ಸರ್ಕಾರದಿಂದ ಅನೇಕ ರೀತಿಯ ಯೋಜನೆ ಮಾಡುತ್ತ ಬರುತ್ತಿದೆ. ಹಾಗೆಯೇ, ಚಿಕ್ಕಮಗಳೂರು ತಾಲೂಕಿನ ಬಯಲುಸೀಮೆ ಭಾಗದ ರೈತರ ಪಾಲಿಗೆ ಸಂಜೀವಿನಿಯಾಗಬಹುದಾದ ಬಹುಪಯೋಗಿ ‘ಮಳಲೂರು ಏತ ನೀರಾವರಿ ಯೋಜನೆ’ಯನ್ನು ಹೆಸರಿಗಷ್ಟೇ ಯೋಜನೆ ಮಾಡಲಾಗಿದೆ ಎಂದು ರೈತರು ಆಕ್ರೋಶ ಹೊರ ಹಾಕಿದ್ದಾರೆ.
ಸುಮಾರು 25 ರಿಂದ 30 ವರ್ಷಗಳಿಂದ ನೆನೆಗುದಿಗೆ ಬಿದ್ದಿರುವ ಈ ಯೋಜನೆಗೆ ಇದುವರೆಗೆ 25 ರಿಂದ 30 ಕೋಟಿ ರೂಪಾಯಿ ಖರ್ಚಾಗಿದ್ದರೂ ಇನ್ನೂ ಪೂರ್ಣ ಪ್ರಮಾಣದಲ್ಲಿ ಜಾರಿಯಾಗಿಲ್ಲ. ಈಗಾಗಲೇ ಯೋಜನೆಯ ಶೇಕಡಾ 90 ರಷ್ಟು ಕಾಮಗಾರಿ ಪೂರ್ಣಗೊಂಡಿದ್ದು, ಪ್ರಸ್ತುತ ಕಾಮಗಾರಿ ಮುಕ್ತಾಯಗೊಳಿಸಲು ಸರ್ಕಾರ ಮತ್ತೆ 21 ಕೋಟಿ ರೂಪಾಯಿ ಮೀಸಲಿಟ್ಟಿದೆ.
ಈ ಯೋಜನೆಯಡಿ ಯಗಚಿ ಜಲಾಶಯಕ್ಕೆ ಸೇರುವ ನೀರನ್ನು ಕಾಲುವೆಯ ಮೂಲಕ ನೀರೆತ್ತುವ (ಲಿಫ್ಟ್) ಮುಖಾಂತರ ಬೃಹತ್ ನೀರಿನ ಟ್ಯಾಂಕ್ಗೆ ತುಂಬಿಸಲಾಗುತ್ತದೆ. ಅಲ್ಲಿಂದ ಕಾಲುವೆಗಳ ಮೂಲಕ ಕಂಬಿಹಳ್ಳಿ, ತಗಡೂರು ಹಾಗೂ ಬಿಗ್ಗನಹಳ್ಳಿಗೆ ನೀರು ಹರಿಯಲಿದೆ. ಇದರಿಂದ ಚಿಕ್ಕಮಗಳೂರು ತಾಲೂಕಿನ ಬಯಲುಸೀಮೆ ಅಂಬಳೆ ಹೋಬಳಿಯ 25ಕ್ಕೂ ಹೆಚ್ಚು ಹಳ್ಳಿಗಳ ಜನ-ಜಾನುವಾರುಗಳಿಗೆ ಕುಡಿಯುವ ನೀರು ಸಿಗುವುದರ ಜೊತೆಗೆ ಕೃಷಿ ಭೂಮಿಗೂ ನೀರಾವರಿ ಸೌಲಭ್ಯ ದೊರೆಯಲಿದೆ ಎಂದು ರೈತ ಮುಖಂಡ ಸ್ವಾಮಿ ಈದಿನ. ಕಾಮ್ ಗೆ ತಿಳಿಸಿದರು.
