31 ಲಕ್ಷ ಇಪಿಎಫ್ ಖಾತೆಗಳಲ್ಲಿ ಉಳಿದಿದೆ ವಾರಸುದಾರರಿಲ್ಲದ ₹9,330 ಕೋಟಿ ಹಣ

Date:

ದೇಶಾದ್ಯಂತ ಇರುವ 30.91 ಲಕ್ಷ ನಿಷ್ಕ್ರಿಯ ಇಪಿಎಫ್ (EPF) ಖಾತೆಗಳಲ್ಲಿ ಸುಮಾರು ₹9,330 ಕೋಟಿ ಹಣ ಕ್ಲೈಮ್ ಆಗದೇ ಹಾಗೆಯೇ ಉಳಿದಿದೆ ಎಂಬ ಆತಂಕಕಾರಿ ಅಂಶವನ್ನು ಆರ್‌ಟಿಐ (ಮಾಹಿತಿ ಹಕ್ಕು) ಅರ್ಜಿಯೊಂದರ ಉತ್ತರ ಬಹಿರಂಗಪಡಿಸಿದೆ.

- Advertisement -

ಕೇಂದ್ರ ಸರ್ಕಾರವು ಭವಿಷ್ಯನಿಧಿ ಚಂದಾದಾರರಿಗಾಗಿ ಹೊಸ ‘ಇಪಿಎಫ್ ಸ್ಕೀಮ್, 2026’ ಅನ್ನು ಜಾರಿಗೆ ತಂದಿರುವ ಹೊತ್ತಿನಲ್ಲಿಯೇ ಈ ಮಾಹಿತಿ ಹೊರಬಂದಿದೆ. ಹೊಸ ನಿಯಮವು ಜೂನ್ 29 ರಿಂದ ಜಾರಿಯಾಗಿದ್ದು, ಸುಮಾರು 8 ಕೋಟಿ ಸಕ್ರಿಯ ಇಪಿಎಫ್‌ಒ ಚಂದಾದಾರರಿಗೆ ಡಿಜಿಟಲ್ ಹಾಗೂ ಸರಳ ವ್ಯವಸ್ಥೆಯನ್ನು ಕಲ್ಪಿಸಲು ಮುಂದಾಗಿದೆ. ಆದರೆ, ಹಲವು ವರ್ಷಗಳಿಂದ ಕಾರ್ಮಿಕರು ತಮ್ಮ ನಿವೃತ್ತಿ ಹಣವನ್ನು ಕ್ಲೈಮ್ ಮಾಡದೇ ಇರುವ ದೊಡ್ಡ ಸಮಸ್ಯೆಯನ್ನು ಈ ಆರ್‌ಟಿಐ ಮಾಹಿತಿ ತೋರುತ್ತಿದೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಸಂವಿಧಾನದ ಒಂಬತ್ತನೇ ಅನುಸೂಚಿ: ಉದ್ದೇಶ, ಕಾಯ್ದೆಗಳ ಸೇರ್ಪಡೆ ಮತ್ತು...

ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರ ಮೀಸಲಾತಿ ಕೋಟಾ ಹೆಚ್ಚಿಸಿ ರಾಜ್ಯ ರೂಪಿಸಿದ ಕಾಯ್ದೆಯನ್ನು ಉಚ್ಚ ನ್ಯಾಯಾಲಯ ರದ್ದುಗೊಳಿಸಿರುವುದನ್ನು, ಪರ್ಯಾಯ ಕಂಡುಕೊಳ್ಳದೆ, ರಕ್ಷಿಸಿಕೊಳ್ಳುವ ಉದ್ದೇಶದಿಂದ ಅನುಸೂಚಿ 9ಕ್ಕೆ ಸೇರಿಸಲು ಕೇಂದ್ರ ಸರ್ಕಾರಕ್ಕೆ ರವಾನಿಸಿದೆ....

ಭತ್ತಕ್ಕೆ ಬೆಲೆಯಿಲ್ಲ, ಅಕ್ಕಿ ದರ ಇಳಿಯುತ್ತಲೇ ಇಲ್ಲ!

ಮುಂಗಾರು ಹಂಗಾಮಿನಲ್ಲಿ ದೇಶಾದ್ಯಂತ ಭತ್ತ ಬಿತ್ತನೆ ಪ್ರದೇಶದಲ್ಲಿ ಗಣನೀಯ ಇಳಿಕೆಯಾಗಿದೆ. ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, 2025-26ನೇ ಸಾಲಿನಲ್ಲಿ 449.18 ಲಕ್ಷ ಹೆಕ್ಟೇರ್‌ಗಳಷ್ಟಿದ್ದ ಭತ್ತ ಬಿತ್ತನೆ ಪ್ರದೇಶ,...

