ವಾಟರ್ ಮೆಟ್ರೋ | ದೇಶದ ಮೊದಲ ಜಲಸಾರಿಗೆಗೆ ಪ್ರಧಾನಿ ಮೋದಿ ಇಂದು ಚಾಲನೆ ; ಏನಿದರ ವಿಶೇಷ?

Date:

  • ವಾಟರ್ ಮೆಟ್ರೋ ಯೋಜನೆಗೆ ₹1,137 ಕೋಟಿ ವೆಚ್ಚ
  • ಈ ಜಲಸಾರಿಗೆಯಿಂದ ಕೊಚ್ಚಿಯ 10 ದ್ವೀಪಗಳಿಗೆ ಸಂಪರ್ಕ

ವಾಟರ್ ಮೆಟ್ರೋ ಯೋಜನೆ ದೇಶದ ಮೊದಲ ಜಲಸಾರಿಗೆ ಎಂಬ ಹೆಗ್ಗಳಿಕೆ ಪಡೆದಿದೆ.

- Advertisement -

ಕೇರಳದ ಕೊಚ್ಚಿಯಲ್ಲಿ ನಿರ್ಮಾಣವಾಗಿರುವ ಈ ಜಲಮಾರ್ಗವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಮಂಗಳವಾರ (ಏಪ್ರಿಲ್ 25) ಲೋಕಾರ್ಪಣೆ ಮಾಡಲಿದ್ದಾರೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಭತ್ತಕ್ಕೆ ಬೆಲೆಯಿಲ್ಲ, ಅಕ್ಕಿ ದರ ಇಳಿಯುತ್ತಲೇ ಇಲ್ಲ!

ಮುಂಗಾರು ಹಂಗಾಮಿನಲ್ಲಿ ದೇಶಾದ್ಯಂತ ಭತ್ತ ಬಿತ್ತನೆ ಪ್ರದೇಶದಲ್ಲಿ ಗಣನೀಯ ಇಳಿಕೆಯಾಗಿದೆ. ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, 2025-26ನೇ ಸಾಲಿನಲ್ಲಿ 449.18 ಲಕ್ಷ ಹೆಕ್ಟೇರ್‌ಗಳಷ್ಟಿದ್ದ ಭತ್ತ ಬಿತ್ತನೆ ಪ್ರದೇಶ,...

ಸಾಮಾಜಿಕ ಜಾಲತಾಣದಲ್ಲಿ Belonging ಆತ್ಮಕಥನ ಬಿಡುಗಡೆ ಸಮಾರಂಭದ ಪಟಗಳದೇ...

ಒಬ್ಬ ತಾಯಿಯ ಬದುಕಿನ ಪುಟಗಳು ಪುಸ್ತಕವಾಗಿ ಹೊರಬಂದ ದಿನ, ಮಕ್ಕಳ ಕಣ್ಣಲ್ಲಿ ಹೆಮ್ಮೆ ಮತ್ತು ವಾತ್ಸಲ್ಯ ಒಟ್ಟಿಗೆ ತುಂಬಿಕೊಂಡಿತ್ತು. ತಾಯಿಯ ಮಾತುಗಳನ್ನು ತದೇಕಚಿತ್ತದಿಂದ ಆಲಿಸುತ್ತಿದ್ದ ರಾಹುಲ್ ಗಾಂಧಿ, ತನ್ನ ಬದುಕಿನ ಅಮೋಘ ಕ್ಷಣಗಳನ್ನು...

ತಂಬೂರಿಯ ನಾದದಲ್ಲಿ ಜೀವಂತ ಮಂಟೇಸ್ವಾಮಿ ಪರಂಪರೆ: ಶಿಷ್ಯರು, ಮಹಿಳಾ...

ಧರೆಗೆ ದೊಡ್ಡವರ ತತ್ವ, ಶಿಷ್ಯರ ಸಾಮಾಜಿಕ ಕೊಡುಗೆ, ಜನಪದ ಜ್ಞಾನದ ಉಳಿವು ಮತ್ತು ಮುಂದಿನ ಪೀಳಿಗೆಯ ಜವಾಬ್ದಾರಿ. ಒಂದು ಪರಂಪರೆಯ ಮಹತ್ವವನ್ನು ಅದರ ಸ್ಥಾಪಕನ ಜೀವನದಿಂದ ಮಾತ್ರ ಅಳೆಯಲಾಗದು. ಆ ಪರಂಪರೆಯ ವಿಚಾರಗಳನ್ನು...

