ಜ. 20ರಂದು ಧಾರವಾಡದ ಹೊರವಲಯದಲ್ಲಿ ಝಕೀಯಾ ಮುಲ್ಲಾ ಎಂಬ ಯುವತಿಯೋರ್ವಳ ಶವ ಪತ್ತೆಯಾಗಿದ್ದ ಪ್ರಕರಣದ ಹಿನ್ನೆಲೆಯಲ್ಲಿ ಅದು ಕೊಲೆಯೆಂದು ಸಾಬೀತಾಗಿದ್ದು, ಮೃತ ಝಕೀಯಾ ಜತೆಗೆ ಸಂಪರ್ಕದಲ್ಲಿದ್ದ ಯುವಕನೇ ಕೊಲೆ ಮಾಡಿರುವುದು ತಿಳಿದು ಬಂದಿದೆ.
- Advertisement -
ಸಾಧಿಕ್ ಎಂಬುವಾತನೇ ಕೊಲೆಗೈದ ಆರೋಪಿಯಾಗಿದ್ದು, ಝಕೀಯಾ ಜತೆಗೆ ಕಳೆದ 4 ವರ್ಷಗಳಿಂದ ಸಂಪರ್ಕದಲ್ಲಿದ್ದರು ಮತ್ತು ಮದುವೆಯಾಗಲು ನಿರ್ಣಹಿಸಿದ್ದರು ಎನ್ನಲಾಗಿದೆ. ಸೂಕ್ತ ಮಾಹಿತಿ ಇನ್ನೂ ತಿಳಿದುಬಂದಿಲ್ಲ. ಆದರೂ; ಪ್ರಕರಣದಲ್ಲಿ ಮೃತ ಯುವತಿಯ ಪಾತ್ರವೂ ಇದೆ ಎನ್ನಲಾಗಿದೆ. ಈಗಾಗಲೇ ಆರೋಪಿ ಸಾಧಿಕ್ ಅನ್ನು ಪೊಲೀಸರು ಬಂಧಿಸಿದ್ದು, ತನಿಖೆ ಮುಂದುವರೆದಿದೆ.
ಸದ್ಯದ ವಿಚಾರಣೆಯಲ್ಲಿ ಸಾಕ್ಷಾಧಾರಗಳ ಪ್ರಕಾರ ಪ್ರಕರಣದ ವೇಳೆ ಇಬ್ಬರೊಂದಿಗೆ ಮತ್ತೊರ್ವ ವ್ಯಕ್ತಿ ಇದ್ದರು ಎಂಬುದು ಭಾಸವಾಗುತ್ತಿದೆ. ತನಿಖೆ ಇನ್ನೂ ಮುಂದುವರೆಯುತ್ತದೆ. ಆದಷ್ಟು ಬೇಗನೆ ಸೂಕ್ತ ಕಾರಣ ಹಾಗೂ ನಿಖರ ಮಾಹಿತಿ ಸಂಗ್ರಹಿಸಲಾಗುವುದು ಎಂದು ಪೊಲೀಸ್ ವರಿಷ್ಠಾಧಿಕಾರಿ ಗುಂಜನ್ ಆರ್ಯ ತಿಳಿಸಿದ್ದಾರೆ.
