ಭಾರತೀಯ ಸೇನೆಯ ಮುಖ್ಯ ಲೆಫ್ಟಿನೆಂಟ್ ಜನರಲ್‌ ಉಪೇಂದ್ರ ದ್ವಿವೇದಿ ಅವರು ಭಾರತೀಯ ಶಸಸ್ತ್ರ ಪಡೆಗಳ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕರಿಸುವುದರೊಂದಿಗೆ ಇಬ್ಬರು ಶಾಲಾ ಸಹಪಾಠಿಗಳು ಭಾರತೀಯ ಸೇನೆಯ ಎರಡು ಪಡೆಯ ಮುಖ್ಯಸ್ಥರಾಗಿದ್ದಾರೆ. ಭಾರತೀಯ ನೌಕಾದಳದ ಚೀಫ್ ಅಡ್ಮಿರಲ್‌ ಆದ ದಿನೇಶ್ ತ್ರಿಪಾಠಿ ಅವರು ಉಪೇಂದ್ರ ದ್ವಿವೇದಿ ಅವರ ಶಾಲಾ ಸಹಪಾಠಿ.
ದಿನೇಶ್ ತ್ರಿಪಾಠಿ ಹಾಗೂ ಉಪೇಂದ್ರ ದ್ವಿವೇದಿ ಅವರು 1970ರಲ್ಲಿ ಮಧ್ಯ ಪ್ರದೇಶದ ರೇವಾದ ಸೈನಿಕ ಶಾಲೆಯಲ್ಲಿ ಒಟ್ಟಿಗೆ 5ನೇ ತರಗತಿ ಓದಿದ್ದಾರೆ.
ಇವರಿಬ್ಬರು ಐದನೇ ತರಗತಿ ಎ ವಿಭಾಗದಲ್ಲಿ ಓದುತ್ತಿದ್ದಾಗ ಇವರಿಬ್ಬರ ರೋಲ್‌ ನಂಬರ್‌ಗಳು 931 ಹಾಗೂ 938 ಆಗಿದ್ದವು.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಸ್ವಾಮೀಜಿಗಳಿಗೆ ಈ ಭಂಡತನ ಬಂದದ್ದಾದರೂ ಎಲ್ಲಿಂದ?
ಭಾರತೀಯ ಶಸಸ್ತ್ರ ದಳದ ಮುಖ್ಯಸ್ಥರಾಗಿದ್ದ ಜನರಲ್‌ ಮನೋಜ್‌ ಪಾಂಡೆ ನಿವೃತ್ತರಾದ ನಂತರ ಉಪೇಂದ್ರ ದ್ವಿವೇದಿ ಪಾಂಡೆ ಅವರಿಂದ ಅಧಿಕಾರ ಸ್ವೀಕರಿಸಿದ್ದಾರೆ. 2022ರ ಮೇ ತಿಂಗಳಲ್ಲಿ ಅಧಿಕಾರ ವಹಿಸಿಕೊಂಡಿದ್ದ ಮನೋಜ್‌ ಪಾಂಡೆ ಜೂ.30, 2024ರಂದು ನಿವೃತ್ತರಾಗಿದ್ದಾರೆ.
ಉಪೇಂದ್ರ ದ್ವಿವೇದಿ ಅವರು1981ರ ಜನವರಿಯಲ್ಲಿ ಎನ್‌ಡಿಎ ಸೇರ್ಪಡೆಗೊಂಡ ನಂತರ 1984ರ ಡಿಸೆಂಬರ್‌ನಲ್ಲಿ ಜಮ್ಮು ಮತ್ತು ಕಾಶ್ಮೀರ ರೈಫಲ್‌ನ 18ನೇ ಬೆಟಾಲಿಯನ್‌ನ ನೇತೃತ್ವ ಹಾಗೂ ಭಾರತೀಯ ಸೇನೆಯ ಉಪ ಮುಖ್ಯಸ್ಥ ಸೇರಿ ಹಲವು ಹುದ್ದೆಗಳನ್ನು ನಿಭಾಯಿಸಿದ್ದಾರೆ. ಇವರಿಗೆ ಪರಮ ವಿಶಿಷ್ಟ ಸೇವಾ ಪದಕ, ಅತಿ ವಿಶಿಷ್ಟ ಸೇವಾ ಪದಕ ಸೇರಿದಂತೆ ಹಲವು ಪ್ರಶಸ್ತಿ ಪುರಸ್ಕೃತಗಳು ಸಂದಿವೆ.
