ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾ ವಿರುದ್ಧ ಮೊದಲ ಏಕದಿನ ಪಂದ್ಯದಲ್ಲಿ 17 ರನ್ ಅಂತರದಲ್ಲಿ ಜಯ ಸಾಧಿಸಿದರೂ, ಪಂದ್ಯದ ನಂತರ ನಡೆದ ಒಂದು ದೃಶ್ಯವೇ ಹೆಚ್ಚು ಚರ್ಚೆಗೆ ಕಾರಣವಾಗಿದೆ. ಮಾಜಿ ನಾಯಕ ರೋಹಿತ್ ಶರ್ಮಾ ಮತ್ತು ಮುಖ್ಯ ಕೋಚ್ ಗೌತಮ್ ಗಂಭೀರ್ ಡ್ರೆಸ್ಸಿಂಗ್ ರೂಮಿನಲ್ಲಿ ಗಂಭೀರವಾಗಿ ಮಾತನಾಡುತ್ತಿರುವ ದೃಶ್ಯ ಕ್ಯಾಮೆರಾಗಳಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಕ್ಯಾಮೆರಾದಲ್ಲಿ ದಾಖಲಾಗಿರುವ ದೃಶ್ಯದಲ್ಲಿ, ಮಾಜಿ ನಾಯಕ ರೋಹಿತ್ ಶರ್ಮಾ ತಲೆಯಾಡಿಸುತ್ತಿರುವಂತೆ ಕಾಣುತ್ತಾರೆ. ಅವರ ಎದುರು ಮುಖ್ಯ ಕೋಚ್ ಗೌತಮ್ ಗಂಭೀರ್ ಗಂಭೀರವಾಗಿ ಏನನ್ನೋ ಕೇಳುತ್ತಿರುವಂತೆ ಗೋಚರಿಸುತ್ತದೆ. ಇವರಿಬ್ಬರ ನಡುವೆ ಏನು ಚರ್ಚೆಯಾಗುತ್ತಿತ್ತು ಎಂಬುದಕ್ಕೆ ಧ್ವನಿ ಇಲ್ಲದಿದ್ದರೂ, ಆ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ವೈರಲ್ ಆಗಿದೆ.
ಇದು ತಾಂತ್ರಿಕ ಚರ್ಚೆಯೇ? ತಂಡದ ಆಯ್ಕೆಯ ಬಗ್ಗೆಯೇ? ಅಥವಾ ರೋಹಿತ್-ಕೊಹ್ಲಿ ಏಕದಿನ ಭವಿಷ್ಯದ ಬಗ್ಗೆಯೇ?” ಎಂಬ ಪ್ರಶ್ನೆಗಳು ಟ್ವಿಟರ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಟ್ರೆಂಡಿಂಗ್ ಆಗುತ್ತಿವೆ. ಆ ಒಂದು ನಿಮಿಷದ ಕ್ಲಿಪ್ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ಹರಡಿದೆ. #RohitGambhirChat, #DressingRoomDrama, #WhatHappenedInRanchi – ಈ ಹ್ಯಾಶ್‌ಟ್ಯಾಗ್‌ಗಳು ಟ್ವಿಟರ್ ಟ್ರೆಂಡ್‌ಗಳನ್ನು ಆಕ್ರಮಿಸಿವೆ.
ಇದನ್ನು ಓದಿದ್ದೀರಾ? ವ್ಯಕ್ತಿಚಿತ್ರ | KSCA ಕ್ರೀಡಾಂಗಣದ ಶಿಲ್ಪಿ- ಎಂ ಚಿನ್ನಸ್ವಾಮಿ
ಅಭಿಮಾನಿಗಳು ತಮ್ಮ ತಮ್ಮ ಊಹೆಗಳನ್ನು ದಾಖಲಿಸಿದ್ದಾರೆ. “ತಂಡದ ಆಯ್ಕೆಯ ಬಗ್ಗೆ ಜಗಳವೇ?, “ರೋಹಿತ್ ODIನಿಂದ ರಿಟೈರ್ ಆಗ್ತಾರಾ?”, “ಗಂಭೀರ್ ಸೀಟ್ ಕೇಳ್ತಿದ್ದಾರಾ?” ಎಂಬ ಪ್ರಶ್ನೆಗಳನ್ನೂ ಕೇಳಲಾಗಿದೆ. ಇನ್ನೊಂದೆಡೆ ಕೆಲವರು “ಇದು ಕೇವಲ ತಾಂತ್ರಿಕ ಚರ್ಚೆಯಷ್ಟೇ ಎಂದು ಹೇಳುತ್ತಿದ್ದಾರೆ.
ಈ ನಡುವೆ, ಬಿಸಿಸಿಐ ದಕ್ಷಿಣ ಆಫ್ರಿಕಾ ಏಕದಿನ ಸರಣಿ ಮುಗಿದ ನಂತರ (ಡಿಸೆಂಬರ್ 6ರ ನಂತರ) ಅಹಮದಾಬಾದ್‌ನಲ್ಲಿ ಮಹತ್ವದ ಸಭೆ ಕರೆದಿದೆ. ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಅವರ ಏಕದಿನ ಭವಿಷ್ಯ, 2027 ವಿಶ್ವಕಪ್ ರೋಡ್‌ಮ್ಯಾಪ್ ಈ ಸಭೆಯ ಮುಖ್ಯ ಅಜೆಂಡವಾಗಿದೆ. ಕೋಚ್ ಗೌತಮ್ ಗಂಭೀರ್, ಆಯ್ಕೆ ಸಮಿತಿಯ ಅಜಿತ್ ಅಗರ್ಕರ್ ಸೇರಿ ಬಿಸಿಸಿಐನ ಹಿರಿಯ ಅಧಿಕಾರಿಗಳು ಭಾಗಿಯಾಗಲಿದ್ದಾರೆ. ಈ ಬಗ್ಗೆಯೂ ಚರ್ಚೆ ನಡೆಸಿರಬಹುದು ಎಂದು ಕೆಲವು ಅಭಿಮಾನಿಗಳು ಹೇಳಿದ್ದಾರೆ.
— Nihari Korma (@NihariVsKorma) December 1, 2025
