ಚುನಾವಣೆಯಲ್ಲಿ ಗೆದ್ದವರ ಎದುರು ಹಕ್ಕು ಮತ್ತು ಕರ್ತವ್ಯದ ಬಗ್ಗೆ ಮಾತನಾಡಲು ನಮಗೆ ಹಿಂಜೆರಿಕೆ ಆಗುವುದು ಏಕೆ ಎಂದರೆ, ಅಭ್ಯರ್ಥಿಯು ಓಟು ಕೇಳಲು ಬಂದಾಗ ನಾವು ನಮ್ಮಲ್ಲಿರುವುದನ್ನು ಕೊಟ್ಟು ಚರ್ಚೆ ಮಾಡಿ ಕಳಿಸದೆ ಅವರಿಂದ ಕೇಳಿ ಕೈ ಹೊಡ್ಡಿ ಪಡೆದುಕೊಂಡಿದ್ದಕ್ಕಾಗಿಯೇ ಇಂದಿಗೂ ಬಡತನ ಮುಕ್ತ ಭಾರತ ಆಗಲು ಸಾಧ್ಯವಾಗಿಲ್ಲ. ಕೊಟ್ಟವರು ಮಾತನಾಡುತ್ತಾರೆ, ಪಡೆದವರು ಮೌನವಾಗಿ ನಿಲ್ಲುತ್ತಾರೆ. ಅಭ್ಯರ್ಥಿಗೆ ನಾವು ಏನನ್ನು ಕೊಡದೆ ಹೋದರು ಚಿಂತಿಸಬೇಡಿ ಅಭ್ಯರ್ಥಿಯಿಂದ ಏನನ್ನು ಪಡೆಯದಿದ್ದರೆ ಸಾಕು, ನಾವು ಮಾತನಾಡುವ ಹಕ್ಕು ನಮ್ಮನ್ನು ಮಾತನಾಡಿಸುತ್ತದೆ, ಆಗ ಅಭ್ಯರ್ಥಿಯು ಮೌನವಾಗುತ್ತಾರೆ.
ಐದು ವರ್ಷ ಹೋರಾಟ ಮಾಡಿ ನಿವೇಶನ ಮನೆ ರಸ್ತೆ ಕುಡಿಯುವ ನೀರು ಬೀದಿ ದೀಪ, ಹೊಳ ಚರಂಡಿ, ಭವನ, ಶಾಲೆ, ಇನ್ನು ಇತ್ಯಾದಿಗಳ ಹೋರಾಟ ಮಾಡಿ ಇಡಿ ಸರ್ಕಾವನ್ನೆ ಹೆದರಿಸುವಂತ ಭಾಷಣಗಳನ್ನು ಮನೆ ಮನೆಯಲ್ಲೂ ಮಾತನಾಡುತ್ತೇವೆ. ಆದರೆ ಐದು ವರ್ಷಕೊಮ್ಮೆ ಚುನಾವಣೆಯಲ್ಲಿ ಅವರು ಕೊಡುವ ಐನೂರು ರೂಪಾಯಿ ಅಂದರೆ ಒಂದು ದಿನಕ್ಕೆ ಪೈಸೆ ಲೆಕ್ಕದ ಕಾಸು, ನಮ್ಮ ಶ್ರಮದ ಹಕ್ಕಿನ ಮಾತನ್ನೆ ಮುಟುಕುಗೊಳಿಸುತ್ತದೆ.