ಬೆಳಗ್ಗೆಯಿಂದ ಕಲ್ನಾಡಿಗೆ ಮುಗಿಸಿ ಅಝದ್ ಪಾರ್ಕ್ ಬಳಿ ಬಂದು ಬೃಹತ್ ಸಂಖ್ಯೆಯಲ್ಲಿ ರೈತರು 21 ಗ್ರಾಮಗಳಿಂದ ನೆರದಿದ್ದರು. ಮಧ್ಯಾಹ್ನದಿಂದ ಜಿಲ್ಲಾಧಿಕಾರಿ ಸ್ಥಳಕ್ಕೆ ಬಂದಿಲ್ಲ ಬಂದ ರೈತರ ಮನವಿ ಪಡೆಯುತ್ತಿಲ್ಲ ಎಂದು ರೈತರು ಆಕ್ರೋಶ ಹೊರ ಹಾಕಿದರು. ಮೊನ್ನೆ ಕಸ್ತೂರಿ ರಂಗನ್ ವರದಿ ಕುರಿತು ಸ್ವತಃ ರಾಜ್ಯದ ಮುಖ್ಯಮಂತ್ರಿ ಬಂದಿದ್ದರು ಇಲ್ಲಿ ಜಿಲ್ಲಾಧಿಕಾರಿ ಬರುವುದಕ್ಕೆ ಅಡೆತಡೆಯಗಿದೆಯೇ ಎಂದು ರೈತರು ಆರೋಪಿಸಿದರು.
ಈ ಯೋಜನೆಯನ್ನು ತಕ್ಷಣವೇ ಅನುಷ್ಠಾನಕ್ಕೆ ತರುವಂತೆ ಆಗ್ರಹಿಸಿ ಶುಕ್ರವಾರ ರೈತರು ಬೃಹತ್ ಪಾದಯಾತ್ರೆ ನಡೆಸಿದರು. ಆದಿಚುಂಚನಗಿರಿ ಶೃಂಗೇರಿ ಶಾಖಾ ಮಠದ ಶ್ರೀ ಗುಣನಾಥ ಸ್ವಾಮೀಜಿ ಅವರ ನೇತೃತ್ವದಲ್ಲಿ ನಡೆದ ಈ ಪ್ರತಿಭಟನೆಯಲ್ಲಿ ನೂರಾರು ರೈತರು ಭಾಗವಹಿಸಿ, ಬಳಿಕ ಜಿಲ್ಲಾಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿದರು.
ಇದನ್ನೂ ಓದಿದ್ದೀರಾ?ಹಾಸನ |‘ನಾಸ್ತಿಕತೆ ಎಂದರೆ ಧರ್ಮವಿರೋಧವಲ್ಲ’; ಸಿಪಿಐಎಂ ಧರ್ಮೇಶ್
ಕಳೆದ 3 ದಶಕಗಳಿಂದ ಈ ಯೋಜನೆಗಾಗಿ ನಿರಂತರ ಹೋರಾಟ ನಡೆಸುತ್ತಿರುವ ರೈತರು, ಇಂದು ಸುಮಾರು 12 ಕಿ.ಮೀ. ಸುದೀರ್ಘ ಪಾದಯಾತ್ರೆ ನಡೆಸಿ ಸರ್ಕಾರದ ಗಮನ ಸೆಳೆದಿದ್ದಾರೆ. ವರ್ಷಗಳಿಂದ ನಂಜಾಗುತ್ತಿರುವ ರೈತರ ಬದುಕನ್ನು ಹಸನು ಮಾಡಲು ಈ ಯೋಜನೆಯನ್ನು ತಕ್ಷಣವೇ ಚಾಲನೆಗೆ ತರಬೇಕು ಎಂದು ಹೋರಾಟಗಾರರು ಅಗ್ರಹಿಸಿದ್ದಾರೆ. ಈ ಯೋಜನೆ ಕುರಿತು ಆದಷ್ಟು ಬೇಗ ಸಮಸ್ಯೆಯನ್ನು ರಾಜ್ಯ ಸರ್ಕಾರ ಬಗೆ ಹರಿಸಬೇಕಾಗಿದೆ.
