ʻರನ್ ಹೊಳೆʼ ಹರಿದ ಐಪಿಎಲ್ 16ನೇ ಆವೃತ್ತಿಯ 38ನೇ ಪಂದ್ಯದಲ್ಲಿ ಲಕ್ನೋ ಸೂಪರ್‌ ಜೈಂಟ್ಸ್‌ ತಂಡ ಪಂಜಾಬ್ ವಿರುದ್ಧ 56 ರನ್‌ಗಳ ಭರ್ಜರಿ ಜಯ ದಾಖಲಿಸಿದೆ.
ಮೊಹಾಲಿಯಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ್ದ ಕೆ.ಎಲ್‌.ರಾಹುಲ್ ಸಾರಥ್ಯದ ಲಕ್ನೋ ಸೂಪರ್‌ ಜೈಂಟ್ಸ್‌ 5 ವಿಕೆಟ್‌ ನಷ್ಟದಲ್ಲಿ 257 ರನ್ ಗಳಿಸಿತ್ತು. ಉತ್ತರವಾಗಿ ಪಂಜಾಬ್ 19.5 ಓವರ್‌ಗಳಲ್ಲಿ 201 ರನ್‌ಗಳಿಗೆ ಅಲೌಟ್‌ ಆಯಿತು.
PBKS tried, but LSG's mammoth total was always out of reach #IPL2023https://t.co/dD3IJzJv13 | #PBKSvLSG pic.twitter.com/60pgLVH1Mw
— ESPNcricinfo (@ESPNcricinfo) April 28, 2023
ಎರಡನೇ ಅತಿಹೆಚ್ಚು ಮೊತ್ತದ ದಾಖಲೆ; ಶುಕ್ರವಾರದ ಪಂದ್ಯದಲ್ಲಿ ಲಕ್ನೋ ಸೂಪರ್‌ ಜೈಂಟ್ಸ್‌ ತಂಡ ಹೊಸ ದಾಖಲೆ ಬರೆದಿದೆ. ಪಂಜಾಬ್ ವಿರುದ್ಧ 257 ರನ್ ಗಳಿಸುವ ಮೂಲಕ, ಐಪಿಎಲ್‌ನಲ್ಲಿ ಎರಡನೇ ಅತಿಹೆಚ್ಚು ಮೊತ್ತ ದಾಖಲಿಸಿದ ತಂಡ ಎಂಬ ಕೀರ್ತಿಗೆ ಲಕ್ನೋ ಪಾತ್ರವಾಗಿದೆ.
2013ರ ಆವೃತ್ತಿಯಲ್ಲಿ ಬೆಂಗಳೂರಿನಲ್ಲಿ ನಡೆದ ಪಂದ್ಯದಲ್ಲಿ ಪುಣೆ ವಾರಿಯರ್ಸ್ ವಿರುದ್ಧ ಆರ್‌ಸಿಬಿ ತಂಡ 5 ವಿಕೆಟ್‌ ನಷ್ಟದಲ್ಲಿ 263 ರನ್ ಗಳಿಸಿದ್ದು ಐಪಿಎಲ್ ಗರಿಷ್ಠ ಸ್ಕೋರ್ ದಾಖಲೆಯಾಗಿದೆ.
ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಮೊದಲ 10 ಓವರ್‌ಗಳಲ್ಲಿ 128 ರನ್‌ಗಳಿಸಿದ್ದ ಲಕ್ನೋ, ನಂತರದ 10 ಓವರ್‌ಗಳಲಿ 129 ರನ್ ಗಳಿಸುವ ಮೂಲಕ ಕಿಂಗ್ಸ್ ಬೌಲರ್‌ಗಳ ಬೆವರಿಳಿಸಿತು. ಸಿಡಿಲಬ್ಬರದ ಬ್ಯಾಟಿಂಗ್‌ ನಡೆಸಿದ ಮಾರ್ಕಸ್‌ ಸ್ಟೋಯ್ನಿಸ್‌, 40 ಎಸೆತಗಳಲ್ಲಿ 5 ಸಿಕ್ಸರ್‌ ಮತ್ತು 6 ಬೌಂಡರಿಗಳ ನೆರವಿನೊಂದಿಗೆ 72 ರನ್ ಗಳಿಸಿದರು. ಆರಂಭಿಕ ಕೈಯ್ಲ್‌ ಮೇಯರ್ಸ್‌ 54 ರನ್, ಆಯುಷ್‌ ಬದೋನಿ 43 ಹಾಗೂ ನಿಕಲಸ್‌ ಪೂರನ್‌ 45 ರನ್‌ಗಳಿಸುವ ಮೂಲಕ ಬೃಹತ್‌ ಮೊತ್ತ ಪೇರಿಸಲು ಕಾರಣರಾದರು.
ಬೆಟ್ಟದಷ್ಟು ಮೊತ್ತ ಎದುರಿಗಿದ್ದರೂ ಸಹ, ಪಂಜಾಬ್ ಆರಂಭಿಕರಿಬ್ಬರೂ ಬೇಗನೇ ಪೆವಿಲಿಯನ್‌ ಸೇರಿಕೊಂಡರು. ಕೇವಲ 1 ರ‌ನ್‌ಗಳಿಸಿ ನಾಯಕ ಶಿಖರ್ ಧವನ್‌ ಕ್ಯಾಚಿತ್ತು ನಿರ್ಗಮಿಸಿದರೆ, ಪ್ರಭಾಸಿಮ್ರಾನ್‌ ಸಿಂಗ್‌ ಕೊಡುಗೆ 9 ರನ್. ಮೂರನೇ ಕ್ರಮಾಂಕದಲ್ಲಿ ಬಂದ ಅಥರ್ವಾ ಥೈಡೆ (66 ರನ್, 36 ಎಸೆತ) ಮಾತ್ರ ತಕ್ಕಮಟ್ಟಿನ ಹೋರಾಟ ಪ್ರದರ್ಶಿಸಿದರು.
