ಶ್ರೀರಂಗಪಟ್ಟಣ ಪ್ರಜ್ಞಾವಂತರ ವೇದಿಕೆ ವತಿಯಿಂದ ವಿಶ್ವ ಸೈಕಲ್ ದಿನ ಆಚರಣೆ ಅಂಗವಾಗಿ ನ್ಯಾಯಾಲಯಕ್ಕೆ ಸೈಕಲ್ ತುಳಿದ ವಕೀಲ ಸಿ.ಎಸ್. ವೆಂಕಟೇಶ್ “ವಿಶ್ವ ಸೈಕಲ್ ದಿನದಂದು ನ್ಯಾಯಾಲಯಕ್ಕೆ ಸೈಕಲ್ ತುಳಿದು ಬಂದ ಉದ್ದೇಶ ಸಂದೇಶ ಕೊಡುವುದೇ ಹೊರತು ಪ್ರದರ್ಶನವಲ್ಲ ” ಎಂದು ಅಭಿಪ್ರಾಯಿಸಿದರು.
- Advertisement -
“ಸೈಕಲ್ ತುಳಿಯುವುದರಿಂದ ಆರೋಗ್ಯವಾಗಿರಬಹುದು ಪೆಟ್ರೋಲ್‌ ಡೀಸೆಲ್‌ ವಾಹನಗಳ ಬದಲು ಸೈಕಲ್ ಬಳಸಿ ನಾಳಿನ ಪೀಳಿಗೆಗೆ ಸ್ವಚ್ಛ ಗಾಳಿ ಕೊಡುವ ಜವಾಬ್ದಾರಿಯನ್ನೂ ವಹಿಸಬೇಕು. ಶ್ರೀರಂಗಪಟ್ಟಣ ಪ್ರಜ್ಞಾವಂತರ ವೇದಿಕೆ ಈ ಅಭಿಯಾನ ಆರಂಭಿಸಿದ್ದು ಒಳ್ಳೆಯ ಹೆಜ್ಜೆ. ವಕೀಲರಾದ ನಾವೇ ಬದಲಾವಣೆಗೆ ಮುಂದಾದರೆ ಜನರೂ ಅನುಸರಿಸುತ್ತಾರೆ.” ಎಂದರು.
ಕಾರ್ಯಕ್ರಮದಲ್ಲಿ ಪ್ರಜ್ಞಾವಂತ ವೇದಿಕೆ ಕಾರ್ಯದರ್ಶಿ ಚಿಕ್ಕಮ್ಮೇಗೌಡ, ಸಮರ್ಪಣಾ ಟ್ರಸ್ಟ್ ಅಧ್ಯಕ್ಷ ಕೆ ಎಸ್ ಜಯಶಂಕರ್, ಚಂದಗಾಲು ಶಿವಕುಮಾರ್, ಶಿವಲಿಂಗ ಚಾರ್, ಮಲ್ಲಿಕಾರ್ಜುನ್, ಮಹೇಶ್, ಸುಷ್ಮಾ ಮುಂತಾದವರು ಭಾಗವಹಿಸಿದ್ದರು.
