- ಆಸ್ಟ್ರೇಲಿಯಾ; 469 ಮತ್ತು270/8 ಡಿಕ್ಲೇರ್‌
- ಅಂತಿಮ ದಿನ ರೋಹಿತ್‌ ಪಡೆ ಗೆಲುವಿಗೆ 280 ರನ್ ಗುರಿ
ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ʼ ಫೈನಲ್ ಪಂದ್ಯವು ಕುತೂಹಲಕಾರಿ ಘಟ್ಟ ತಲುಪಿದೆ. ಫೈನಲ್ ಪಂದ್ಯದ ನಾಲ್ಕನೇ ದಿನದ ಅಂತ್ಯಕ್ಕೆ ಭಾರತ, 3 ವಿಕೆಟ್ ನಷ್ಟದಲ್ಲಿ 164 ರನ್‌ಗಳಿಸಿದೆ.
ಲಂಡನ್‌ನ ಓವಲ್‌ನಲ್ಲಿ ನಡೆಯುತ್ತಿರುವ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್ ಗೆಲ್ಲಲು ಅಂತಿಮ ದಿನವಾದ ನಾಳೆ (ಭಾನುವಾರ) ರೋಹಿತ್‌ ಪಡೆ, 7 ವಿಕೆಟ್‌ಗಳ ನೆರವಿನಿಂದ 280 ರನ್ ಗಳಿಸಬೇಕಾಗಿದೆ. 44 ರನ್‌ಗಳಿಸಿರುವ ವಿರಾಟ್‌ ಕೊಹ್ಲಿ ಮತ್ತು 20 ರನ್‌ಗಳೊಂದಿಗೆ ಅಜಿಂಕ್ಯಾ ರಹಾನೆ ಕ್ರೀಸ್‌ನಲ್ಲಿದ್ದಾರೆ.
All to play for on the final day of the World Test Championship final 🍿
— ESPNcricinfo (@ESPNcricinfo) June 10, 2023
Australia ahead, but India have their superstar Virat Kohli in good touch #AUSvIND | #WTCFinal
👉 https://t.co/6WVbuW7ujo pic.twitter.com/Ay9ZKk7puq
444 ರನ್‌ಗಳ ಕಠಿಣ ಗುರಿಯೊಂದಿಗೆ ದ್ವಿತೀಯ ಇನ್ನಿಂಗ್ಸ್‌ ಆರಂಭಿಸಿದ್ದ ಭಾರತ ಉತ್ತಮ ಆರಂಭ ಪಡೆದಿತ್ತು. ʻಐಪಿಎಲ್‌ ಹೀರೋʼ ಶುಭಮನ್‌ ಗಿಲ್‌ (18) ನಿರಾಸೆ ಮೂಡಿಸಿದರೂ ಸಹ, ನಾಯಕ ರೋಹಿತ್‌ ಶರ್ಮಾ 43 ರನ್‌ಗಳಿಸುವ ಮೂಲಕ ಬ್ಯಾಟಿಂಗ್‌ ಲಯ ಕಂಡುಕೊಂಡರು. ಅನುಭವಿ ಚೆತೇಶ್ವರ ಪುಜಾರ 27 ರನ್‌ಗಳಿಸಿ ಕ್ಯಾಪ್ಟನ್‌ ಕಮ್ಮಿನ್ಸ್‌ಗೆ ವಿಕೆಟ್ ಒಪ್ಪಿಸಿದರು.
ನಾಲ್ಕನೇ ವಿಕೆಟ್‌ಗೆ ಈಗಾಗಲೇ 71 ರನ್‌ಗಳ ಜೊತಯಾಟದಲ್ಲಿ ಭಾಗಿಯಾಗಿರುವ ಕೊಹ್ಲಿ-ರಹಾನೆ ಜೋಡಿ, ಪಂದ್ಯದ ಅಂತಿಮ ದಿನ ಕ್ರೀಸ್‌ನಲ್ಲಿ ನೆಲೆಯೂರಿ ನಿಂತರೆ ಭಾರತ ಚಾಂಪಿಯನ್‌ಶಿಪ್‌ ಗೆಲ್ಲುವ ಸಾಧ್ಯತೆ ಹೆಚ್ಚಾಗಿದೆ.
ಆಸ್ಟ್ರೇಲಿಯಾ; ದ್ವಿತೀಯ ಇನ್ನಿಂಗ್ಸ್‌ 270/8 ಡಿಕ್ಲೇರ್‌
ಇದಕ್ಕೂ ಮೊದಲು 4 ವಿಕೆಟ್ ನಷ್ಟದಲ್ಲಿ 123 ರನ್ ಗಳಿಂದ ಮೂರನೇ ದಿನದಾಟ ಆರಂಭಿಸಿದ್ದ ಆಸ್ಟ್ರೇಲಿಯಾ, ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 8 ವಿಕೆಟ್ ನಷ್ಟದಲ್ಲಿ 270 ರನ್‌ಗಳಿಸಿದ್ದ ವೇಳೆ ಇನ್ನಿಂಗ್ಸ್‌ ಡಿಕ್ಲೇರ್‌ ಘೋಷಿಸಿತ್ತು. ವಿಕೆಟ್ ಕೀಪರ್‌ ಅಲೆಕ್ಸ್‌ ಕ್ಯಾರಿ ಅರ್ಧ ಶತಕ (66*) ಗಳಿಸಿದರೆ, 57 ಎಸೆತಗಳನ್ನು ಎದುರಿಸಿದ ವೇಗಿ ಮಿಚೆಲ್‌ ಸ್ಟಾರ್ಕ್‌ 41 ರನ್‌ಗಳಿಸುವ ಮೂಲಕ ತಂಡದ ಲೀಡ್‌ ಹೆಚ್ಚಿಸಲು ನೆರವಾದರು.