ನೂತನವಾಗಿ ನಿರ್ಮಾಣವಾಗಿರುವ ಈ ಯೋಜನೆ ಸುಮಾರು ₹1,137 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದ್ದು ಈ ವಾಟರ್ ಮೆಟ್ರೋ ದೇಶದ ಮೊಟ್ಟ ಮೊದಲ ಜಲಸಾರಿಗೆ ವ್ಯವಸ್ಥೆಯಾಗಿದೆ.

ಈ ಜಲಸಾರಿಗೆಯು ಕೊಚ್ಚಿಯ 10 ದ್ವೀಪಗಳಿಗೆ ನಿರಂತರವಾದ, ಅತ್ಯಂತ ವೇಗದ ಸಾರಿಗೆ ಸಂಪರ್ಕವನ್ನು ಕಲ್ಪಿಸಲಿದೆ.

ವಾಟರ್ ಮೆಟ್ರೋ ಯೋಜನೆಗಳಿಗೆ ಬಳಸಲಾಗಿರುವ ಅತ್ಯಾಧುನಿಕ ಸೌಲಭ್ಯಗಳುಳ್ಳ ವಿದ್ಯುತ್ ಚಾಲಿತ ದೋಣಿಗಳು, ಪ್ರಯಾಣಿಕರಿಗೆ ವಿಶೇಷ ಅನುಭವವನ್ನು ಒದಗಿಸಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಈ ಜಲಸಾರಿಗೆಯಲ್ಲಿ ನಾಗರಿಕರ ಸಂಚಾರ, ಸರಕು ಸಾಗಣೆಯನ್ನು ಹಿಂದೆಂದೂ ಕಾಣದ ರೀತಿಯಲ್ಲಿ ಅತಿ ವೇಗವಾಗಿ, ಅತಿ ಸರಳವಾಗಿ, ಸುಧಾರಿತ ಸಮಯದಲ್ಲಿ ಕೈಗೊಳ್ಳಬಹುದಾಗಿದೆ.

ವಾಟರ್ ಮೆಟ್ರೋ ಸಾರಿಗೆ ಸಾಂಪ್ರದಾಯಿಕವಾದ ಜಲ ಮಾರ್ಗಗಳಿಗಿಂತ ಅಗ್ಗವಾಗಿದೆ. ಇದು ಅತಿ ಹೆಚ್ಚು ಸಮಯ ಉಳಿತಾಯ ಮಾಡುವಂಥ ಯೋಜನೆ ಎಂದು ಕೊಚ್ಚಿ ಮೆಟ್ರೋ ವ್ಯವಸ್ಥಾಪಕ ನಿರ್ದೇಶಕ ಲೋಕನಾಥ್ ಬೆಹ್ರಾ ಹೇಳಿದ್ದಾರೆ.

ವಾಟರ್ ಮೆಟ್ರೋ ವಿಶೇಷತೆ

ಈ ಜಲಸಾರಿಗೆಯನ್ನು ₹1,137 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗಿದೆ. ಈ ಯೋಜನೆಗೆ ಜರ್ಮನಿಯ ಕೆ ಎಫ್ ಡಬ್ಲ್ಯು, ಕೇಂದ್ರ ಸರ್ಕಾರ ಹಾಗೂ ಕೇರಳ ರಾಜ್ಯ ಸರ್ಕಾರಗಳು ಹಣ ಹೂಡಿಕೆ ಮಾಡಿವೆ.

ಕೊಚ್ಚಿಯ ಸುತ್ತಮುತ್ತಲೂ ಇರುವ 10 ಸಣ್ಣ ದ್ವೀಪಗಳನ್ನು ಜಲಸಾರಿಗೆ ಮೂಲಕ ಸಂಪರ್ಕ ಕಲ್ಪಿಸುವಂಥ ವ್ಯವಸ್ಥೆ ಕಲ್ಪಿಸಲಾಗಿದೆ.

