ಸಾಲದ ಕಂತು ಬಾಕಿ ಹಿನ್ನೆಲೆಯಲ್ಲಿ ಜಪ್ತಿ ಮಾಡಲಾಗಿದ್ದ ಬೈಕ್‌ನ್ನು ಹರಾಜು ಮಾಡುವ ಮುನ್ನ ಯಾವುದೇ ನೋಟಿಸ್ ನೀಡಿಲ್ಲ. ಅಲ್ಲದೇ, ಬೈಕ್ ಮಾರಾಟಕ್ಕೆ ಸಂಬಂಧಿಸಿದ ದಾಖಲೆಗಳಲ್ಲಿ ತನ್ನ ಸಹಿಯನ್ನು ನಕಲು ಮಾಡಲಾಗಿದೆ ಎಂದು ಬೆಳಗಾವಿ ಜಿಲ್ಲೆಯ ಕಾಗವಾಡ ತಾಲೂಕಿನ ಉಗಾರ ಗ್ರಾಮದ ಸುಭಾಷ್ ಸೊಕನವರ ಆರೋಪಿಸಿದ್ದಾರೆ.
- Advertisement -
ಸಾಲದ ಕಂತು ಬಾಕಿ ಹಿನ್ನೆಲೆಯಲ್ಲಿ ಸುಭಾಷ್ ಅವರಿಗೆ ಸೇರಿದ ಬೈಕ್‌ನ್ನು ಜಪ್ತಿ ಮಾಡಲಾಗಿತ್ತು. ಆದರೆ, ಬೈಕ್ ಹರಾಜು ಮಾಡುವ ಮುನ್ನ ತಮ್ಮ ಗಮನಕ್ಕೆ ಯಾವುದೇ ನೋಟಿಸ್ ನೀಡಿಲ್ಲ ಎಂದು ಅವರು ದೂರಿದ್ದಾರೆ. ಬೈಕ್ ಮಾರಾಟಕ್ಕೆ ಸಂಬಂಧಿಸಿದ ದಾಖಲೆಗಳಲ್ಲಿರುವ ಸಹಿ ತಮ್ಮದಲ್ಲ ಎಂದು ಅವರು ತಿಳಿಸಿದ್ದಾರೆ.
“ನಾನು ಯಾವುದೇ ದಾಖಲೆಗಳಿಗೆ ಸಹಿ ಮಾಡಿಲ್ಲ. ಬೈಕ್‌ಗೆ ಸಂಬಂಧಿಸಿದ ಮೂಲ ದಾಖಲೆಗಳು ಇಂದಿಗೂ ನನ್ನ ಬಳಿಯೇ ಇವೆ. ಹೀಗಿರುವಾಗ ನನ್ನ ಸಹಿ ಪಡೆಯದೆ ನಕಲಿ ಸಹಿ ಸೃಷ್ಟಿಸಿ ಬೈಕ್ ಮಾರಾಟ ಮಾಡಿದ್ದು ಹೇಗೆ?” ಎಂದು ಸುಭಾಷ್ ಪ್ರಶ್ನಿಸಿದ್ದಾರೆ.
