ಬಿಸಿಲಿನ ಧಗೆಯಿಂದ ತತ್ತರಿಸಿದ್ದ ಬೀದರ್ ಜಿಲ್ಲೆಯ ಜನರಿಗೆ ಭಾನುವಾರ ಸಂಜೆ ಸುರಿದ ಜೋರು ಮಳೆಯ ಸಿಂಚನ ಇಳೆ ತಂಪುಗೊಳಿಸಿದೆ. ಧಗೆಯಿಂದ ಬೇಸತ್ತಿದ ಜನ ಕೊಂಚ ನಿರಾಳವಾಗಿದ್ದಾರೆ.
ಜಿಲ್ಲೆಯಲ್ಲಿ ಈ ಬಾರಿ ಬೇಸಿಗೆ ಬಿಸಿಲು ಪ್ರಖರವಾಗಿದೆ. ಕೆಲ ದಿನಗಳಿಂದ 40 ಡಿಗ್ರಿ ಸೆಲ್ಸಿಯಸ್‌ಕ್ಕೂ ಅಧಿಕ ಉಷ್ಣಾಂಶ ದಾಖಲಾಗುತ್ತಿದ್ದರಿಂದ ಜನ ಮಧ್ಯಾಹ್ನ ರಸ್ತೆಗಿಳಿಯಲು ಹಿಂಜರಿಯುವಂತಾಗಿದೆ. ಕೂಲಿಕಾರ್ಮಿಕರು, ಬೀದಿಬದಿ ವ್ಯಾಪಾರಿಗಳು ಬಿಸಿಲಿನಲ್ಲೇ ವ್ಯವಹಾರ ನಡೆಸಿ ಬೆವರಿಳಿಸುವುದು, ತಂಪು ಪಾನೀಯಗಳ ಮೊರೆ ಹೋಗುವುದು ಸಾಮಾನ್ಯವಾಗಿದೆ.
ಕಾದ ಹೆಂಚಿನಂತಾಗಿದ್ದ ಇಳೆಗೆ ಭಾನುವಾರ ಸಂಜೆ ಗುಡುಗು, ತಣ್ಣನೆಯ ಗಾಳಿಯೊಂದಿಗೆ ಭೂಮಿಗೆ ಮಳೆಹನಿಗಳು ತಲುಪುತ್ತಿದ್ದಂತೆ ಜನರ ಮನ ತಣಿಯಿತು.
ಔರಾದ್‌ ತಾಲೂಕಿನ ಕೆಲವೆಡೆ ಮಧ್ಯಾಹ್ನ 1 ಗಂಟೆಯವರೆಗೆ ಎಂದಿನಂತೆ ಸೂರ್ಯ ಬಿಸಿಲು ಎಂದಿನಂತೆ ಪ್ರಖರತೆಯಿಂದ ಕೂಡಿತು, ನಂತರ ದಟ್ಟ ಕಾರ್ಮೋಡ ಕವಿದು ಜಿಟಿಜಿಟಿ ಮಳೆ ಶುರುವಾಗಿ ಸಂಜೆವರೆಗೂ ಗುಡುಗು, ತಂಪು ಗಾಳಿ ಮಿಂಚಿನೊಂದಿಗೆ ಸಣ್ಣ ಮಳೆಯಾಯಿತು.
ಇದನ್ನೂ ಓದಿ : ಔರಾದ್‌ ಸೀಮೆಯ ಕನ್ನಡ | ಸುಡು ಬಿಸಲಾಗ ಭಾಳ ಓಡಾಡಬ್ಯಾಡ; ಬೇಮಾರ ಬಿದ್ದೂರ್ ಹೈರಾಣ ಅದಾ!
ಜಿಲ್ಲೆಯ ಭಾಲ್ಕಿ, ಹುಮನಾಬಾದ, ಚಿಟಗುಪ್ಪ, ಔರಾದ್‌ ಸೇರಿದಂತೆ ವಿವಿಧೆಡೆ ಜೋರು ಮಳೆಯಾಗಿದ್ದು, ಗುಡುಗು, ಮಿಂಚು ಸಹಿತ ತಂಪು ಗಾಳಿ ಬೀಸಿದೆ. ಕೆಲವೆಡೆ ಗುಡುಗು, ಗಾಳಿ, ಜಿಟಿಜಿಟಿ ಮಳೆ ಮುಂದುವರೆದಿದೆ ಖಚಿತ ಮೂಲಗಳಿಂದ ತಿಳಿದು ಬಂದಿದೆ.