ಆರಂಭದಲ್ಲಿ ಎಂಟು ವಿದ್ಯುತ್ ಚಾಲಿತ ದೋಣಿಗಳನ್ನು (ಎಲೆಕ್ಟ್ರಿಕ್ ಬೋಟ್) ಈ ಸಾರಿಗೆ ವ್ಯವಸ್ಥೆಗಾಗಿ ನಿಯೋಜಿಸಲಾಗಿದೆ. ಮುಂದೆ, ಅವಶ್ಯಕತೆಗೆ ತಕ್ಕಂತೆ ಈ ದೋಣಿಗಳ ಸಂಖ್ಯೆಯನ್ನು ಹೆಚ್ಚಿಸಲು ನಿರ್ಧರಿಸಲಾಗಿದೆ. ಈ ಎಲ್ಲ ವಿದ್ಯುತ್ ಚಾಲಿತ ದೋಣಿಗಳನ್ನು ಕೊಚಿನ್ ಶಿಪ್ ಯಾರ್ಡ್ ಲಿಮಿಟೆಡ್ ತಯಾರಿಸಿದೆ.

ವಾಟರ್‌ ಮೆಟ್ರೋ ಯೋಜನೆಯಡಿ, ಕೊಚ್ಚಿಯ ಸುತ್ತಲಿನ 10 ದ್ವೀಪಗಳ ಸಂಪರ್ಕಕ್ಕಾಗಿ ಒಟ್ಟು 16 ಮಾರ್ಗಗಳನ್ನು ನಿಗದಿಗೊಳಿಸಲಾಗಿದೆ.

ಪ್ರತಿ ಮಾರ್ಗದಲ್ಲಿಯೂ ಸರಾಸರಿ 76 ಕಿ.ಮೀ.ಗಳ ಸಂಚಾರವಿರುತ್ತದೆ. ಇದಲ್ಲದೆ, ಜನರ ಅನುಕೂಲಕ್ಕಾಗಿ 38 ನಿಲ್ದಾಣಗಳನ್ನು ನಿಗದಿಗೊಳಿಸಲಾಗಿದೆ.

ಇತರ ಸಾರಿಗೆ ಸಂಪರ್ಕಗಳಿಗೂ ಜೋಡಣೆ

ವಾಟರ್ ಮೆಟ್ರೋ ಕೊಚ್ಚಿಯ ಸುತ್ತಮುತ್ತಲೂ ಇರುವ ಭೂ ಸಂಪರ್ಕ ಸಾರಿಗೆ ವ್ಯವಸ್ಥೆಗಳಾದ ರಸ್ತೆ ಸಾರಿಗೆ ಹಾಗೂ ರೈಲ್ವೆ ಸಾರಿಗೆಗೂ ನಂಟು ಕಲ್ಪಿಸುತ್ತದೆ.

ಕೊಚ್ಚಿ ಸಮೀಪದ ಒಂದು ದ್ವೀಪದಿಂದ ಹೊರಡುವ ಜನರು ಅಲ್ಲಿಗೆ ಸಮೀಪದ ರೈಲು ನಿಲ್ದಾಣ ಅಥವಾ ರಸ್ತೆ ಸಾರಿಗೆಯ ಸೌಲಭ್ಯವನ್ನು ಪಡೆಯಬೇಕಿದ್ದರೆ ಅವರನ್ನು ಬಸ್ ನಿಲ್ದಾಣಗಳು, ರೈಲು ನಿಲ್ದಾಣಗಳು ಇರುವಂಥ ಪ್ರದೇಶಗಳಿಗೆ ಅವರನ್ನು ತಲುಪಿಸಲಾಗುತ್ತದೆ.

ಇದಕ್ಕಾಗಿ ದೋಣಿಗಳು ಸಾಗುವ ಮಾರ್ಗಗಳಲ್ಲಿ ರಸ್ತೆ, ರೈಲು ಸಂಪರ್ಕವು ದೊರೆಯುವ ಕಡೆಗಳಲ್ಲಿ ನಿಲ್ದಾಣಗಳನ್ನು ಮಾಡಿ ದೋಣಿಗಳನ್ನು ಅಲ್ಲಿ ಆ ಸೌಲಭ್ಯಗಳನ್ನು ಬಯಸುವ ಪ್ರಯಾಣಿಕರು ಇಳಿದುಕೊಳ್ಳುವ ವ್ಯವಸ್ಥೆ ಕಲ್ಪಿಸಲಾಗಿದೆ.

