- 38ನೇ ವಸಂತಕ್ಕೆ ಕಾಲಿಟ್ಟ ಸ್ಟಾರ್‌ ರಾಮ್‌ ಚರಣ್‌
- ಗಮನ ಸೆಳೆಯುತ್ತಿದೆ ಹೊಸ ಸಿನಿಮಾ ಟೈಟಲ್‌
ತೆಲುಗಿನ ಸ್ಟಾರ್‌ ನಟ ರಾಮ್‌ ಚರಣ್‌ ಸೋಮವಾರ 38ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಹುಟ್ಟು ಹಬ್ಬದ ಸಂಭ್ರಮದಲ್ಲಿರುವ ನಟನಿಗೆ ಭಾರತೀಯ ಚಿತ್ರರಂಗದ ಗಣ್ಯರು ಮತ್ತು ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದ್ದು, ಇದೇ ಸಂದರ್ಭದಲ್ಲಿ ರಾಮ್‌ ಚರಣ್‌ ನಟನೆಯ 50ನೇ ಚಿತ್ರದ ಟೈಟಲ್‌ ಬಹಿರಂಗಗೊಂಡಿದೆ.
ರಾಮ್‌ ಚರಣ್‌ ಮತ್ತು ತಮಿಳಿನ ಖ್ಯಾತ ನಿರ್ದೇಶಕ ಶಂಕರ್‌ ಕಾಂಬಿನೇಶನ್‌ನ ಹೊಸ ಸಿನಿಮಾ ಕಳೆದ ಫೆಬ್ರವರಿಯಲ್ಲಿ ಘೋಷಣೆಯಾಗಿತ್ತು. ನಟನ ಹುಟ್ಟು ಹಬ್ಬದ ಪ್ರಯುಕ್ತ ಟೈಟಲ್‌ ಘೋಷಿಸಿರುವ ಚಿತ್ರತಂಡ ನೂತನ ಚಿತ್ರಕ್ಕೆ ʼಗೇಮ್‌ ಚೇಂಜರ್‌ʼ ಎಂದು ಹೆಸರಿಟ್ಟಿದೆ.
Happy birthday to the worldwide charmer @AlwaysRamCharan being fierce and daring on screen and a darling off screen makes you a #gamechanger @SVC_official @advani_kiara @MusicThaman @DOP_Tirru pic.twitter.com/t0wLwN8tc0
— Shankar Shanmugham (@shankarshanmugh) March 27, 2023
42 ಸೆಕೆಂಡುಗಳ ಟೈಟಲ್‌ ಟೀಸರ್‌ ಬಿಡುಗಡೆ ಮಾಡಿ ರಾಮ್‌ ಚರಣ್‌ಗೆ ಹುಟ್ಟು ಹಬ್ಬದ ಶುಭಕೋರಿರುವ ನಿರ್ದೇಶಕ ಶಂಕರ್‌, ʼಟೈಟಲ್‌ ಥೀಮ್‌ʼನಲ್ಲಿಯೇ ಚಿತ್ರದ ಕಥೆ ಚುನಾವಣಾ ರಾಜಕೀಯದ ಸುತ್ತ ಇರಲಿದೆ. ಕಥಾ ನಾಯಕ ಈ ಕಥೆಯ ʼಗೇಮ್‌ ಚೇಂಜರ್‌ʼ ಎಂಬ ಸುಳಿವು ನೀಡಿದ್ದಾರೆ.
ಬಾಲಿವುಡ್‌ನ ಖ್ಯಾತ ನಟಿ ಕಿಯಾರಾ ಅಡ್ವಾಣಿ ಚಿತ್ರದಲ್ಲಿ ನಾಯಕಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಬಹುಭಾಷಾ ನಟಿ ಅಂಜಲಿ, ಸಮುದ್ರಕಣಿ, ಎಸ್ ಜೆ ಸೂರ್ಯ, ಶ್ರೀಕಾಂತ್‌, ಸುನಿಲ್‌ ಮುಂತಾದವರು ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ತೆಲುಗಿನ ಖ್ಯಾತ ಸಂಗೀತ ನಿರ್ದೇಶಕ ತಮನ್‌ ಎಸ್ ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಲಿದ್ದು, ರಾಜು ಮತ್ತು ಶಿರೀಶ್‌ ಬಂಡವಾಳ ಹೂಡುತ್ತಿದ್ದಾರೆ.
