ಮಂಗಳೂರು:SIR (ವಿಶೇಷ ತೀವ್ರ ಪರಿಷ್ಕರಣೆ) ವಿರುದ್ಧ SKSSF ದಕ್ಷಿಣ ಕನ್ನಡ ವೆಸ್ಟ್ ಜಿಲ್ಲಾ ವ್ಯಾಪ್ತಿಯ ಏಳು ವಲಯಗಳಲ್ಲಿ ನವೆಂಬರ್ 13, ಶುಕ್ರವಾರ ಸಂಜೆ 4 ಗಂಟೆಗೆ ಬೃಹತ್ ಪ್ರತಿಭಟನೆ ನಡೆಯಲಿದೆ ಎಂದು SKSSF ದಕ್ಷಿಣ ಕನ್ನಡ ವೆಸ್ಟ್ ಜಿಲ್ಲಾ ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಮಂಗಳೂರು, ದೇರಳಕಟ್ಟೆ, ಬಂಟ್ವಾಳ, ಕಲ್ಲಡ್ಕ, ಗುರುಪುರ–ಕೈಕಂಬ, ಮೂಡಬಿದ್ರೆ ಹಾಗೂ ಸುರತ್ಕಲ್ ವಲಯಗಳಲ್ಲಿ ಪ್ರತಿಭಟನೆ ಆಯೋಜಿಸಲಾಗಿದ್ದು, ವಿವಿಧ ಕೇಂದ್ರಗಳಲ್ಲಿ ಸಂಘಟನೆಯ ಮುಖಂಡರು ಹಾಗೂ ಸಾಮಾಜಿಕ ಕಾರ್ಯಕರ್ತರು ಭಾಗವಹಿಸಿ ಪ್ರತಿಭಟನೆಯನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.
ವಿವಿಧ ವಲಯಗಳ ಅಧ್ಯಕ್ಷರುಗಳಾದ ಶರೀಫ್ ಆರ್ಷದಿ ಕೈಕಂಬ, ಜನಾಬ್ :ಆಸೀಫ್ ಎಂ.ಎ. ಎಸ್ ಮೂಡಬಿದೆ, ಹನೀಫ್ ಮುಸ್ಲಿಯಾರ್ ಬಂಟ್ವಾಳ, ಅಶ್ರಫ್ ಆರ್ಷದಿ ದೇರಳಕಟ್ಟೆ, ಹಂಝ ಕುರಿಯಪ್ಪಾಡಿ ಕಲ್ಲಡ್ಕ, ಝಫ್ಫಾರುಲ್ಲ ಸುರತ್ಕಲ್, ಜನಾಬ್ :ಜಲೀಲ್ ಕುದ್ರೋಳಿ ಮಂಗಳೂರು ಇವರುಗಳ ಅಧ್ಯಕ್ಷತೆಯಲ್ಲಿ ಪ್ರತಿಭಟನೆ ನಡೆಯಲಿದೆ .
SIR ರದ್ದು ಗೊಳಿಸಬೇಕು ಎಂದು ಅಗ್ರಹಿಸಿ ವಿವಿಧ ವಲಯಗಳಲ್ಲಿ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿದ್ದು, ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಪ್ರತಿಭಟನೆಯನ್ನು ಯಶಸ್ವಿಗೊಳಿಸುವಂತೆ SKSSF ದಕ್ಷಿಣ ಕನ್ನಡ ವೆಸ್ಟ್ ಜಿಲ್ಲಾ ಸಮಿತಿ ಮನವಿ ಮಾಡಿದೆ.