ಕಡಿಮೆ ಪ್ರಯಾಣ ದರ, ಸಮಯ ಉಳಿತಾಯ

ವಾಟರ್ ಮೆಟ್ರೋ ಯೋಜನೆಯಡಿ ಮೊದಲು 15 ಮಾರ್ಗಗಳಲ್ಲಿ ಸಂಚಾರ ಆರಂಭವಾಗುತ್ತದೆ. ಆನಂತರ ಮಾರ್ಗಗಳ ಸಂಖ್ಯೆಯನ್ನು ಹೆಚ್ಚಿಸಲಾಗುತ್ತದೆ. ಪ್ರಯಾಣ ದರವು ಜನರಿಗೆ ಕೈಗೆಟುಕುವಂತೆ ಇರಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಪ್ರತಿ ಪ್ರಯಾಣಕ್ಕೂ ಜನರ ಕೈಗೆಟಕುವ ದರಗಳ ಟಿಕೆಟ್ ಗಳನ್ನು ನಿಗದಿಗೊಳಿಸಲಾಗಿದೆ. ಪ್ರಯಾಣಿಕರು ತೆರಳುವ ಹಾಗೂ ಹಿಂತಿರುಗುವ ಟಿಕೆಟ್ ಸಹ ಕೊಳ್ಳಬಹುದು. ಅಲ್ಲದೆ ವಾರದ ಅಥವಾ ಮಾಸಿಕ ಪಾಸ್ ಗಳನ್ನೂ ಪಡೆಯಲು ಅವಕಾಶವಿದೆ ಎಂದು ಲೋಕನಾಥ್ ಬೆಹ್ರಾ ಹೇಳಿದ್ದಾರೆ.

ಜಲಸಾರಿಗೆ ಯೋಜನೆಯಲ್ಲಿ ಸಾಗುವ ವಿದ್ಯುತ್ ಚಾಲಿತ ದೋಣಿಗಳಲ್ಲಿ ಕೊಚ್ಚಿ ವ್ಯಾಪ್ತಿಯಲ್ಲಿ ಒಂದು ದ್ವೀಪದಿಂದ ಮತ್ತೊಂದು ದ್ವೀಪಕ್ಕೆ ಹೋಗಲು ಕೇವಲ 15 ನಿಮಿಷ ಸಾಕಾಗುತ್ತದೆ. ಇದು ಸಾಂಪ್ರದಾಯಿಕ ದೋಣಿಗಳಲ್ಲಿ ಸಾಗುವ ಅವಧಿಯನ್ನು ಶೇ. 40 ರಷ್ಟು ಇಳಿಕೆ ಮಾಡಿದೆ ಎಂದು ಹೇಳಲಾಗಿದೆ.

ದೋಣಿಗಳ ವಿನ್ಯಾಸ ಹಾಗೂ ಸೌಲಭ್ಯಗಳು

ವಿದ್ಯುತ್ ಚಾಲಿತ ದೋಣಿಗಳಲ್ಲಿ ಭಾರೀ ಅತ್ಯಾಧುನಿಕವಾದ ಲೀಥಿಯಂ ಟೈಟಾನೇಟ್ ಸ್ಪಿನೆಲ್ ಬ್ಯಾಟರಿಗಳನ್ನು ಅಳವಡಿಸಲಾಗಿದೆ. ಎಲ್ಲ ದೋಣಿಗಳೂ ಸಂಪೂರ್ಣ ಹವಾನಿಯಂತ್ರಿತ ವ್ಯವಸ್ಥೆ ಹೊಂದಿವೆ. ದೊಡ್ಡ ದೊಡ್ಡ ಗಾಜಿನ ಕಿಟಕಿಗಳನ್ನು ಅಳವಡಿಸಲಾಗಿದೆ. ಇದರಲ್ಲಿ ವೈಫೈ ವ್ಯವಸ್ಥೆಯೂ ಇದ್ದು ಯಾವುದೇ ಆಧುನಿಕ ವ್ಯವಸ್ಥೆಗಳು ಯಾರಿಂದಲೂ ದುರ್ಬಳಕೆ ಮಾಡಿಕೊಳ್ಳದಂತೆ ರೂಪಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಸುದ್ದಿ ಓದಿದ್ದೀರಾ? ಮಾಧ್ಯಮಗಳಿಗೆ ಪ್ರಕರಣಗಳ ಕುರಿತ ಸಂದರ್ಶನ; ಸುಪ್ರೀಂ ಕೋರ್ಟ್ ಆಕ್ಷೇಪ

