ನಟಿ ಜಾನ್ವಿ ಕಪೂರ್ ಮತ್ತು ನಟ ಜೂನಿಯರ್ ಎನ್ಟಿಆರ್ ಅಭಿನಯದ ಇತ್ತೀಚಿನ ಸೂಪರ್‌ಹಿಟ್ ಚಿತ್ರ ‘ದೇವರ’. ಈ ಸಿನಿಮಾ ಸುಪ್ರಸಿದ್ದ ‘ಚುಟ್ಟಮಲ್ಲೆ’ ಹಾಡಿನಲ್ಲಿನ ಜಾನ್ವಿ ಕಪೂರ್ ಅವರ ದೃಶ್ಯಗಳನ್ನು ಕೃತಕ ಬುದ್ಧಿಮತ್ತೆ ಬಳಸಿ, ಅಶ್ಲೀಲವಾಗಿ ಆರ್ಫಿಂಗ್‌ ಮಾಡಿ, ಕೆಲವು ದುಷ್ಕರ್ಮಿಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಈ ವಿಕೃತಿಯ ವಿರುದ್ಧ ನಟ ಜೂನಿಯರ್ ಎನ್ಟಿಆರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ತಪ್ಪಿತಸ್ಥರ ವಿರುದ್ ಕಾನೂನು ಕ್ರಮ ಜರುಗಿಸುವುದಾಗಿ ತಿಳಿಸಿದ್ದಾರೆ.
ಸಾಮಾಜಿಕ ಜಾಲತಾಣ ‘ಎಕ್ಸ್’ನಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಜೂನಿಯರ್ ಎನ್ಟಿಆರ್, “ಈ ಕೃತ್ಯವು ಅಸಹ್ಯಕರ, ವಿಕೃತ ಮತ್ತು ನಾಚಿಕೆಗೇಡು” ಎಂದಿದ್ದಾರೆ.
“ಮಹಿಳೆಯರನ್ನು ತಾಯಿ ಮತ್ತು ದೇವತೆಯಾಗಿ ಪೂಜಿಸುವ ‘ಮಾತೃದೇವೋ ಭವ’ ತತ್ವದ ನಮ್ಮ ಸಂಸ್ಕೃತಿಯಲ್ಲಿ, ಕೆಲವರು ಇಷ್ಟೊಂದು ಕೆಳಮಟ್ಟಕ್ಕೆ ಇಳಿದು ತಂತ್ರಜ್ಞಾನವನ್ನು ಮಹಿಳೆಯರ ತೇಜೋವಧೆಗೆ ಬಳಸಿಕೊಳ್ಳುತ್ತಿರುವುದು ಅತ್ಯಂತ ಅಮಾನವೀಯ” ಎಂದು ಕಿಡಿಕಾರಿದ್ದಾರೆ.
ಈ ಲೇಖನ ಓದಿದ್ದೀರಾ?: ಸುದ್ದಿ ವಿವರ | ಇವಿಎಂ vs ಬ್ಯಾಲೆಟ್‌ ಪೇಪರ್‌: ಯಾಕೀ ವಿವಾದ?
“ಈ ಅಶ್ಲೀಲ ವೀಡಿಯೋವನ್ನು ರಚಿಸಿದವರು ಮತ್ತು ಅದನ್ನು ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿರುವವರನ್ನು ನಾವು ಸುಮ್ಮನೆ ಬಿಡುವುದಿಲ್ಲ. ವಿಕೃತಿ ಮರೆದಿರುವ ಪ್ರತಿಯೊಬ್ಬರ ವಿರುದ್ಧವೂ ಕಠಿಣ ಕಾನೂನು ಕ್ರಮ ಕೈಗೊಳ್ಳುತ್ತೇವೆ. ಇಂದು ಮತ್ತೊಬ್ಬರಿಗೆ ಸಂಭವಿಸಿದ ಈ ಘಟನೆ ನಾಳೆ ನಿಮ್ಮ ಮನೆಯ ತಾಯಿ, ತಂಗಿ, ಹೆಂಡತಿ ಅಥವಾ ಮಗಳಿಗೂ ಎದುರಾಗಬಹುದು. ಇಂತಹ ವಿಕೃತ ವೀಡಿಯೋಗಳನ್ನು ಯಾರೂ ವೀಕ್ಷಿಸಬಾರದು, ಹಂಚಿಕೊಳ್ಳಬಾರದು ಹಾಗೂ ಪ್ರೋತ್ಸಾಹಿಸಬಾರದು” ಎಂದು ಹೇಳಿದ್ದಾರೆ. ಎಂದು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.
Disgusting, Sick and Shameless.
— Jr NTR (@tarak9999) October 3, 2026
In a land that worships women as mothers and goddesses, where "Matrudevo Bhava" is not just a phrase but a part of our culture, some people have fallen so low that they are using AI to disrespect a woman in the most degrading way possible. Using…
“ಸಾಮಾಜಿಕ ಸ್ವಾಸ್ಥ್ಯಕ್ಕೆ ಮಾರಕವಾಗಿರುವ ಎಐ ದುರ್ಬಳಕೆಯ ವಿರುದ್ಧ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ತಕ್ಷಣವೇ ಜಾಗೃತಗೊಂಡು ಕಠಿಣ ನಿಯಮಾವಳಿಗಳನ್ನು ಜಾರಿಗೆ ತರಬೇಕು” ಎಂದೂ ಅವರು ಆಗ್ರಹಿಸಿದ್ದಾರೆ.
