ಚಿಕ್ಕಮಗಳೂರು ನಗರದ ಅಗ್ರಹಾರ ಸರ್ಕಲ್, ಸ್ಪಲೆನ್ಸರ್ ರಸ್ತೆ ವ್ಯಾಪ್ತಿಯಲ್ಲಿ ವಾಕಿಂಗ್ ಮಾಡುತ್ತಿದ್ದಾಗ ಮಹಿಳೆಯ ಕುತ್ತಿಗೆಯಲ್ಲಿದ್ದ ಸರ ಕಳ್ಳತನ ನಡೆದಿದೆ.
ದಿ.06ರಂದು ರಾತ್ರಿ ಸುಮಾರು 9.20 ಗಂಟೆ ಸಮಯದಲ್ಲಿ ಮನೆಯಲ್ಲಿ ಊಟ ಮುಗಿಸಿಕೊಂಡು ಹೊರಗಡೆ ವಾಕ್ ಮಾಡುವ ಸಲುವಾಗಿ ನಮ್ಮ ಮನೆಯಿಂದ ಹೊರ ಬಂದು ಮನೆಯ ಪಕ್ಕದ ರಸ್ತೆಯ ಬದಿಯಲ್ಲಿ ಅಂದರೆ ಅಗ್ರಹಾರ ಸರ್ಕಲ್ ಕಡೆಗೆ ಸತ್ಯನಾರಾಣ ರವರ ಮನೆಯ ಮುಂಭಾಗ ಹೋಗಿ ವಾಪಾಸ್ ಹಿಂದಿರುಗಿ ಮನೆಯ ಕಡೆಗೆ ಬರಲು ರಸ್ತೆಯ ಎಡಬದಿಲ್ಲಿ ನಡೆದುಕೊಂಡು ಬರುತ್ತಿರುವಾಗ ನನ್ನ ಮುಂದಿನಿಂದ ಅಂದರೆ ಸ್ಪೆನ್ಸರ್ ರಸ್ತೆಯ ಕ್ರಾಸ್ ಕಡೆಯಿಂದ ಯಾರೋ ಇಬ್ಬರು ಕಳ್ಳರು ಬೈಕ್ ನಲ್ಲಿ ಬಂದು ರಸ್ತೆಯಲ್ಲಿ ಬರುತ್ತಿದ್ದ ನನ್ನ ಹತ್ತಿರ ಬಂದು ಅದರಲ್ಲಿ ಬೈಕಿನ ಹಿಂಬದಿಯಲ್ಲಿದ್ದವನು ಏಕಾ ಏಕಿ ನನ್ನ ಕುತ್ತಿಗೆಗೆ ಕೈ ಹಾಕಿ ನನ್ನ ಎರಡು ಎಳೆಯ ಚಿನ್ನದ ಮಾಂಗಲ್ಯ ಸರ ಹಾಗೂ ಇನ್ನೂಂದು ಒಂದು ಎಳೆಯ ಚಿಕ್ಕ ಚಿನ್ನದ ಸರಕ್ಕೆ ಕೈ ಹಾಕಿ ಕಿತ್ತುಕೊಂಡು ಬೈಕನ್ನು ಜೋರಾಗಿ ಬೈಕ್ ಚಾಲನೆ ಮಾಡಿಕೊಂಡು ತೆರಳಿದರು ಎಂದು ಸರ ಕಳೆದುಕೊಂಡ ಮಹಿಳೆ ತಿಳಿಸಿದರು.
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ದೇವಿರಮ್ಮ ದರ್ಶನಕ್ಕೆ ಜನ ಸಾಗರ
ನನ್ನ ಕುತ್ತಿಗೆಯಲ್ಲಿದ್ದ ಚಿನ್ನದ ಮಾಂಗಲ್ಯ ಸರವನ್ನು ಹಾಗೂ ಇನ್ನೂಂದು ಚಿಕ್ಕ ಚಿನ್ನದ ಸರವನ್ನು ನೋಡಲಾಗಿ ನನ್ನ 45 ಗ್ರಾಂ. ಎರಡು ಎಳೆಯ ಚಿನ್ನದ ಮಾಂಗಲ್ಯಸರ ಹಾಗೂ ಇನ್ನೂಂದು 15 ಗ್ರಾಂ ಒಂದು ಎಳೆಯ ಚಿಕ್ಕ ಚಿನ್ನದ ಸರ ಅಂದಾಜು ಮೌಲ್ಯ 6,00,000/- ರೂ ಆಗಿರುತ್ತದೆ. ಈ ಕುರಿತು ಠಾಣೆಗೆ ಮಹಿಳೆ ದೂರು ದಾಖಲಿಸಿದ್ದಾರೆ.