ಈ ನಮ್ಮ ಐದು ವರ್ಷದ ಶ್ರಮದ ಹೋರಾಟದ ಚಿಂತನೆಯಲ್ಲಿರುವ ನಾವುಗಳು ಚುನಾವಣೆಯಲ್ಲಿಯು ಸ್ಪರ್ದಿಸಲಿಲ್ಲ, ಅವರು ಕೊಡುವ ವಸ್ತು ಅಥವಾ ಇತರೆ ಎಲ್ಲವೂ ನಮ್ಮನ್ನು ಮಾತನಾಡಲು ಬಿಡಲಿಲ್ಲ ಎನ್ನುವುದಾದರೆ, ನಮ್ಮ ಸಂವಿಧಾನದ ಶ್ರಮದ ಪ್ರತಿಫಲ ದಕ್ಕುವುದಾದರು ಎಲ್ಲಿ, ಯಾವಾಗ, ಈ ವಿಷಯದ ಬಗ್ಗೆ ನಾನು ಆರಂಭವನ್ನು ಮಾಡುತ್ತಿರುವುದು ಏಕೆ? ಈಗಾಗಲೇ ಜಿಲ್ಲಾ ಪಂಚಾಯಿತಿ ಮತ್ತು ತಾಲೂಕು ಪಂಚಾಯಿತಿ ಚುನಾವಣೆ ರಂಗೇರುತ್ತಿದೆ, ಸ್ಪರ್ಧಿಸುವ ಅಭ್ಯರ್ಥಿಗಳು ಜನತೆಯ ನಾಡಿಮಿಡಿತ ಅರಿತು ಸಾಗುವ ದಾರಿಯನ್ನು ಆಯ್ಕೆಯ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ.
ಈ ಸಂದರ್ಭದಲ್ಲಿ ಹೋರಾಟಗಾರರು ಹಾಗೂ ಜನತೆ, ಮಾತನಾಡುವ ಮತ್ತು ಪ್ರಜಾಪ್ರಭುತ್ವ ಸಂವಿಧಾನದ ಹಕ್ಕನ್ನು ಕೇಳುವ ಮತ್ತು ಚಲಾಯಿಸುವ ಸಮಯ ಎದುರಿನಲ್ಲಿದೆ, ಹಣವೂ, ಅಥವಾ ಹಕ್ಕೋ, ನಿಮ್ಮ ನಮ್ಮ ಆಯ್ಕೆಯ ಮುಂದಿರುವ ಪ್ರಶ್ನೆ, ಮತ್ತು ಸಾವಲಾಗಿದೆ.
ಇದನ್ನೂ ಓದಿದ್ದೀರಾ?ಹಾಸನ | ದಲಿತರ ಭೂಮಿ, ಶಿಕ್ಷಣ, ಉದ್ಯೋಗ ಘನತೆಯ ಬದುಕಿನ ಪ್ರಶ್ನೆಗಳನ್ನು ಸಂಸತ್ತಿನಲ್ಲಿ ಚರ್ಚಿಸಲಿ; ಡಿಎಚ್‌ಎಸ್
ಬುದ್ಧಿಯಲ್ಲಿ ಭ್ರಮೆ ಮತ್ತು ಅಪನಂಬಿಕೆ ಇರಬಾರದು, ವೈಚಾರಿಕ ಹಾಗೂ ವೈಜ್ಞಾನಿಕ ಜ್ಯೋತಿ ಹಚ್ಚುವ ಚಿಂತನೆ ಇರಬೇಕು. ಭೌತಿಕ ಜ್ಞಾನದಿಂದ ಮಾತನಾಡುವವನು ಜಗತ್ತಿನ ಜ್ಞಾನದ ಮೆಟ್ಟಿಲೆರುತ್ತಾನೆ. ಭಾವನೆಯ ಭಯದಿಂದ ಬದುಕುವವನು ತನ್ನ ಕಾಲುಬುಡವನ್ನೇ ಜಗತ್ತು ಎಂದುಕೊಳ್ಳುತ್ತಾನೆ ಆಯ್ಕೆ ನಿಮ್ಮದು ಇದೆ ಸಾಮಾಜಿಕ ಶಿಕ್ಷಣ, ದುಶ್ಚಟಗಳಿಂದ ದೂರ ಸರಿದಾಗ, ಜೀವನದ ಸಿದ್ದಾಂತ ತಿಳಿಯುತ್ತದೆ ಎಂದು ಸುರೇಶ್ ಸಿ ಜಿ ದರಗುಣಿ ಹೇಳಿದ್ದಾರೆ.
