ಪ್ರತಿ ಟನ್‌ ಕಬ್ಬಿಗೆ ₹5,500 ದರ ನೀಡಬೇಕು ಎಂದು ಆಗ್ರಹಿಸಿ ಕಬ್ಬು ಬೆಳೆಗಾರರು ನಡೆಸುತ್ತಿರುವ ಹೋರಾಟ ಇದೀಗ ಹೊಸ ರೂಪ ಪಡೆದುಕೊಂಡಿದೆ. ‘ಖೈದಿ ನಂಬರ್ 5500’ ಘೋಷಣೆಯೊಂದಿಗೆ ರೈತರು ಜೈಲ್ ಭರೋ ಹೋರಾಟಕ್ಕೆ ಮುಂದಾಗಿದ್ದಾರೆ.
- Advertisement -
ಗುರ್ಲಾಪೂರ ಕ್ರಾಸ್‌ನಿಂದ ಕಬ್ಬೂರು ಗ್ರಾಮದ ಕಡೆಗೆ ಕಬ್ಬು ಬೆಳೆಗಾರರು ಪಾದಯಾತ್ರೆ ಆರಂಭಿಸಿದ್ದು, ರೈತರು ಘೋಷಣೆಗಳನ್ನು ಕೂಗುತ್ತಾ ಹೋರಾಟದಲ್ಲಿ ಪಾಲ್ಗೊಂಡಿದ್ದಾರೆ. ಇಂದು ರಾತ್ರಿ ಕಬ್ಬೂರು ಗ್ರಾಮದಲ್ಲಿ ವಾಸ್ತವ್ಯ ಮಾಡಲಿರುವ ರೈತರು, ಮುಂದಿನ ಹೋರಾಟದ ರೂಪುರೇಷೆಗಳನ್ನು ಅಲ್ಲಿಯೇ ನಿರ್ಧರಿಸಲಿದ್ದಾರೆ.
ಪ್ರತಿ ಟನ್‌ ಕಬ್ಬಿಗೆ ₹5,500 ದರ ನಿಗದಿಪಡಿಸಬೇಕು ಎಂಬ ಪ್ರಮುಖ ಬೇಡಿಕೆಯೊಂದಿಗೆ ರೈತರು ಹೋರಾಟ ಮುಂದುವರಿಸಿದ್ದು, ಕಬ್ಬು ಬೆಳೆಗಾರರ ಈ ಜೈಲ್ ಭರೋ ಹೋರಾಟ ಮುಂದಿನ ದಿನಗಳಲ್ಲಿ ಯಾವ ಸ್ವರೂಪ ಪಡೆದುಕೊಳ್ಳಲಿದೆ ಎಂಬುದು ಕುತೂಹಲ ಮೂಡಿಸಿದೆ.
