ಕೇಂದ್ರಾಡಳಿತ ಪ್ರದೇಶ ಪುದುಚೆರಿ ವಿಧಾನಸಭೆಯ ಏಕೈಕ ಮಹಿಳಾ ಶಾಸಕಿ ಮತ್ತು ಮಾಜಿ ಸಚಿವರಾಗಿದ್ದ ಚಂದಿರಾ ಪ್ರಿಯಂಗಾ ಸೋಲು ಕಂಡಿದ್ದಾರೆ. ಚಂದಿರಾ ಪ್ರಿಯಂಗಾ ಅವರು ಆಡಳಿತಾರೂಢ ಎಐಎನ್ಆರ್ಸಿ ಪಕ್ಷದ ಅಭ್ಯರ್ಥಿಯಾಗಿದ್ದರು.
ಕಾರೈಕಾಲ್ ಜಿಲ್ಲೆಯ ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರವಾದ ನೆಡುಂಗಾಡು ಕ್ಷೇತ್ರದಲ್ಲಿ ಚಂದಿರಾ ಪ್ರಿಯಂಗಾ ಸ್ಪರ್ಧಿಸಿದ್ದರು. ಈ ಕ್ಷೇತ್ರದಲ್ಲಿ ಬಿಜೆಪಿ ಬಂಡಾಯ ಅಭ್ಯರ್ಥಿಯಾಗಿ ಸ್ವತಂತ್ರವಾಗಿ ಸ್ಪರ್ಧಿಸಿದ್ದ ಡಾ. ವಿ. ವಿಘ್ನೇಶ್ವರನ್, ಚಂದಿರಾ ಅವನ್ನು ಪರಾಭವಗೊಳಿಸಿದ್ದಾರೆ.
ಇದನ್ನು ಓದಿದ್ದೀರಾ? ಪುದುಚೆರಿ ಚುನಾವಣೆ | ಕೊನೆಗೂ ಎಐಎನ್ಆರ್ಸಿ ನೇತೃತ್ವದಲ್ಲಿ ಚುನಾವಣೆ ಎದುರಿಸಲು ಒಪ್ಪಿದ ಬಿಜೆಪಿ
ವಿ. ವಿಘ್ನೇಶ್ವರನ್ 14,368 ಮತಗಳನ್ನು ಗಳಿಸಿದ್ದರೆ, ಎಐಎನ್ಆರ್ಸಿ 9,869 ಮತಗಳನ್ನು ಪಡೆದಿದ್ದಾರೆ. 4,499 ಮತಗಳ ಅಂತರದಲ್ಲಿ ಬಂಡಾಯ ಅಭ್ಯರ್ಥಿ ಗೆಲುವು ಕಂಡಿದ್ದಾರೆ.
This video cannot be played in your browser. Open the video directly
ಚಂದಿರಾ ಪ್ರಿಯಂಗಾ 2021ರ ಚುನಾವಣೆಯಲ್ಲಿ ಇದೇ ಕ್ಷೇತ್ರದಿಂದ ಗೆದ್ದಿದ್ದರು. ಸುಮಾರು 40 ವರ್ಷಗಳ ನಂತರ ಪುದುಚೆರಿ ಸಂಪುಟದಲ್ಲಿ ಸಚಿವರಾದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಇವರು ಪಾತ್ರರಾಗಿದ್ದರು. ಆದರೆ 2023ರಲ್ಲಿ ಜಾತಿ ಮತ್ತು ಲಿಂಗ ತಾರತಮ್ಯದ ಆರೋಪ ಮಾಡಿ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.
