೊತೆಯಾಟದಲ್ಲಿ 224 ರನ್‌ ಸಿಡಿಸಿದರು. 125 ರನ್‌ ಗಳಿಸಿದ್ದ ಇಶಾನ್ ಕಿಶನ್‌ 37ನೇ ಓವರ್‌ನಲ್ಲಿ ಕರೋಟೆ ಬೌಲಿಂಗ್‌ನಲ್ಲಿ ಔಟಾದರು. ಅವರ 79 ಎಸೆತಗಳ ಸೊಗಸಾದ ಆಟದಲ್ಲಿ 14 ಬೌಂಡರಿ ಹಾಗೂ 7 ಭರ್ಜರಿ ಸಿಕ್ಸರ್‌ಗಳಿದ್ದವು.
ಇದನ್ನು ಓದಿದ್ದೀರಾ? ಫಿಫಾ ಜಗತ್ತಿನಲ್ಲಿ ಭಾರತದ ಹೆಜ್ಜೆಗುರುತು – ಕನ್ನಡಿಗ ಕೆಂಪಯ್ಯನವರ ಮರೆಯಲಾಗದ ಸಾಧನೆ
ನಂತರ ಶ್ರೇಯಸ್‌ ಅಯ್ಯರ್ ಜೊತೆ ಆಟ ಮುಂದುವರೆಸಿದ ಶುಭಮನ್‌ ಕೇವಲ 110 ಚೆಂಡುಗಳಲ್ಲಿ ಭರ್ಜರಿ 154 ರನ್‌ ಪೇರಿಸಿದರು. ಅವರ ಸ್ಫೋಟಕ ಬ್ಯಾಟಿಂಗ್‌ನಲ್ಲಿ 22 ಬೌಂಡರಿ ಹಾಗೂ 2 ಸಿಕ್ಸರ್‌ಗಳಿದ್ದವು. 43ನೇ ಓವರ್‌ನಲ್ಲಿ ಕರೋಟೆ ಬೌಲಿಂಗ್‌ನಲ್ಲಿ ರಿವರ್ಸ್‌ ಸ್ವೀಪ್‌ ಹೊಡೆಯಲು ಹೋಗಿ ಔಟಾದರು. ಆನಂತರ ಬಂದ ಉಳಿದ ಬ್ಯಾಟರ್‌ಗಳ್ಯಾರು ಉತ್ತಮ ಆಟವಾಡಲಿಲ್ಲ.
ಶ್ರೈಯಸ್‌(26), ವಾಷಿಂಗ್ಟನ್‌ ಸುಂದರ್‌(19) ಬಿಟ್ಟರೆ ಉಳಿದವರು 10ರ ಗಡಿ ದಾಟಲಿಲ್ಲ. ಅಂತಿಮವಾಗಿ ಟೀಂ ಇಂಡಿಯಾ ಅಫ್ಘಾನ್‌ಗೆ 403 ರನ್‌ಗಳ ಗುರಿ ನೀಡಿದೆ. ಅಫ್ಘಾನಿಸ್ತಾನದ ಪರ ಕರೋಟೆ 76/4, ರಶೀದ್‌ ಖಾನ್‌ 48/3 ವಿಕೆಟ್ ಕಬಳಿಸಿ ಅತ್ಯುತ್ತಮ ಬೌಲರ್‌ಗಳೆನಿಸಿದರು.
