ಕೋಟಕ್ ಮಹೀಂದ್ರ ಬ್ಯಾಂಕ್ ನ ಆನ್‌ಲೈನ್‌ ಹಾಗೂ ಮೊಬೈಲ್‌ ಬ್ಯಾಂಕಿಂಗ್‌ಗಳ ಮೂಲಕ ನೂತನ ಗ್ರಾಹಕರ ಸೇರ್ಪಡೆ ಹಾಗೂ ಹೊಸ ಕ್ರೆಡಿಟ್ ಕಾರ್ಡ್ ಪಡೆದುಕೊಳ್ಳುವಿಕೆಗೆ ಆರ್ಬಿಐ ನಿಷೇಧವೇರಿದೆ.
ಭಾರತೀಯ ರಿಸರ್ವ್‌ ಬ್ಯಾಂಕ್ ಬ್ಯಾಂಕಿಂಗ್‌ ನಿಯಂತ್ರಣ ಕಾಯ್ದೆ 1949ರ ಸೆಕ್ಷನ್ 35ಎ ಅಡಿಯ ಅಧಿಕಾರದ ಕಾರ್ಯವ್ಯಾಪ್ತಿಯಲ್ಲಿ ಆನ್‌ಲೈನ್‌ ಮೂಲಕ, ಮೊಬೈಲ್‌ ಬ್ಯಾಂಕಿಂಗ್‌ ಮೂಲಕ ಹಾಗೂ ಹೊಸ ಕ್ರೆಡಿಟ್ ಕಾರ್ಡ್‌ಗಳನ್ನು ವಿತರಿಸುವುದಕ್ಕೆ ಕೋಟಕ್ ಮಹೀಂದ್ರ ಬ್ಯಾಂಕ್‌ಗೆ ನಿಷೇಧವೇರಿದ್ದು, ಬ್ಯಾಂಕ್ ಈ ಕ್ರಮಗಳನ್ನು ತಕ್ಷಣವೇ ನಿಲ್ಲಿಸಲು ಹಾಗೂ ತ್ಯಜಿಸಲು ಕ್ರಮಕೈಗೊಳ್ಳಬೇಕು. ಆದೇಶವು ತಕ್ಷಣವೇ ಜಾರಿಗೆ ಬರುತ್ತದೆ ಎಂದು ಆರ್ಬಿಐ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಆರ್ಬಿಐ ನೂತನ ಕ್ರೆಡಿಟ್ ಕಾರ್ಡ್ಗೆ ನಿಷೇಧವೇರಿದರೂ ಹಾಲಿ ಕ್ರೆಡಿಟ್ ಕಾರ್ಡ್ ಬಳಕೆದಾರರು ತಮ್ಮ ಸೇವೆಗಳನ್ನು ಮುಂದುವರಿಸಬಹುದು ಎಂದು ತಿಳಿಸಿದೆ.
2022 ಮತ್ತು 2023ರಲ್ಲಿನ ಕೇಂದ್ರ ಬ್ಯಾಂಕ್‌ಗಳ ಆದಾಯ ಇಲಾಖೆ ಪರಿಶೀಲನೆಗಳ ಸಂದರ್ಭದಲ್ಲಿ ಎದುರಾದ ನ್ಯೂನ್ಯತೆಗಳ ಹಿನ್ನೆಲೆಯಲ್ಲಿ ಬ್ಯಾಂಕ್ ವಿರುದ್ಧ ಆರ್ಬಿಐ ಈ ಕ್ರಮಗಳನ್ನು ಕೈಗೊಂಡಿದೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಮುಸ್ಲಿಮರು, ಮಹಿಳೆಯರ ಮಂಗಳಸೂತ್ರಕ್ಕೆ ಕೈ ಹಾಕಿದ ಮೋದಿ
“ಐಟಿ ತಪಶೀಲು ನಿರ್ವಹಣೆ, ಸರಿಪಡಿಸುವಿಕೆ ಹಾಗೂ ಬದಲಿ ನಿರ್ವಹಣೆ, ಬಳಕೆದಾರರ ಪ್ರವೇಶ ನಿರ್ವಹಣೆ, ವೆಂಡರ್‌ ರಿಸ್ಕ್‌ ಮ್ಯಾನೇಜ್‌ಮೆಂಟ್, ಡಾಟಾ ಸೆಕ್ಯೂರಿಟಿ ಹಾಗೂ ಡಾಟಾ ಸೋರಿಕೆ ಮುಂಜಾಗ್ರತಾ ತಂತ್ರ, ವಹಿವಾಟು ಮುಂದುವರಿಕೆ ಹಾಗೂ ವಿಪತ್ತು ಚೇತರಿಕೆಯ ಕಠಿಣತೆ ಕ್ರಮ, ಇತರೆ ಕಾರ್ಯಗಳಲ್ಲಿ ಗಂಭೀರ ನ್ಯೂನತೆ ಹಾಗೂ ಅನುಸರಣೀಯವಲ್ಲದ ದೂರುಗಳನ್ನು ಗಮನಿಸಲಾಗಿದೆ. ಸತತ ಎರಡು ವರ್ಷಗಳಿಂದ ನಿಯಂತ್ರಣ ನಿಯಮಗಳಡಿಯ ವಿರುದ್ಧವಾಗಿ ಬ್ಯಾಂಕ್ ಐಟಿ ರಿಸ್ಕ್‌ ಹಾಗೂ ಮಾಹಿತಿ ಭದ್ರತಾ ಆಡಳಿತದಲ್ಲಿ ಲೋಪವೆಸಗುತ್ತಿದೆ” ಎಂದು ಆರ್ಬಿಐ ತಿಳಿಸಿದೆ.
2022 ಹಾಗೂ 2023 ಎರಡೂ ವರ್ಷಗಳಲ್ಲಿ ಆರ್ಬಿಐ ಕೋಟಕ್ ಮಹೀಂದ್ರ ಬ್ಯಾಂಕ್ ಅನ್ನು ಮೌಲ್ಯಮಾಪನಗೊಳಿಸಿದ ನಂತರ ಅನುಸರಣೆಗೆ ಸಂಬಂಧಿಸಿದಂತೆ ಸಾಕಷ್ಟು ಸಲ್ಲಿಕೆಗಳು ಸಮರ್ಥನೀಯವಲ್ಲ ಅಥವಾ ಸುಸ್ಥಿರವಾಗಿಲ್ಲದಿರುವುದು ಕಂಡು ಬಂದಿದೆ ಎಂದು ತಿಳಿಸಲಾಗಿದೆ.