ವಾಟರ್ ಮೆಟ್ರೋ ಯೋಜನೆಯ ವಿದ್ಯುತ್ ಚಾಲಿತ ದೋಣಿಗಳಲ್ಲಿ ಇದೇ ಮೊದಲ ಬಾರಿಗೆ ತಾಂತ್ರಿಕವಾಗಿ ಏಕ ಸೂಚನೆ ಮೂಲಕ ಸಂಚರಿಸುವ ವ್ಯವಸ್ಥೆ ಕಲ್ಪಿಸಲಾಗಿದೆ. ಭಾರತದಲ್ಲಿನ ಸಂಪರ್ಕ ವ್ಯವಸ್ಥೆಯಲ್ಲಿ ಇಂಥ ಏಕ ಸೂಚನೆ ವ್ಯವಸ್ಥೆಯನ್ನು ಕೇರಳದ ವಾಟರ್ ಮೆಟ್ರೋದಲ್ಲಿ ಮೊದಲ ಬಾರಿಗೆ ಪರಿಚಯಿಸಲಾಗಿದೆ.

eedina
ಈ ದಿನ ಡೆಸ್ಕ್‌
Website | + posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಉತ್ತರ ಪ್ರದೇಶ | 6 ತಿಂಗಳಲ್ಲಿ 17 ಲಕ್ಷ ಮತದಾರರ ಸೇರ್ಪಡೆ; ಸಂಖ್ಯೆ ಹೆಚ್ಚಿಸಲು ಕಣಕ್ಕಿಳಿದಿದೆ ಬಿಜೆಪಿ; ಸೇರುವವರು ಅರ್ಹರೋ-ಅನರ್ಹರೋ?

ಉತ್ತರ ಪ್ರದೇಶದ ವಿಧಾನಸಭಾ ಚುನಾವಣೆಯು 2027ರ ಫ್ರೆಬ್ರವರಿ-ಮಾರ್ಚ್‌ ತಿಂಗಳಲ್ಲಿ ನಡೆಯುವ ಸಂಭವವಿದೆ....

ಬೆಳೆ ವಿಸ್ತೀರ್ಣ ಇಳಿಕೆಯ ನಡುವೆಯೂ ಸಾರ್ವಕಾಲಿಕ ದಾಖಲೆ ಬರೆದ ಭಾರತದ ತೋಟಗಾರಿಕೆ!

ಭಾರತೀಯ ಕೃಷಿ ಕ್ಷೇತ್ರದಲ್ಲಿ ತೋಟಗಾರಿಕೆಯು ಮತ್ತೊಂದು ಐತಿಹಾಸಿಕ ಮೈಲಿಗಲ್ಲು ಸ್ಥಾಪಿಸಿದೆ. 2025-26ನೇ...

ಸಿಜೆಐ ವಿರುದ್ಧ ವಕೀಲರ ಆಕ್ರೋಶ: ನ್ಯಾಯಾಂಗದ ಘನತೆಗೆ ಧಕ್ಕೆ ಮತ್ತು ವಿಶ್ವಾಸಾರ್ಹತೆ ನಡುವಿನ ವೈರುಧ್ಯ!

ಸುಪ್ರೀಂ ಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಸೂರ್ಯಕಾಂತ್ ವಿರುದ್ಧ ನ್ಯಾಯಾಲಯದಲ್ಲೇ ವಕೀಲರೊಬ್ಬರು ಆಕ್ರೋಶ...

ಷೇರುದಾರರ ಇಂದಿನ ಜಾಗತಿಕ ಮಂತ್ರ- ‘ಅಮೆರಿಕವನ್ನು ನಂಬಿ ಹಣ ಹೂಡಿ’

ಅಮೆರಿಕನ್ನರು ಮಾತ್ರವಲ್ಲ, ವಿದೇಶಗಳ ಸಾಮಾನ್ಯ ಜನರೂ ಮುಗಿಬಿದ್ದು ಅಮೆರಿಕದ ಷೇರುಗಳನ್ನು ಕೊಳ್ಳುತ್ತಿದ್ದಾರೆ....