ಸಾಮಾಜಿಕ ಜಾಲತಾಣದಲ್ಲಿ Belonging ಆತ್ಮಕಥನ ಬಿಡುಗಡೆ ಸಮಾರಂಭದ ಪಟಗಳದೇ...

ಒಬ್ಬ ತಾಯಿಯ ಬದುಕಿನ ಪುಟಗಳು ಪುಸ್ತಕವಾಗಿ ಹೊರಬಂದ ದಿನ, ಮಕ್ಕಳ ಕಣ್ಣಲ್ಲಿ ಹೆಮ್ಮೆ ಮತ್ತು ವಾತ್ಸಲ್ಯ ಒಟ್ಟಿಗೆ ತುಂಬಿಕೊಂಡಿತ್ತು. ತಾಯಿಯ ಮಾತುಗಳನ್ನು ತದೇಕಚಿತ್ತದಿಂದ ಆಲಿಸುತ್ತಿದ್ದ ರಾಹುಲ್ ಗಾಂಧಿ, ತನ್ನ ಬದುಕಿನ ಅಮೋಘ ಕ್ಷಣಗಳನ್ನು...

ಇಪಿಎಫ್‌ಒ (Employees’ Provident Fund Organisation) ಮಾರ್ಚ್ 31, 2026 ರಕ್ಕೆ ನೀಡಿರುವ ಮಾಹಿತಿಯ ಪ್ರಕಾರ, ದೇಶದಲ್ಲಿ 30,91,862 ನಿಷ್ಕ್ರಿಯ ಇಪಿಎಫ್ ಖಾತೆಗಳಿವೆ. ಈ ಖಾತೆಗಳಲ್ಲಿ ಯಾರು ಕೇಳುವವರಿಲ್ಲದೆ ಉಳಿದಿರುವ ಹಣದ ಮೊತ್ತ ಸುಮಾರು ₹9,330 ಕೋಟಿ. ಕಳೆದ ಆರ್ಥಿಕ ವರ್ಷಕ್ಕೆ (ಮಾರ್ಚ್ 31, 2025) ಹೋಲಿಸಿದರೆ ಇದು ಸ್ವಲ್ಪ ಕಡಿಮೆಯಾಗಿದೆ. 2025 ರಲ್ಲಿ 31.83 ಲಕ್ಷ ಖಾತೆಗಳಲ್ಲಿ ₹10,181 ಕೋಟಿ ಇತ್ತು. ಅಂದರೆ ಒಂದು ವರ್ಷದಲ್ಲಿ ಖಾತೆಗಳ ಸಂಖ್ಯೆ ಸುಮಾರು 92,000 ಹಾಗೂ ಹಣ 851 ಕೋಟಿ ರೂಪಾಯಿಯಷ್ಟು ಕಡಿಮೆಯಾಗಿದ್ದರೂ, 31 ಲಕ್ಷ ಖಾತೆಗಳಲ್ಲಿ ಇನ್ನೂ ಸಾವಿರಾರು ಕೋಟಿ ಹಣ ವಾರಸುದಾರರಿಲ್ಲದೇ ಯಥಾಸ್ಥಿತಿಯಲ್ಲಿ ಉಳಿದಿದೆ.

₹9,330 ಕೋಟಿಯಲ್ಲಿ ಏನೆಲ್ಲಾ ಮಾಡಬಹುದು?ಈ ಕ್ಲೈಮ್ ಆಗದ ಮೊತ್ತ ಎಷ್ಟು ದೊಡ್ಡದು ಎಂದರೆ, ಸರ್ಕಾರದ ದೊಡ್ಡ ದೊಡ್ಡ ಯೋಜನೆಗಳಿಗೆ ಇದನ್ನು ಹೋಲಿಸಬಹುದು. ಕೇಂದ್ರ ಸರ್ಕಾರ 2016 ರಿಂದ ‘ಉಡಾನ್’ (UDAN – ವಿಮಾನ ಸಂಪರ್ಕ) ಯೋಜನೆಗಾಗಿ ಖರ್ಚು ಮಾಡಿರುವ ಮೊತ್ತಕ್ಕೆ (₹10,169 ಕೋಟಿ) ಹಾಗೂ 2026-27 ನೇ ಸಾಲಿನ ಆಯುಷ್ಮಾನ್ ಭಾರತ್ (PM-JAY) ಯೋಜನೆಯ ಅನುದಾನಕ್ಕೆ ಈ ಹಣ ಹೆಚ್ಚುಕಡಿಮೆ ಸಮಾನವಾಗಿದೆ.

