ಗುಜರಾತಿನ ಅಹಮದಾಬಾದಿನವರಾದ ಜಯಂತ್ ಪರ್ ಮಾರ್ ಗುಜರಾತಿ ಹಾಗೂ ಉರ್ದು ಎರಡೂ ಭಾಷೆಗಳಲ್ಲಿ ಮಹತ್ವದ ಕವಿತೆಗಳನ್ನು ರಚಿಸಿದ್ದಾರೆ. ಜಯಂತ್ ಶ್ರೇಷ್ಠ ಕಲಾವಿದರೂ ಹೌದು. ಅವರ ಕವಿತೆಯನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ ಸಿ ಎಚ್ ಭಾಗ್ಯ
ಪೇಪರ್-೧
ಪುರಾತನ ಕಾಲದಲ್ಲಿ
ಅವರು ತಾಳೆಗರಿಯ ಮೇಲೆ ಬರೆಯುತ್ತಿದ್ದರು,
ಮರದ ತೊಗಟೆಯ ಮೇಲೆ,
ಕಲ್ಲಿನ ಮೇಲೆ
ತಾಮ್ರದ ಹಾಳೆಯ ಮೇಲೆ.
ನಾಲ್ಕು ವೇದಗಳನ್ನು
ತಾಳೆಗರಿಯ ಮೇಲೆ
ಬರೆಯಲಾಗಿದೆ.
ಆದರೆ, ದಮನದ ಕರಾಳ ಕೃತ್ಯಗಳನ್ನು
ನನ್ನ ಶರೀರದ ಮೇಲೆ ಕೆತ್ತಲಾಗಿದೆ
ಇಂದಿಗೂ…!
ಪೇಪರ್ -೨
ಒಂದು ದಿನ
ಇಂಕು ನನ್ನನ್ನು ಪತ್ತೆ ಮಾಡಿತು
ಈ ಭೂಮಿಯ ಮನೆಮನೆಯ
ಎಳೆಯ ಕೈಗಳನ್ನು ತಲುಪಿದೆ
ಗಾಳಿಪಟವಾದೆ
ಮೋಡಗಳು, ಚುಕ್ಕಿ, ಚಂದ್ರರ ಜೊತೆ ಮಾತಾಡಲು.
ಪೆನ್ನಿನ ನಾಲಿಗೆಯು
ನನ್ನ ಕೈಗಳಿಗೆ ಮುತ್ತಿಟ್ಟಾಗ
ರಂಧ್ರ ರಂಧ್ರವೂ ಸಂತೂರ್ ನುಡಿಸಿದವು
ಕುಂಚದ ಸ್ಪರ್ಶವು
ನನ್ನ ಶರೀರದೊಡನೆ
ಬಣ್ಣದ ಹೋಲಿ ಆಡಿತು.
ನನ್ನ ನರನಾಡಿಗಳಲ್ಲಿನ
ಕಾಮನ ಬಿಲ್ಲು
ಮೈ ಮುರಿದು ಎಚ್ಚತ್ತಿತು.
ಪುಟ್ಟ ಮಗುವಿನ ಎಳೆಯ ಬೆರಳುಗಳು
ನನ್ನ ಶರೀರದ ಮೇಲೆ ರಂಗುರಂಗಿನ ಕನಸುಗಳನ್ನು ಬರೆದವು
ಸೂರ್ಯ, ಚಿಟ್ಟೆ, ಕೆಂಗುಲಾಬಿ
