ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ಭಾಗದಲ್ಲಿ ಸಾಧಾರಣ ಮಳೆ ಸುರಿದಿದೆ. ಸುಳ್ಳ ಪ್ರದೇಶವು ಈ ವರ್ಷದ ಮೊದಲ ಮಳೆ ಕಂಡಿದೆ. ಇನ್ನೂ, ಒಂದೆರಡು ದಿನಗಳ ಕಾಲ ದಕ್ಷಿಣ ಕನ್ನಡ ಮತ್ತು ಕೊಡಗು ಜಿಲ್ಲೆಗಳಲ್ಲಿ ಮಳೆಯಾಗುವ ಸಾಧ್ಯತೆ ಇದೆ.
- Advertisement -
ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು, ಸುಳ್ಯ, ವಿಟ್ಲ, ಬೆಟ್ಟಂಪಾಡಿ, ಸಂಪಾಜೆ, ಕಡಬ ಮುಂತಾದ ಪ್ರದೇಶಗಳಲ್ಲಿ ತುಂತುರು ಮಳೆ ಸುರಿದಿದೆ. ಕೊಡಗು ಜಿಲ್ಲೆಯ ನಾಪೋಕ್ಲು ಭಾಗದಲ್ಲಿಯೂ ಮಳೆಯಾಗಿದೆ.
ಸಂಪಾಜೆ ಸುತ್ತ-ಮುತ್ತ ಸುಮಾರು 10 ನಿಮಿಷಗಳ ಕಾಲ ಭಾರೀ ಮಳೆ ಸುರಿದಿದೆ. ಈ ಅಕಾಲಿಕ ಮಳೆಯಿಂದಾಗಿ, ಒಣಗಲು ಹಾಕಿದ್ದ ಅಡಿಕೆ ಹಾಗೂ ಇತರೆ ಕೃಷಿ ಉತ್ಪನ್ನಗಳು ಮಳೆಯಲ್ಲಿ ತೋಯ್ದಿವೆ. ಇದು, ನಷ್ಟಕ್ಕೆ ಕಾರಣವಾಗಬಹುದೆಂದು ರೈತರು ಆತಂಕಗೊಂಡಿದ್ದಾರೆ..
ಬಿಸಿಲಿನ ಬೇಗೆಯ ನಡುವೆ ಮಳೆಯು ಭೂಮಿಗೆ ತಂಪೆರೆದಿದೆ. ಆದರೆ, ಮಾರ್ಚ್‌ ಮೊದಲ ವಾರದವರೆಗೆ ಅಡಿಕೆ ಕಟಾವು ನಡೆಯುವುದರಿಂದ, ಈ ತಿಂಗಳಿನಲ್ಲಿ ಮಳೆಯಾಗದಿದ್ದರೆ, ಉತ್ತಮವೆಂದು ರೈತರು ಹೇಳುತ್ತಾರೆ.
