ಕಸ್ತೂರಿ ಬಾ ಸದನ ಮತ್ತು ಸಾಂತ್ವನ ಕೇಂದ್ರಗಳು 2025-26ನೇ ಸಾಲಿನಲ್ಲಿ ಸಂಕಷ್ಟದಲ್ಲಿರುವ ಮಹಿಳೆಯರು ಹಾಗೂ ಮಕ್ಕಳಿಗೆ ನೆರವಾಗುವಲ್ಲಿ ಮಹತ್ತರ ಪಾತ್ರವಹಿಸಿದೆ ಎಂದು ಸದನದ ಪದಾಧಿಕಾರಿಗಳು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಏಪ್ರಿಲ್ 2025 ರಿಂದ ಡಿಸೆಂಬರ್ ವರೆಗಿನ ಅವಧಿಯಲ್ಲಿ ಶಕ್ತಿ ಸದನದ ಮೂಲಕ ಒಟ್ಟು 132 ಮಹಿಳೆಯರು ಮತ್ತು 59 ಮಕ್ಕಳು ಸೇರಿದಂತೆ ಒಟ್ಟು 191 ಫಲಾನುಭವಿಗಳು ವಿವಿಧ ಸೌಲಭ್ಯಗಳನ್ನು ಪಡೆದುಕೊಂಡಿದ್ದಾರೆ. ಈ ಅವಧಿಯಲ್ಲಿ ದಾಖಲಾದ ಪ್ರಕರಣಗಳಲ್ಲಿ ಪ್ರಮುಖವಾಗಿ 37 ಕೌಟುಂಬಿಕ ಸಮಸ್ಯೆಗಳು, 26 ಪಾಲನೆ ಪೋಷಣೆ ಪ್ರಕರಣಗಳು ಹಾಗೂ 11 ನಾಪತ್ತೆ ಪ್ರಕರಣಗಳು ಸೇರಿವೆ. ಉಳಿದಂತೆ ನಿರಾಶ್ರಿತರು, ಪೋಕೋ ಪ್ರಕರಣದ ಸಂತ್ರಸ್ತರು ಹಾಗೂ ತಾತ್ಕಾಲಿಕ ಆಶ್ರಯ ಕೋರಿ ಬಂದವರಿಗೆ ಸಂಸ್ಥೆಯು ಆಸರೆಯಾಗಿದೆ. ಪ್ರಸ್ತುತ ಕೇಂದ್ರದಲ್ಲಿ 14 ಮಹಿಳೆಯರು ಮತ್ತು 6 ಮಕ್ಕಳು ಸೇರಿದಂತೆ ಒಟ್ಟು 20 ಫಲಾನುಭವಿಗಳು ಆಶ್ರಯ ಪಡೆಯುತ್ತಿದ್ದಾರೆ ಎಂದು ಸಂಸ್ಥೆಯ ಪದಾಧಿಕಾರಿಗಳು ತಿಳಿಸದರು.
ಇದನ್ನೂ ಓದಿದ್ದೀರಾ?ಯಾದಗಿರಿ | ಮಾರಕಸ್ತ್ರಗಳಿಂದ ಹಲ್ಲೆ; ದಲಿತ ಮುಖಂಡನ ಭೀಕರ ಕೊಲೆ
ಕಸ್ತೂರಿ ಬಾ ಸದನದ ಸಾಂತ್ವನ ಕೇಂದ್ರದಲ್ಲಿ ಏಪ್ರಿಲ್‌ನಿಂದ ನವೆಂಬರ್ ಅಂತ್ಯದವರೆಗೆ ಒಟ್ಟು 58 ಪ್ರಕರಣಗಳು ನೋಂದಣಿಯಾಗಿದ್ದು, ಅವುಗಳಲ್ಲಿ 50 ಪ್ರಕರಣಗಳನ್ನು ಯಶಸ್ವಿಯಾಗಿ ಇತ್ಯರ್ಥ ಪಡಿಸಲಾಗಿದೆ ಎಂದು ಮಾಹಿತಿ ತಿಳಿಸಿದರು.