ಇನ್ನು ಗಮನಾರ್ಹ ವಿಚಾರವೆಂದರೆ, 2014 ರ ಅಂದಾಜಿನ ಪ್ರಕಾರ ಒಂದು ಐಐಟಿ (IIT) ನಿರ್ಮಿಸಲು ₹1,750 ಕೋಟಿ ಬೇಕಾಗಿತ್ತು. ಅದನ್ನು 2026 ರ ಹಣದುಬ್ಬರಕ್ಕೆ (Inflation) ಹೋಲಿಸಿದರೆ ಒಂದು ಐಐಟಿಗೆ ₹2,934 ಕೋಟಿ ಬೇಕು. ಅಂದರೆ ಈ ಉಳಿದಿರುವ ₹9,330 ಕೋಟಿ ಹಣದಲ್ಲಿ ದೇಶದಲ್ಲಿ ಹೊಸ 3 ಐಐಟಿಗಳನ್ನು ನಿರ್ಮಿಸಬಹುದು, ಮತ್ತು ಅದರ ನಂತರವೂ ₹500 ಕೋಟಿ ಹಣ ಮಿಗುತ್ತದೆ! ಇದು ಕಾರ್ಮಿಕರ ಕ್ಲೈಮ್ ಆಗದ ಹಣದ ಪ್ರಮಾಣವನ್ನು ಸ್ಪಷ್ಟವಾಗಿ ತೋರಿಸುತ್ತದೆ.

ಆರ್‌ಟಿಐಯಲ್ಲಿ ನಿರಾಕರಿಸಿದ ಮಾಹಿತಿಗಳುಆಧಾರ್ ಲಿಂಕ್ ಆಗಿರುವ ನಿಷ್ಕ್ರಿಯ ಖಾತೆಗಳು ಹಾಗೂ ಅವುಗಳ ಆಟೋ-ಸೆಟ್ಲ್‌ಮೆಂಟ್ (ಸ್ವಯಂ-ವಿಲೇವಾರಿ) ಬಗ್ಗೆ ಆರ್‌ಟಿಐಯಲ್ಲಿ ಕೇಳಿದ ಪ್ರಶ್ನೆಗೆ ಇಪಿಎಫ್‌ಒ ಮಾಹಿತಿ ನೀಡಲು ನಿರಾಕರಿಸಿದೆ. ಆರ್‌ಟಿಐ ಕಾಯ್ದೆಯ ಸೆಕ್ಷನ್ 8(1)(e) ಅಡಿಯಲ್ಲಿ ಈ ಮಾಹಿತಿಯನ್ನು ಗೌಪ್ಯವಾಗಿ ಇಡಲಾಗಿದೆ ಎಂದು ಸರ್ಕಾರ ತಿಳಿಸಿದೆ. ಹಾಗೆಯೇ ₹5 ಲಕ್ಷಕ್ಕೂ ಹೆಚ್ಚು ಹಣವಿರುವ ನಿಷ್ಕ್ರಿಯ ಖಾತೆಗಳ ಬಗ್ಗೆ ಪ್ರತ್ಯೇಕವಾಗಿ ಮಾಹಿತಿಯನ್ನು ನಿರ್ವಹಿಸುತ್ತಿಲ್ಲ ಎಂದು ಇಪಿಎಫ್‌ಒ ಸ್ಪಷ್ಟಪಡಿಸಿದೆ.

eedina
ಈ ದಿನ ಡೆಸ್ಕ್‌
Website | + posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಬಸವಕಲ್ಯಾಣ | ಜನಪದ ಸಾಹಿತ್ಯದಲ್ಲಿ ಬಸವಣ್ಣನವರ ಸಮಗ್ರ ಕ್ರಾಂತಿಯ ದರ್ಶನ: ಬಸವಲಿಂಗ ಪಟ್ಟದ್ದೇವರು

ಬಸವಕಲ್ಯಾಣದಲ್ಲಿ ನ.28, 29ರಂದು ನಡೆಯುತ್ತಿರುವ 47ನೇ ಶರಣ ಕಮ್ಮಟ ಹಾಗೂ ಅನುಭವಮಂಟಪ...

ಭತ್ತಕ್ಕೆ ಬೆಲೆಯಿಲ್ಲ, ಅಕ್ಕಿ ದರ ಇಳಿಯುತ್ತಲೇ ಇಲ್ಲ!

ಮುಂಗಾರು ಹಂಗಾಮಿನಲ್ಲಿ ದೇಶಾದ್ಯಂತ ಭತ್ತ ಬಿತ್ತನೆ ಪ್ರದೇಶದಲ್ಲಿ ಗಣನೀಯ ಇಳಿಕೆಯಾಗಿದೆ. ಕೇಂದ್ರ...

ಬೀದರ್‌ | ಕುಡಿಯುವ ನೀರಿಗಾಗಿ ಔರಾದ್‌ ಬಂದ್‌ ಯಶಸ್ವಿ

ಔರಾದ್ ಪಟ್ಟಣದಲ್ಲಿ ಕಳೆದ ಎರಡು ತಿಂಗಳಿಂದ ತೀವ್ರಗೊಂಡಿರುವ ಕುಡಿಯುವ ನೀರಿನ ಸಮಸ್ಯೆಗೆ...